17- маусым күні мен - Мақсат Ілиясұлы, Еділ Мәкен, Жеңіс Тілеубай, Амандық Дәулетбекұлы, және Нұрлан Жабаев бесеуіміз (суретте) киік пен малдың, балық пен қоян, суыр тағы басқа аңдардың қырылу себебі туралы мәліметті жергілікті халықтың өз ауызынан есту үшін арнайы "Шындық экспидициясына" шығып, жоспар бойынша Ақмола облысын басып өтіп, Қостанай облысының ауылдарын, Державинка қала тұрпатты елді мекенін артқа тастап, Арқалық қаласына ат басын тіредік.

Осы сапар барысында Ақмола облысы, Есіл ауданының Донское ауылының орнын, Державинка мен Арқалықтың ортасындағы қаңыраған үйлерді көріп, шет елдегі бауырлардың елге қайтуына жағдай жасап, солтүстік облыстарға қоныстандырудың қаншалықты маңызды екеніне көз жеткізгендейміз.