Сенбі, 21 Қазан 2017
Мың бір мысал 2023 58 пікір 10 Қазан, 2017 сағат 08:33

Сағынтаев Атамбаевқа жауап берді

Қазақстанның премьер-министрі Бақытжан Сағынтаев Қырғызстан Президенті Алмазбек Атамбаевтың пікіріне қатысты арнайы мәлімдеме жасады, - деп хабарлайды kaz.tengrinews.kz тілшісі.

Мәлімдеменің толық мәтіні Primeminister.kz сайтында жарияланды.

"Биылғы 7 қазанда Қырғыз Республикасының Президенті Алмазбек Атамбаев Қазақстанның әлеуметтік-экономикалық дамуының кейбір аспектілеріне қатысты қате әрі достыққа жатпайтын мәлімдемелер жасады. Қырғыз Республикасымен екіжақты қарым-қатынасының даму бағыты берік болып қалуын растай отырып, Қырғызстан Президентінің сайлауалды мақсаттарында жасалған араздық туғызатын жалған тұжырымдары талай ғасырдан бергі достық пен елдер арасындағы өзара көмекке зиянын тигізбеуі тиіс деп сенемін.

Осыған байланысты қырғыз қауымдастығын Қазақстанның экономикалық дамуы жайлы шын мәліметтермен хабардар етуді ұйғардым. Тәуелсіздік алғалы бері біздің экономика 20 есе өсті. 2012 жылы Қазақстан экономикасы әлемнің бәсекеге қабілетті 50 елінің қатарына кірді. Елде мықты ұлттық бизнес құрылған. Doing Business  Дүниежүзілік Банкінің рейтингінде Қазақстан 35-орында тұр. Бүгін 1,3 миллион кәсіпкерлік құрылым жалпы ұлттық байлықтың төрттен бір бөлігін өндіріп отыр. Соңғы он жылдың ішінде Мемлекеттік индустриалдық-инновациялық даму бағдарламасының аясында мыңнан аса жаңа өндіріс салынды, оның қатарында автомобиль, локомотив, вагон, тікұшақ және тағы да басқа өндірісі бар. Біздің елде ешқашан өндіріліп көрмеген өнімнің жаңа 500 түрін шығару игерілген. Қазақстанның көлік инфрақұрылымы түбегейлі жаңарып жатыр. 25 жыл ішінде он мың шақырымнан аса автожол салынып, қайта жөнделді. Таяу жылдары бұған қоса 8 000 шақырымнан аса автомобиль жолы модернизацияланады. "Батыс Еуропа - Батыс Қытай" трансқұрлықтық магистралінің қазақстандық бөлігінің құрылысын толықтай аяқтадық. 2,5 мың мың шақырымнан аса жаңа теміржол жолы салынды. Ақтау теңіз портының инфрақұрылымы кешенді түрде модернизацияланды, Құрық жаңа теңіз паром порты салынды. Каспийдегі теңіз өткізу қабілеті 25 миллион тоннаға дейін көбейді. Жыл сайын жаңа әуежайлар мен теміржол вокзалдары пайдалануға беріліп жатыр. Қазақстан Тәуелсіздік жылдарында 120 миллион шаршы метр баспана салып, 1,1 миллион қазақстандық отбасыны пәтермен қамтамасыз етті.

2017 жылдың сегіз айының ішінде "Нұрлы жол" мемлекеттік бағдарламасының аясында 6,9 миллион шаршы метр жаңа баспана салынды. Оның ішінде 18,3 мың жеке үй бар. 61 мыңнан аса қазақстандық баспана жағдайын жақсартты. Тұрғын үй құрылысы белсенді түрде дамып жатыр. Осы жылдың өзінде 10,1 миллион шаршы метр жаңа баспана пайдалануға берілді", - деп хабарлады Сағынтаев.

