Сейсенбі, 17 Қазан 2017
Осы ғой енді... 2057 17 пікір 25 Сәуір, 2017 сағат 10:44

Ұрлады. Ұсталды. Шықты. Романтика!

1 миллион доллар пара алды деп ұсталған "Қорғас" халықаралық орталығының бұрынғы басшысы Василий Ни қылмыстық жауапкершіліктен босатылды. Алматы қалалық соты шығарған үкім бойынша, 2016 жылдың 5 қыркүйегінде ұсталған Василий Нимен қоса, "Қорғастың" инвесторлармен жұмыс бөлімінің басшысы Махаббат Сайдуллава да ақталған деп хабарлады 31 арнаның жаңалықтар қызметінің тілшісі Жарас Ниязбек.

"Қорғас" орталығы аумағына қымбат қонақ үй салу үшін "Тюлпан Хоргос" компаниясынан миллион доллар талап еткен Василий Ниді алғашында екі айға қамау туралы шешім шыққан. Ақыры бұл іс туралы шу басылып, ел ұмыта бастағанда Алматы қалалық соты парамен ұсталған Ни мен қарамағындағы қызметкер Сайдуллаваны жазадан босатыпты. Ал, аса ірі көлемде пара алған "Қорғас" басшысының босатылуын депутаттар дұрыс шешім дейді. Соның бірі «көсемінің» мумиаланғаны мәйітін қазақ жеріне әкеліп қоюды армандап жүрген депутат Косарев болып шықты. Ол аталған арна тілшісіне берген шағын сұхбатында:

- У нас же есть положение когда он восстановить похищенные, и они могут отпустить его. Это думаю правильно, - дейді. Кәрі коммунисттің пікіріне сүйенсек, ұрланған дүние орнына келсе, ұрлықшыға кешірім жасалуы керек. Біздің заңдарымызда сондай мүмкіндік ескерілген.

Депутат әлгіндей дегенімен білікті заңгерлер Қылмыстық кодекстің 65 бабы бойынша қылмыскерлерді шын өкінуіне байланысты жауапкершіліктен босатуға болмайды дегенді айтады.

- 65 бап мүлде дұрыс емес. Біздің Қылмыстық кодекс - қылмыскерлердің өкінуін күттіретін кодекс. Ал кез келген қылмыскер ұсталғаннан кейін өкінеді, ұсталғанға дейін өкінбейді, - дейді кәсіби заңгер Орынбасар Тілепбергенов.  Тағы бір заңгер Джохар Өтебеков болса:

- Бұрын соңды аса ірі көлемде парамен ұсталып, босатылыпты дегенді естімегенмін. Дәл осы қылмыстың жазасына 10 жылдан 15 жылға дейін бас бостандығынан айыру жазасы қарастырылған. Бұл аса ауыр қылмыс саналады, - деп әріптесінің сөзін нақтылай түседі.

- 1 миллион доллар парамен ұсталған "Қорғас" орталығының бұрынғы басшысына неше көлемде айыппұл салынғаны белгісіз. Бұл туралы Алматы қалалық соты ешқандай ақпарат таратпады. Ал кәсіби заңгерлер дәл осындай қылмыстық жауапкершіліктен босататын жағдайдың жекелеген тұлғаларға қатысты өте сирек қолданылатынын айтады, - деп қортындылайды ойын 31 арна тілшісі.

Елімізде, Ни, Ким, Нан дейтін бірнеше алпауыт кәріс азаматтары бар. Мына Ни сол Нилердің сойынан болуы әбден мүмкін. Ал, ең басты Ни - ҚР Президентінің ұзақ жыл көмекшісі, ақылшысы болған Владимир Ни еді жарықтық. Ол дүниеден қайтқанда (2010 жылы, қыркүйек айында) Президент Назарбаев: «Владимир Ни Қазақстандағы кәрістерді ел қатарына қосып кетті», - деген болатын. Қазақстандағы кәріс диаспорасының ендігі серкесі Владимир Ким ұзақ жылдар бойында «Қазақмыс» директорлар кеңесінің төрағасы болды. «Форбос» журналының дерегіне сүйенсек, Қазақстаннан шыққан миллиордерлердің көшбасында тұрған алпауыттың бірі де сол – Ким мырза.

