АСТАНА. 10 наурыз. ҚазАқпарат - Жамбыл облысы аумағы арқылы Қырғызстанға контрабандалық жүк алып өтпек болғандар ұсталды, деп хабарлады облыстық кедендік бақылау департаментінің баспасөз қызметі.

6 наурызда шұғыл ақпарат алған Жамбыл облыстық кедендік бақылау департаментінің Контрабандаға қарсы күрес басқармасының қызметкерлері шекара қызметінің өкілдерімен бірігіп, кедендік алымдар төлеуден жалтарып Құмшағыл ауылы тұсынан «КамАЗ» көлігімен 24 тонна дизельді қырғыз асырмақ болған еліміздің азаматтарын қолға түсірді. Сондай-ақ 7 наурыз күні Контрабандаға қарсы күрес басқармасының қызметкерлері шұғыл-іздестіру шаралары кезінде қаланың Молдарбеков көшесі бойынан «КамАЗ» жүк көлігін тоқтатады. Кеденшілердің әрекетіне қарсыласқан автокөлік жүргізушісі көлігін тастап қашып кеткен. Жүк көлікті тексеру кезінде Қырғыз Республикасы азаматының жеке куәлігі мен басқа да құжаттары табылған. Ал көліктің қорабында 16 тоннадан аса тауық еті бар болып шықты. Қазіргі уақытта қосымша анықтау жұмыстары жүргізілу үстінде.

Аталған фактілер бойынша тексеру шараларының нәтижесімен тиісті тұлғалар кінәлі болып табылса, ҚР ҚК 209 бабына сәйкес жазаланатын болады.

АСТАНА. 10 наурыз. ҚазАқпарат - Жамбыл облысы аумағы арқылы Қырғызстанға контрабандалық жүк алып өтпек болғандар ұсталды, деп хабарлады облыстық кедендік бақылау департаментінің баспасөз қызметі.

6 наурызда шұғыл ақпарат алған Жамбыл облыстық кедендік бақылау департаментінің Контрабандаға қарсы күрес басқармасының қызметкерлері шекара қызметінің өкілдерімен бірігіп, кедендік алымдар төлеуден жалтарып Құмшағыл ауылы тұсынан «КамАЗ» көлігімен 24 тонна дизельді қырғыз асырмақ болған еліміздің азаматтарын қолға түсірді. Сондай-ақ 7 наурыз күні Контрабандаға қарсы күрес басқармасының қызметкерлері шұғыл-іздестіру шаралары кезінде қаланың Молдарбеков көшесі бойынан «КамАЗ» жүк көлігін тоқтатады. Кеденшілердің әрекетіне қарсыласқан автокөлік жүргізушісі көлігін тастап қашып кеткен. Жүк көлікті тексеру кезінде Қырғыз Республикасы азаматының жеке куәлігі мен басқа да құжаттары табылған. Ал көліктің қорабында 16 тоннадан аса тауық еті бар болып шықты. Қазіргі уақытта қосымша анықтау жұмыстары жүргізілу үстінде.

Аталған фактілер бойынша тексеру шараларының нәтижесімен тиісті тұлғалар кінәлі болып табылса, ҚР ҚК 209 бабына сәйкес жазаланатын болады.