ҚР Үкімет басшысының мәліметінше, елде әлеуметтік инфрақұрылым белсенді дамып жатыр. 1,3 мың жаңа аурухана мен емхана салынған, 500 жаңа балабақша мен 1,4 мың мектеп салынды.

"Қазақстан Президенті Нұрсұлтан Әбішұлы Назарбаевтың бастамасымен ашылған "Болашақ" бағдарламасы арқылы 12,5 мыңнан аса ел азаматы 35 елдің әлемнің үздік 200 жоғары оқу орнында білім алды. Жыл сайын орташа есеппен 270 мың жаңа жұмыс орны ашылады. Соңғы 15 жыл ішінде Қазақстанда орташа жалақы мен зейнетақы 10 есе өсті. Зейнетақы және әлеуметтік қорлар халықаралық ассоциациясының ресми мәліметі бойынша, Қазақстанда минималдық және орташа зейнетақы мөлшері Қырғызстандағы жағдайға қарағанда бес және үш есе көп. Біздің елде орташа өмір сүру ұзақтығы 72,3 жылға жетті", - деп атап өтті премьер-министр.

"Ал қызмет тарифтеріне келсек, қазіргі уақытта Қазақстанда табиғи монополия мен тұтынушылар субъектілерінің мүдделерін теңдікпен қамтамасыз етуді есепке ала отырып, негізгі қорларды жаңарту мен модернизациялауға арналған жаңа мождель іске асырылып жатқанын атап өткім келеді. Гидроэлектрстанциялары шығаратын электрэнергиясының тарифтері қазба энергия қайнаркөздерін қолдануда алынатын электрэнергияның тарифтеріне қарағанда төмен екені айдан анық. Қазақстан Республикасының Президенті Нұрсұлтан Назарбаевтың стратегиялық саясатын жүзеге асыруда жаңа елордамыз Астананы салдық. Елорданың дамуына 50 миллиард АҚШ долларынан асатын қаражат құйдық. Бүгінде Астана халқы бір миллион адамнан асты", - делінген Сағынтаевтың мәлімдемесінде.

Сағынтаев биыл Астанада ТМД-да тұңғыш рет ЭКСПО-2017 "Болашақ энергиясы" Дүниежүзідік көрмесі өткенін еске салды. Оған 115 мемлекет пен 22 халықаралық ұйым қатысқан. Көрме кезінде 4 миллиондай турист келген.

"Мемлекеттің экономикалық мықтылығы, тұрақтылығы мен жайлы инвестициялық климат арқасында ірі трансұлттық корпорациялар Қазақстан экономикасының барлық саласында жұмыс істеуде. Тікелей шетелдік инвестицияның жалпы көлемі тәуелсіздік жылдары 265 миллиард АҚШ долларына жетті. 2000 жылы ел президенті Қазақстан Республикасының Ұлттық қорын құрды. Қазіргі таңда Ұлттық қор және Қазақстанның алтын мен валюта қорының жалпы көлемі 91 миллиард АҚШ долларына жуық", - деп келтірді мәліметтерді ол.

