Жергілікті ақпарат құралдарының хабарлауынша, Назарбаев партияның саяси кеңесінің кеңейтілген жиналысында наурыз айында жасаған "бес әлеуметтік бастама" бағдарламасындағы ипотека пайызын төмендеуге қатысты шенеуніктерге ескерту жасады. Ол партияластарына "7-20-25" тұрғын үй бағдарламасына мемлекеттен бөлінетін қаржыны "ұрламауға" шақырды. Бұл бағдарламаға сәйкес, азаматтарға пәтер алу үшін жылына 7 пайыз үстемақымен, алғашқы жарна 20 пайызбен, 25 жылға ипотекалық несие беріледі.

«Бізде әлі күнге дейін барлық қалалар мен аудандарда кезек бар [пәтер алуға]. Кімде-кім Германия, Франция немесе Америкада пәтер алуға кезекке тұрғанын көрдіңіздер? Бұл нонсенс. Себебі мемлекет тегін пәтер бермейді. Маған әлі күнге дейін зейнеткерлер хат жазады, пәтер беріңіз деп… жалға алатын пәтерлер бар. Қандай кезек? Парламент, министрлерге хат жазады. Елде тегін пәтер беру керек деген заң жоқ… Барлық партияластарыма айтамын: бақылауға алыңдар, дұрыс істеңдер, қаржыны ұрламаңдар! Халыққа дұрыс жетсін»,- деді президент.

Бұл жиналысқа партияның саяси кеңесінің мүшелерінен бөлек, мемлекеттік мекемелердің басшылары, облыс және аудан әкімдері мен партияның барлық аймақтағы өкілдері қатысқан.

Abai.kz