"Қазақстан Ауғанстандағы жағдайды реттеу жөніндегі кездесулердің барлық форматтарын қолдайды. Қазақстанның сыртқы істер министрлігі 2017 жылы сәуір айында Ауғанстанда бейбітшілік орнатуды көздейтін аймақтық кеңесуге қатысты. 4 қыркүйекте Мәскеуде өтетін кезекті кездесуге де Қазақстан өкілдері барады", - деді Смадияров. Баспасөз хатшысы қазақстандық делегация құрамы туралы ештеңе айтқан жоқ.
Ресей бұл кездесуге қатысуға 12 елді шақырған, олардың арасында АҚШ та бар. ТАСС мемлекеттік жаңалықтар агенттігінің хабарлауынша, кездесуге "Талибан" қозғалысының Дохадағы саяси кеңесінің басшылығы шақыртылған. Вашингтон мен Кабул 22 тамызда бұл кездесуге қатыспайтындарын мәлімдеді.
Abai.kz
