دۇيسەنبى, 20 قىركۇيەك 2021
وسى عوي ەندى... 5442 17 پىكىر 25 ءساۋىر, 2017 ساعات 10:44

ۇرلادى. ۇستالدى. شىقتى. رومانتيكا!

1 ميلليون دوللار پارا الدى دەپ ۇستالعان "قورعاس" حالىقارالىق ورتالىعىنىڭ بۇرىنعى باسشىسى ۆاسيلي ني قىلمىستىق جاۋاپكەرشىلىكتەن بوساتىلدى. الماتى قالالىق سوتى شىعارعان ۇكىم بويىنشا، 2016 جىلدىڭ 5 قىركۇيەگىندە ۇستالعان ۆاسيلي نيمەن قوسا، "قورعاستىڭ" ينۆەستورلارمەن جۇمىس ءبولىمىنىڭ باسشىسى ماحاببات سايدۋللاۆا دا اقتالعان دەپ حابارلادى 31 ارنانىڭ جاڭالىقتار قىزمەتىنىڭ ءتىلشىسى جاراس نيازبەك.

"قورعاس" ورتالىعى اۋماعىنا قىمبات قوناق ءۇي سالۋ ءۇشىن "تيۋلپان حورگوس" كومپانياسىنان ميلليون دوللار تالاپ ەتكەن ۆاسيلي ءنيدى العاشىندا ەكى ايعا قاماۋ تۋرالى شەشىم شىققان. اقىرى بۇل ءىس تۋرالى شۋ باسىلىپ، ەل ۇمىتا باستاعاندا الماتى قالالىق سوتى پارامەن ۇستالعان ني مەن قاراماعىنداعى قىزمەتكەر سايدۋللاۆانى جازادان بوساتىپتى. ال، اسا ءىرى كولەمدە پارا العان "قورعاس" باسشىسىنىڭ بوساتىلۋىن دەپۋتاتتار دۇرىس شەشىم دەيدى. سونىڭ ءبىرى «كوسەمىنىڭ» مۋميالانعانى ءمايىتىن قازاق جەرىنە اكەلىپ قويۋدى ارمانداپ جۇرگەن دەپۋتات كوسارەۆ بولىپ شىقتى. ول اتالعان ارنا تىلشىسىنە بەرگەن شاعىن سۇحباتىندا:

- ۋ ناس جە ەست پولوجەنيە كوگدا ون ۆوسستانوۆيت پوحيششەننىە، ي وني موگۋت وتپۋستيت ەگو. ەتو دۋمايۋ پراۆيلنو، - دەيدى. كارى كوممۋنيستتىڭ پىكىرىنە سۇيەنسەك، ۇرلانعان دۇنيە ورنىنا كەلسە، ۇرلىقشىعا كەشىرىم جاسالۋى كەرەك. ءبىزدىڭ زاڭدارىمىزدا سونداي مۇمكىندىك ەسكەرىلگەن.

دەپۋتات الگىندەي دەگەنىمەن بىلىكتى زاڭگەرلەر قىلمىستىق كودەكستىڭ 65 بابى بويىنشا قىلمىسكەرلەردى شىن وكىنۋىنە بايلانىستى جاۋاپكەرشىلىكتەن بوساتۋعا بولمايدى دەگەندى ايتادى.

- 65 باپ مۇلدە دۇرىس ەمەس. ءبىزدىڭ قىلمىستىق كودەكس - قىلمىسكەرلەردىڭ وكىنۋىن كۇتتىرەتىن كودەكس. ال كەز كەلگەن قىلمىسكەر ۇستالعاننان كەيىن وكىنەدى، ۇستالعانعا دەيىن وكىنبەيدى، - دەيدى كاسىبي زاڭگەر ورىنباسار تىلەپبەرگەنوۆ.  تاعى ءبىر زاڭگەر دجوحار وتەبەكوۆ بولسا:

- بۇرىن سوڭدى اسا ءىرى كولەمدە پارامەن ۇستالىپ، بوساتىلىپتى دەگەندى ەستىمەگەنمىن. ءدال وسى قىلمىستىڭ جازاسىنا 10 جىلدان 15 جىلعا دەيىن باس بوستاندىعىنان ايىرۋ جازاسى قاراستىرىلعان. بۇل اسا اۋىر قىلمىس سانالادى، - دەپ ارىپتەسىنىڭ ءسوزىن ناقتىلاي تۇسەدى.

- 1 ميلليون دوللار پارامەن ۇستالعان "قورعاس" ورتالىعىنىڭ بۇرىنعى باسشىسىنا نەشە كولەمدە ايىپپۇل سالىنعانى بەلگىسىز. بۇل تۋرالى الماتى قالالىق سوتى ەشقانداي اقپارات تاراتپادى. ال كاسىبي زاڭگەرلەر ءدال وسىنداي قىلمىستىق جاۋاپكەرشىلىكتەن بوساتاتىن جاعدايدىڭ جەكەلەگەن تۇلعالارعا قاتىستى وتە سيرەك قولدانىلاتىنىن ايتادى، - دەپ قورتىندىلايدى ويىن 31 ارنا ءتىلشىسى.

ەلىمىزدە، ني، كيم، نان دەيتىن بىرنەشە الپاۋىت كارىس ازاماتتارى بار. مىنا ني سول نيلەردىڭ سويىنان بولۋى ابدەن مۇمكىن. ال، ەڭ باستى ني - قر پرەزيدەنتىنىڭ ۇزاق جىل كومەكشىسى، اقىلشىسى بولعان ۆلاديمير ني ەدى جارىقتىق. ول دۇنيەدەن قايتقاندا (2010 جىلى، قىركۇيەك ايىندا) پرەزيدەنت نازارباەۆ: «ۆلاديمير ني قازاقستانداعى كارىستەردى ەل قاتارىنا قوسىپ كەتتى»، - دەگەن بولاتىن. قازاقستانداعى كارىس دياسپوراسىنىڭ ەندىگى سەركەسى ۆلاديمير كيم ۇزاق جىلدار بويىندا «قازاقمىس» ديرەكتورلار كەڭەسىنىڭ توراعاسى بولدى. «فوربوس» جۋرنالىنىڭ دەرەگىنە سۇيەنسەك، قازاقستاننان شىققان ميلليوردەرلەردىڭ كوشباسىندا تۇرعان الپاۋىتتىڭ ءبىرى دە سول – كيم مىرزا.

قىسقاسى 1 ميلليون دوللار كولەمىندە پارا الىپ ۇستالعان ۆاسيلي ني اباقتىدان بوسادى. شاماسى، ىستەگەن ىسىنە ول قاتتى وكىنسە كەرەك. ال، وكىنگەندەر مەن وتىنگەندەردىڭ بارىنە زاڭ ورىندارى ءدال وسىلايشا كەڭدىك جاساي بەرەمەيدى بىزدە. ايتسە دە ۆاكەڭدىكى راحات: ۇرلادى، ۇستالدى، شىقتى. رومانتيكا!

Abai.kz

17 پىكىر