"Экономиканың тұрақты өсімі, ел ЖІӨ-нің өсімі Қазақстанға серіктес мемлекеттерге барлық көмек түрін көрсетуге мүмкіндік береді. Қазақстан Республикасы 1997 жылдың 8 сәуірінен "Мәңгілік достық" және 2003 жылдың 25 желтоқсанынан "Одақтастық" қарым-қатынас туралы келісімге лайық Қырғыз Республикасымен бауырлас және тату көрші болу саясатын жүзеге асырып келеді. Осы жылдардан бері Қазақстан бауырлас қырғыз халқымен бірге, әсіресе қиын-қыстау заманда Қырғызстан билігінің өтініштеріне түсінікпен қарап, әлеуметтік-экономикалық мәселелерді шешуге барынша қолдау білдіріп, айтарлықтай гуманитарлық көмек көрсеткен. Оның ішінде қуат тасымалдаушылар, азық-түлік және өзге де әлеуметтік маңызы бар тауарларды жеткізу бар. Қырғызстанның Еуразиялық экономикалық одаққа кіруінің аясында Қазақстан Республикасының президенті 100 миллион АҚШ доллар көлемінде техникалық көмек беру туралы шешім қабылдаған болатын. Қазіргі кезде техникалық көмек беру Келісімі Қазақстан Республикасының Парламентімен ратификацияланды. Қырғызстанға гуманитарлық көмек беру бойынша 20 миллион АҚШ доллары бөлініп қойылған, Бішкек пен Ошта екі жалпы білім беру мектебі салынды. Осыған байланысты мыңдаған қырғызстандық жұмыспен қамтамассыз етілді. Сонымен бірге инвестиция көлемі көбірек болуы да мүмкін еді, алайда, оның өсуі қазақстандық кәсіпкерлерге қатысты жайсыз инвестициялық климатты сол күйде қалдырады", - делінген Сағынтаевтың мәлімдемесінде.

Қазақстанда 125 мың еңбек мигранты тіркеліп, елімізде тұрып жатқаны белгілі. Олар мемлекетіміздің тарапынан әлеуметтік және медициналық кепілдендірумен толық қамтылған.

"Қазақстан Республикасының Президенті Нұрсұлтан Әбішұлы Назарбаевтың ұстанымының арқасында қазіргі уақытта Қырғызстанның импортталған кеден баждарынан үлесі Еуразиялық экономикалық қауымдастыққа мүше елдер арасында 1,9 пайызды құрайды. Қырғызстан Еуразиялық экономикалық қауымдастыққа кіргелі бері олардың бюджеттері бірден көбейді. Мысалы, 2016 жылы Қырғызстанның үлесі 187,4 миллион доллар болды. Бұл Қырғызстан Еуразиялық экономикалық қауымдастыққа кірмей тұрғандағы көрсеткішінен үш есеге көп. Қазақстан Республикасы мен Қырғызстан Республикасы арасындағы теміржол көліктері қызметтерін реттеу туралы келісімге сәйкес, Қырғыз Республикасы 2017 жылдың 10 қаңтарынан бастап біріздендірілген теміржол тарифтерін қолданып жатыр. Бірақ тарифтің мезгілінен бұрын қолданысқа енгізілуіне байланысты Қазақстан 49 миллион доллар ақша жоғалтты. Бұл дегеніміз Қырғызстан экономикасы үшін пайда болып отыр.

"Қырғызстан тарапының Еуразиялық экономикалық қауымдастық талаптарына сәйкес, санитарлық, мал дәрігерлік және фитосанитарлық жүйелерді қолданысқа енгізу туралы міндеттерді өз мойнына алғанын айтып кету керек. Бірақ ол міндеттер әлі орындалған жоқ. Бұл қазақстандық нарыққа және интеграциялық қауымдастыққа зиян келтіреді. Қазақстандық тарап бұған қарамастан Қырғызстанның ауыл шаруашылық өнімдеріне деген қолжетімділікті оңайлату мақсатында кешенді шаралар жүргізді. Қырғызстаннан Ресейге Қазақстан аумағынан тасымалданатын тауарлардың саны айтарлықтай - 100 тауарға өсті. Техникалық көмек аясында Қазақстанның ақшасына - 100 миллон доллар көлеміндегі ақшаға мал дәрігерлік және фитосанитарлық бекеттер жабдықталып, карантиндік және мал дәрігерлік зертханалар мен мал дәрігерлік препараттарды тіркейтін орталықтар салынды. Қазақстан Республикасының кеден органдары Қытай Республикасына қытайлық тауарлардың өте көп импортталғанын және Қазақстанға да Қырғыз Республикасының қытайлық тауарлардың көп мөлшерде әкелініп жатқанын тіркеді. Бұл кедендік әкімшіліктің тиімсіздігімен байланысты. Дегенмен де қазақстандық тарап қырғыз тауарларына қандай да бір шектеу қойып жатқан жоқ.

