17- ماۋسىم كۇنى مەن - ماقسات ءىلياسۇلى، ەدىل ماكەن، جەڭىس تىلەۋباي، اماندىق داۋلەتبەكۇلى، جانە نۇرلان جاباەۆ بەسەۋىمىز (سۋرەتتە) كيىك پەن مالدىڭ، بالىق پەن قويان، سۋىر تاعى باسقا اڭداردىڭ قىرىلۋ سەبەبى تۋرالى مالىمەتتى جەرگىلىكتى حالىقتىڭ ءوز اۋىزىنان ەستۋ ءۇشىن ارنايى "شىندىق ەكسپيديتسياسىنا" شىعىپ، جوسپار بويىنشا اقمولا وبلىسىن باسىپ ءوتىپ، قوستاناي وبلىسىنىڭ اۋىلدارىن، دەرجاۆينكا قالا تۇرپاتتى ەلدى مەكەنىن ارتقا تاستاپ، ارقالىق قالاسىنا ات باسىن تىرەدىك.

وسى ساپار بارىسىندا اقمولا وبلىسى، ەسىل اۋدانىنىڭ دونسكوە اۋىلىنىڭ ورنىن، دەرجاۆينكا مەن ارقالىقتىڭ ورتاسىنداعى قاڭىراعان ۇيلەردى كورىپ، شەت ەلدەگى باۋىرلاردىڭ ەلگە قايتۋىنا جاعداي جاساپ، سولتۇستىك وبلىستارعا قونىستاندىرۋدىڭ قانشالىقتى ماڭىزدى ەكەنىنە كوز جەتكىزگەندەيمىز.