"ەگەر ءبىز شىن مانىندە ءىرى قالالارعا ينۆەستيتسيا مەن تۋريستەردى تارتقىمىز كەلسە، قىسقا مەرزىم ىشىندە مۇنداي اناحرونيزمنەن ارىلۋ كەرەك", – دەدى توقاەۆ الماتىنى دامىتۋ جونىندەگى جيىندا.

پرەزيدەنتتىڭ ايتۋىنشا، بۇل شەتەلدىكتەرگە ىڭعايسىز جاعداي تۋعىزىپ عانا قويمايدى، كوررۋپتسيانىڭ كوزى بولىپ سانالادى. تۋريستەرگە شەكارا باقىلاۋ بەكەتىنەن ءوتۋدىڭ ءوزى جەتكىلىكتى دەپ ەسەپتەيدى مەملەكەت باسشىسى.

توقاەۆ ۇكىمەتكە تۋريستەردى مىندەتتى تىركەۋدى جاڭا جىلعا دەيىن الىپ تاستاۋعا تاپسىرما بەردى.

شەتەل ازاماتتارى جونىندەگى زاڭعا سايكەس، قازاقستانعا كەلەتىن تۋريستەر بەس كۇن ىشىندە ىشكى ىستەر باسقارماسىنا بارىپ تىركەلۋى قاجەت. زاڭدى بۇزعان جاعدايدا 100 دوللار كولەمىندە ايىپپۇل سالادى نە ەلدەن تەز ارادا شىعىپ كەتۋى ءتيىس.

قازاقستاننىڭ ستاتيستيكا كوميتەتىنىڭ مالىمەتىنشە، 2018 جىلى ەلگە 8,5 ملن تۋريست كەلگەن.

Abai.kz