Қырғызстаннан келетін тауарларды қытайдан келетін рэкспорт тауарларының дерегі бар болуына қарамастан Қазақстанға еркін түрде өткізуді қамтамасыз ету шаралары толығымен іске асып жатыр. Болжаммен ЕврАзЭс ұйымына мүше елдердің шығыны шамамен 100 миллион АҚШ доллар, сонымен қатар Қазақстанның ҚҚС шығындары - 155,8 миллион АҚШ доллары. Сонымен қатар, біз Қырғызстан үшін кейбір маңызды тауарларға экспорттық кеденді баж салығын алмаймыз, алайда біз осы тауарлардың (мұнай және мұнай өнімдері, қара және түсті металл, тері және жануарлардың жүні және тағы басқа) Қырғызстаннан реэкспортталу дерегін білеміз. Жоғарыда аталған заттардың барлығы екі елдің ынтымақтастығын құрудағы бір бөлігі ғана. Қорытындылай келе Қырғызстан Президенті Алмазбек Атамбаевтың спекуляциялық үндеулеріне қарамастан, Қазақстан Республикасының үкіметі қазақ-қырғыз ынтымақтастығын және стратегиялық серіктестігін белсенді түрде кеңейтіп, нығайтады", - делінген Қазақстан Үкіметі басшысының мәлімдемесінде.

