Бейсенбі, 20 Маусым 2019
871 4 пікір 12 Маусым, 2019 сағат 10:55

WSJ: Ким Чен Ынның өлтірілген бауыры ОББ тыңшысы болған

Солтүстік Корея басшысы Ким Чен Ынның өкіл бауыры Ким Чен Нам Орталық барлау басқармасының тыңшысы болған. Бұл туралы The Wall Street Journal газеті дереккөздеріне сілтеме жасап хабарлады.

Басылым мәліметі бойынша, Ким Чен Ынның бауыры бірнеше мәрте ОББ агенттерімен кездескен, 2017 жылы оны Малайзияда өлтірерден бұрын ол барлау өкілімен кездесуге бара жатқан.

АҚШ үкіметіндегі дереккөз мәліметі бойынша, Ким Чен Нам ұзақ уақыт шетелде тұрған, оның КХДР-ге қандай да бір ықпалы болмаған. Бірақ басылым дереккөзі оның басқа елдердің, мысалы Қытайдың тыңшысы болуы мүмкін екендігін жоққа шығармады.

​Ким Чен Нам 2017 жылы ақпанда Куала-Лумпур әуежайында өлтірілді. Оның бетін бірден улап өлтіретін зат құйылған орамалмен тұмшалаған. Кісі өлтіру қылмысы үшін екі әйел сотталды. Олардың адвокатының айтуынша, әйелдер реалити-шоуға қатыстық деп ойлап қалған. Қазір олар бостандыққа шықты.

Ким Чен Нам Солтүстік Кореяның бұрынғы басшысы Ким Чен Ирдің үлкен ұлы, оны үзақ уақыт бойы мұрагер ретінде қарастырып келді, бірақ ол қуғынға ұшыраған соң шетелге қашып кетті.

Abai.kz

4 пікір