"Егер біз шын мәнінде ірі қалаларға инвестиция мен туристерді тартқымыз келсе, қысқа мерзім ішінде мұндай анахронизмнен арылу керек", – деді Тоқаев Алматыны дамыту жөніндегі жиында.
Президенттің айтуынша, бұл шетелдіктерге ыңғайсыз жағдай туғызып ғана қоймайды, коррупцияның көзі болып саналады. Туристерге шекара бақылау бекетінен өтудің өзі жеткілікті деп есептейді мемлекет басшысы.
Тоқаев үкіметке туристерді міндетті тіркеуді Жаңа жылға дейін алып тастауға тапсырма берді.
Шетел азаматтары жөніндегі заңға сәйкес, Қазақстанға келетін туристер бес күн ішінде ішкі істер басқармасына барып тіркелуі қажет. Заңды бұзған жағдайда 100 доллар көлемінде айыппұл салады не елден тез арада шығып кетуі тиіс.
Қазақстанның статистика комитетінің мәліметінше, 2018 жылы елге 8,5 млн турист келген.
Abai.kz