Abai.kz

58 пікір
Бұлбұл 2017-10-12 11:36:44
Дұрыс айтасыз, адам өз эмоциясын басқарып үйренгені жөн. Жеке басының қамына халықты тұтас айдап салудың қажеті шамалы. Қазақтың басшысын сынауға, қырғызға ешкім ерік берген жоқ. Өз басшымыз өзімізге. Қазақ жалпы кең халық қой.
Арай 2017-10-12 11:29:55
Түбі бір түркілердің бір жағадан бас, бір жеңнен қол шығаратын кезінде, Атамбаевтың бұлай айтуы мүлдем дұрыс болмасын. Бұл бір туған қазақ-қырғыздың арасына жік салу. Өз эмоциясын басқара алмаған адам, халықты қалай басқарады?
Мейрамбек 2017-10-12 11:23:01
Тау таумен кездесепесе де, адам адаммен жүздеседі. Бір адамның көңіл күйі тұтас халыққа кері әсерін тигізбеуі тиіс. Тек жақсылыққа...
Мейрамбек 2017-10-12 11:22:59
Тау таумен кездесепесе де, адам адаммен жүздеседі. Бір адамның көңіл күйі тұтас халыққа кері әсерін тигізбеуі тиіс. Тек жақсылыққа...
Жұмамұрат Шәмші Кеңесұлы 2017-10-12 00:39:37
Өкінішке қарай, ҚР Премьер-министрі Бақытжан Сағынтаевтан Қырғыз Президентті ҚР әлеуметтік-экономикалық жағдайы туралы есеп бер дегені жоқ. Ол Назарбаевтың ҚР Президентіне үміткер Бабановты неге? қабылдағанына ашулы біріншіден, жас Президент керек дегеніне ызаланды. Әлі күні қазақ еместер басқарып отырғаны өтірік емес. Сондықтан салиқалы, сауатты жауап беретін бір қазақтың Үкіметте болмағаны адамды сан-саққа жетелейді. Көкем-ау, неге? мен сияқты бір адамды жұмысқа алмайды екен. Осындай кезде пайдаланбайсыздар ма? Бақытжан мырза.
Төре.1986 2017-10-11 09:53:56
Қырғыздар қазақ мемлекеттігіне əрқашанда сатқындық жасаған. Қазақстанда кімнің ұры өлмейтін жалмауыз екенін қырғыз айтпасада білеміз. Ел даурығып шулап жатқанда сатқын билік сататынын сатып жатыр екен.
Ақ пен қараны ашу керек қой 2017-10-11 02:06:37
Билік өкілдері бұрынғы генерал Мусаевтың ауыр айыптауларына неге жауап бере алмайды? Ақ пен қараны ашу керек қой.
жəй Қазақ қа 2017-10-11 01:59:54
Ішіп қойды, жеп қойды деп жағасынан сотқа сүйреп апарып қамай салатын Атамбаев оған пешка емес қой.
Сержан 2017-10-11 00:32:11
Бейшара Сағынтаев 2012 жылы 50 елдің қатарына кірдік дейді. Содан халық 50 тиын пайда көрді ме екен?!.Қазір 2017 жыл әлгі рейтинг бойынша Қазақстан 57 орында @-өтеннен кері кетіп бара жатырмыз.
жəй Қазақ 2017-10-10 22:51:53
Атамбаевқа жауап беретін Сағынтаевтың денгейі емес, əлде Мұрагер анықталған ба еді. Атамбаев Елбасына тигізіп айтқаны рас, жалпы Қазақты кінәлағана жоқ. Ал Ақсақалдың өзін қорғайтын шамасы жеткілікті.
Жаке 2017-10-10 22:48:51
1000 стастика айтсанда Кыргыз дурыс айтты. Кунде Жемкор курыкталады. Кормейсинбе соны? Мунайлы елде Бензин жок. 17 млё халыкты Бензинмен камтамасыз ете алмасан калай сойлейсин. Кымбатшылык Елде.
Түңілген 2017-10-10 19:16:46
Ойпыр-о-о-ой, статистиканы тізбектеген екен сабазың. Осы да жауап па? Атанбаев "Астанаң көмір жағып, қыс бойы түтінге тұмшаланып тұрады. Осы уақытқа дейін өзіңде бар газды бас қалаңа жеткізе алмасаң не бетіңмен ЭКСПО өткіздің" десе, не деп жауап берер еді.
Бақтияр 2017-10-10 19:02:01
Халық деген атпен берілген сөзге толық қосыламын. Ал одан кейінгі билікке көлгірсіген қысқа постардың барлығы Ақордадан ақша алып, күні үшін шындықты бұрмалаушылар. Осындай тролльдерді өрбітетін әдет кәзір билікті сынаған сайын қаптап шығады. Олар негізінен Сағадиев пен әпенді министрді сынағанда осындай постармен интернетте отырады. Бұл да халықты алдаудың біздің билік жете меңгерген бір жолы. Өтірік үстіне өтірк жамап, күн көріп отыр.
Маңқа қазақ 2017-10-10 18:16:25
