Жұма, 15 Қараша 2019
Аймақ 1322 0 пікір 13 Маусым, 2019 сағат 11:06

Қызылорда облысында демографиялық ахуалы тұрақты

negative trend

Қазіргі күні Қызылорда облысының халық саны 797,6 мың адамға жетті. Оның ішінде қалалықтар – 353,7 мың (44,3%), ауылдықтар – 443,9 мың адамды (55,7%) құрады, - деп хабарлайды Абай-ақпарат.

Өткен жылдың 1 мамырымен салыстырғанда халық саны 10,9 мың адамға (1,4%) өскен. АХАТ органдары ұсынған азаматтық хал актілер жазбаларындағы мәліметтерге сүйенсек, 2019 жылғы қаңтар-сәуіріндегі аймақ халқының табиғи өсімі 2018 жылғы қаңтар-сәуірімен салыстырғанда 158 адамға немесе 3,4% кеміп, 4458 адамды құрады. Табиғи өсімнің жалпы коэффициенті 1000 адамға шаққанда 16,97 адамды құрады.

Ал қайтыс болғандар саны 1462 адамды құраса, бұл былтырғыға қарағанда 2,4% көп. Өлім-жітімнің жалпы коэффициенті 1000 адамға 5,56 қайтыс болғандарды құрады. 2019 жылғы қаңтар-сәуірде облыста 1 жасқа дейінгі 55 нәресте өлімі тіркелді. Өткен жылдың қаңтар-сәуірімен салыстырғанда 1 жасқа дейінгі шетінеген нәресте саны 3,5% азайған. Нәресте өлім-жітімінің коэффициеті 1000 туғандарға шаққанда – 9,29%. .

Сондай-ақ, 2019 жылғы қаңтар-сәуірдегі көші-қон алмасуы нәтижесінде аймақтан 16798 адам кетіп, 15617 адам келген. 2018 жылдың қаңтар-сәуірімен салыстырғанда облысқа келгендер саны 40,1%, ал облыстан кеткендер саны 38,0% көбейген.

Сыр еліне алыс-жақын шет елдерден 8 адам қоныстанса, республиканың өзге өңірлерінен 3152 адам келіпті.

Abai.kz

0 пікір