Қысқасы 1 миллион доллар көлемінде пара алып ұсталған Василий Ни абақтыдан босады. Шамасы, істеген ісіне ол қатты өкінсе керек. Ал, өкінгендер мен өтінгендердің бәріне заң орындары дәл осылайша кеңдік жасай беремейді бізде. Әйтсе де Вәкеңдікі рахат: ұрлады, ұсталды, шықты. Романтика!

Abai.kz

17 пікір
Төкен 2017-04-27 19:49:54
- У нас же есть положение когда он восстановить похищенные, и они могут отпустить его. Это думаю правильно, - дейді. --------------------------------- Бұны қарапайым адам түсінетіндей етіп аударсақ, осы ұрланған ақшадан, сот, адвокат, тергеушілердің құлқынын толтырса босатуға болады. Мен мұны дүрыс деп ойлаймын.
Мен 2017-04-27 02:05:43
Миллион доллар пара алып босаганда. Оз ултынын патриоттарын неге босатпайды. Олар кандай кылмысы уш!н отырудары керек.
Асеке 2017-04-26 17:43:13
Жасасын Қазақстан. Мұндай жағдайлар тек қана қазіргі Қазақстанда ғана орын алады, басқа еш жерде де емес.
Жаңа мақал 2017-04-26 13:51:04
"Қалмақ-кәріс бір туған, *азақ итті кім туған?"
Жел тұрмаса шөптің басы қимылдамайды - ұрламаса, жалақымен Форбс жорналына ресми түрде жария етілмейді 2017-04-26 13:47:59
Патша әділетсіз болмаса қол астындағы азаматтарға тең қарауы керек, мейлі ол азамат өзінің саяси қарсыласы болсын, мейлі ол азамат өзінің жағымпаз жақтаушысы болсын, мейлі ол азамат бейтарап көзқарастағы адам болсын. Мемлекеттік билікті жеке кегін қууға, аяғына жығуға ең оңбаған залым патша пайдаланады анау Солтүстік Кореяның елбастығы сияқты. Миллиартарды ұрлап сотталған ұрыны ертесіне аяғына жығылғаны үшін бостатып, аяғына жығылмағанын он жылдап босатпау - бұл барып тұрған нәпсіқұмар әділетсіздік! Тарихта қарабет болып өшіріліп қалуды қаламайтын текті патша ондай зұлымдыққа ешуақытта бармайды.
мысқылшы 2017-04-26 09:32:11
косарь шалға дұрыстап "түсіндіріп бер"деген ғой.,ол жақсылап бізге "түсіндіріп-"ақ отыр "түсінбей шулап отырған өзіміз".,жер дауында да "түсіндіріңдер халыққа"дегенді"түсінгіміз"келмей əлі жүрміз.біздің соттар"əп-əділ"екендіктерін көрсетті бұл жерде бұл дөкейді ұстапты қайта,ал ұстаған кезде бірден ұстағанымыз үшін жазықтымыз- жаздым -жаңылдым деп сол мезгілде босатып жіберсе не.істер едік?
мен 2017-04-25 22:16:38
косарев деген жақтаушыға да үлкен мөлшерде айып салу керек орнынан кетіру керек,,агитация жасап түк білмегендей заңсыздықты заңды деп отырған.
Мақсұт 2017-04-25 22:08:27
