Азаттықтың қырғыз қызметінің хабарлауынша, акцияға қатысушылар заңсыз акция ұйымдастырушыларға айыппұлды көтергеніне наразылық білдірген.

Алаңға жиналған адамдар акцияны ешкімнің ұйымдастырмағанын, өз еріктерімен келгенін айтқан. Олар дені Кара-Балтадан және Бішкек айналасындағы елді-мекендерден жиналған.

2018 жылдың желтоқсан айында "Кыргыз чоролору" қоғамдық бірлестігі Бішкекте бейбіт митинг өткізіп, Қытайдағы аз ұлт өкілдерінің "қайта тәрбиелеу лагерлерінде" отырғанына алаңдаушылық білдірген.

Осыдан кейін WhatsApp мессенджері арқылы 7 қаңтарда Бішкекте Қытай азаматтарының заңсыз миграциясы жайында митинг өтеді деген хабар тараған. Ал "Кыргыз чоролору" бірлестігі бұл акцияға еш қатысымыз жоқ деп мәлімдеді.

Митингке жиналғандар келесі наразылық акциясын 17 қаңтарда сол алаңда өткізуді жоспарлап отыр.

Abai.kz