ОРАЛ. 19 наурыз. ҚазАқпарат /Елжан Ералы/ - Батыс Қазақстан облыстық қазақ драма театрында 18 наурызда «Бақ-берекем, әз Наурыз» атты театрландырылған концерттік бағдарлама қойылды.

Онда Наурыз мейрамына орай көріністер қойылып, өңірге танымал әртіс-әншілер өнер көрсетті. Кеше сондай-ақ Наурыз мейрамы Қазақстан инновациялық және телекоммуникациялық жүйелер университеті және басқа оқу орындары мен мекемелерде атап өтілді.

Мерекелік шаралар бүгін де жалғасады. Қалалық мәдениет және тілдерді дамыту бөлімінің бастығы Сайран Дүйсентегінің айтуынша, Жастар мәдениет үйінде алғаш рет мүгедек балаларға арналған шара ұйымдастырылып отыр. Қайырымдылық шарасымен 160 бала қамтылмақшы.

Негізгі шаралар Орал қаласында 22 наурыз күні өтеді. Сырым Датұлы алаңында басталатын театрландырылған көрініс, спорттық шаралар, өнімдер жәрмеңкесі кешкісін Қазақстан эстрада жұлдыздарының концертімен аяқталмақшы.

ОРАЛ. 19 наурыз. ҚазАқпарат /Елжан Ералы/ - Батыс Қазақстан облыстық қазақ драма театрында 18 наурызда «Бақ-берекем, әз Наурыз» атты театрландырылған концерттік бағдарлама қойылды.

Онда Наурыз мейрамына орай көріністер қойылып, өңірге танымал әртіс-әншілер өнер көрсетті. Кеше сондай-ақ Наурыз мейрамы Қазақстан инновациялық және телекоммуникациялық жүйелер университеті және басқа оқу орындары мен мекемелерде атап өтілді.

Мерекелік шаралар бүгін де жалғасады. Қалалық мәдениет және тілдерді дамыту бөлімінің бастығы Сайран Дүйсентегінің айтуынша, Жастар мәдениет үйінде алғаш рет мүгедек балаларға арналған шара ұйымдастырылып отыр. Қайырымдылық шарасымен 160 бала қамтылмақшы.

Негізгі шаралар Орал қаласында 22 наурыз күні өтеді. Сырым Датұлы алаңында басталатын театрландырылған көрініс, спорттық шаралар, өнімдер жәрмеңкесі кешкісін Қазақстан эстрада жұлдыздарының концертімен аяқталмақшы.