Кесірткенің (Оның бір түрі "білезік" -деп аталады) бір қасиеті бар... Қауіп төнгенде -құйрығын кесіп тастайды да, құтылып кетеді. Көп ұзамай әлігі "құйрық" қайтадан өсіп шығады. Қазақстандық ұры Билік дәл осы КЕСІРТКЕ сияқты. Ұсталса -"құйрғымен" құтылып, ертеңіне одан да мықты "құйрықты" өсіріп шығарады. "Ұры құйрықтар" өсіп шыға бермеуі үшін... не істеу керек?! Дұрыс- егер "КЕСІРТКЕНІҢ" басы кетсе-ол қайта өспейді...
Адайшал 2017-04-25 21:07:42
Әй әзззамат, жарадың! Міне, ұрлағасын осылай ұрлау керек итшілемей. Егер бір қой ұрлағанда су түбіне кетер еді, құдай сақтаған екен. Есі түзу елдерде осындай қойылым орын алса билігі тырапай асар еді, жарықтық қазекең кең ғой, үйге кіріп келіп қызыңды с...еде ыржыйып отыра береміз. Қорқақтық пен жасықтығымызды кімдер пайдаланбай жатыр, азған тобырға бәрі жарасады.
аңқау қазақ 2017-04-25 17:45:52
Осы Косарев деген депутат қуыршақ бір отырған.Мұны неменеге депутат етіп сайлаған?Нидің орнында қазақ отырғанда немесе билікке қатысы жоқ біреу отырғанда Косарев басқаша сайрайтын еді.Орысты әділ деп біреулер айтады бірақ олар ондай емес қазақша түсінетін орыстар артын ашып күліп отырған шығар бір біріңдді осылай айдай беріңдер деп
білгіштің сөзін сөйлеуші 2017-04-25 17:40:42
Бұған не таңғалатыны бар, кімнің арқасында шығып жатқанын білмейсіңдер ме?Аңқау қазағым -ай.Бұл жерде сотты ,прокуратураны кінәлаудың еш қажеті жоқ ағайындар,солай таң қалмаңыздар.Айта берудің қажеті жоқ.Енді жоғарыдағылар Тұңғышбайды не істейді екен соны бақылаңыздар ағайындар.
Дана Қазақ 2017-04-25 16:53:48
50 000$ мен ЖЕСIР КАТЫНДЫ ПОДСТАВА ЖАСАП БАРI ЖАБЫЛЫП КУРТЫП ЕДI ...........
Дана Қазақ 2017-04-25 14:05:06
ПАРАД ЖАСАМАЙТЫН, ЖЕНIЛГЕН ЕЛ ...https://www.youtube.com/watch?v=ECix9r71YvI
Есенғали, Антакиядан 2017-04-25 11:53:43
Мазақстандағы "жемқорлықпен күрес" (парақорлықпен) деген науқан - "спортивная рыбалка". Ұсталған ірі балықтар қайтадан өзі өскен ортасына жіберіледі, ал майда шабақтар мен бақа-шаяндар "рыбактың" мысығының несібесі.
Есенғали, Антакиядан 2017-04-25 11:48:22
Кәрістерде АН болса, қазақша АДАЙ руы, ТЕН болса, қазақша ТАБЫН дегендей, НИ - НАЙМАН болып кете береді. Сойы (фамилиясы) қандай болса, сол фамилиядағылардың бәрі - ағайын. Автор дұрыс пайымдаған.
Дана Қазақ 2017-04-25 11:41:38
ПАРАД ЖАСАМАЙТЫН, ЖЕНIЛГЕН ЕЛ ... https://www.youtube.com/watch?v=IGIf70Iudoo
Дана Қазақ 2017-04-25 11:15:45
СИСТЕМА IРIП, ШIРIП, САСЫП БАРАДЫ.

Үздік материалдар

Рухани жаңғыру

Қанат Әбілқайыр. Қарыз бен Парыз

Abai.kz 7520
Қауіп еткеннен айтамын

Қазақстанда жүрген қытайлар кімге сүйенеді? 

Н.Қошаманұлы 14700