Мына кісіден кім отчет сұрап отыр? "Ватсааптағы Атамбаевтың сөзін оқыған халық шулап жатыр, арты ушығып кетпесін, жауап дайындаңдар" деген установка түсті ме? Халық малғұн емес қой, Атамбаевты қойшы, бірдеңе қылып жауап бердіңдер. Ал ғаламторда қаптап жүрген видеоларға не айтасыңдар? Олардың қасында мына қырғыздың айтып отырғаны баланың ойыншығы емес пе?.. Сенген қойым сен болсаң...
Инабат 2017-10-10 18:11:26
көре алмаушылық пен ашкөздік не айтқызбайды..сол Атамбаевтың сөзіне түкіргенім бар, бізден асып бара жатқан түгі жоқ, пысқырмаймын да.
мүмин 2017-10-10 18:11:07
өзінің халқын жетістіріп алмай отырып бізде несі бар десеңші...
еркін 2017-10-10 18:10:30
міне біреудің сыртынан сөз айтып, өсектемей, осылай байыпты сөйлеу керек ер адам, саяси тұлға деген! Біздің шенеуіктерімізден үлгі алсын қырғыздың түк көрмегендері"
Сұрат 2017-10-10 16:53:19
Бізде зейнетақы 1,5 есе көп болғанымен, халық тұтынатын тауарлар қызғыздардікінен әлдеқайда қымбат емес пе? Нәтижесінде, біздегі зейнетақы олардікінен әлдеқайда аз болып шығады.
Мақтанамын деп өзіне өзі көр қазып алды. 2017-10-10 16:02:56
Бұл жауап жауап емес! Халқын, елін миллиардтаған долларларға қарызға отырғызып қойып, барлық шикізат байлықтарын санаулы жылдарда шет елдерге сатып тауысып, болашақ ұрпаққа түк қалдырмай сипанский қылып кетейін деп отырып "өйттік те бүйттік, отқа басын үйіттік" деп мақтанған кімге керек? Одан да Өтемұратов сияқты олигархтардың прихватизация жасамай, биліктегі лауазымын асыра пайдаланбай, президент Назарбаевтың кассирі атанбай, жеке қатынасын пайдаланбай қалай заңды жолмен байып миллиардер олигархтар болып жүргеніне жауап бергені дұрыс еді ғой. Қайта, жауап берем деп отырып "Елорданың дамуына 50 миллиард АҚШ долларынан асатын қаражат құйдық" деп Астананы салуға бюджеттен бір тиын да жұмсалмайды" деген сарындағы биліктің өтіріктерін әшкерелеп тастады.
Судың да сұрауы бар! 2017-10-10 15:37:21
Егер қазақстандықтардың орташа кірісі қырғызстандықтарың орташа кірісінен 10 есе көп болса, шынында онда неге қазақстандықтардың орташа зейнетақылары қырғызстандықтардың зейнетақыларының орташа мөлшерінен 1,5 есе ғана көп ???! Неге 10 есе көп емес???! Зейнетке шыққан қариялардың 70 жыл бойы маңдай терлерімен жасаған бар дүние мүліктерін бұл қылмыскер алаяқтар қызмет баптарын миллиард есе асыра пайдаланып, халықтың аманаттарына сұмдық қиянаттар жасап, санаулы ғана жылдарда түгін қалдырмай тонап алып Форбсқа мақтанышпен шығып отырғандары әлі де аз болып отыр ма? Жауап бергіштер осындай заңды сұрақтарға неге жауап бермейді???!
Атамбаев ақиқатты айтып отыр! 2017-10-10 15:23:24
Бұл жауап жауап емес! Халқын, елін миллиардтаған долларларға қарызға отырғызып қойып, барлық шикізат байлықтарын санаулы жылдарда шет елдерге сатып тауысып, болашақ ұрпаққа түк қалдырмай сипанский қылып кетейін деп отырып "өйттік те бүйттік, отқа басын үйіттік" деп мақтанған кімге керек? Одан да Өтембаев сияқты олигархтардың прихватизация жасамай, биліктегі лауазымын, Назарбаевпен жеке қатынасын пайдаланбай қалай заңды жолмен байып миллиардер олигархтар болып жүргеніне жауап берген дұрыс еді ғой. Қайта жауап берем деп отырып "Елорданың дамуына 50 миллиард АҚШ долларынан асатын қаражат құйдық" деп Астананы салуға бюджеттен бір тиын да жұмсалмайды" деген сарындағы биліктің өтіріктерін әшкерелеп тастады.
Түңілген 2017-10-10 14:36:14
Иә, бұл басы ғана! Әлі талай шындықтың беті ашылары хақ. Шындықты күнделікті қарапайым адамдар айтып жатыр ғой. Бірақ, өте жоғары лауазымды адамның айтқан сөзі қоғамда, әлемде үлкен дүрбелең туғыза алады. Қазір көшедегі әрбір қарапайым, тіпті қарабайыр қазақтардың телефондарында Атамбаев Алмазбектің айтқан видеосы жүр. Бір біріне көрсетіп, арқа-жарқа болып, айтылған шандыққа риза болып жүр. Тек қана жемқорлар мен халқын сатқан имансыздар ғана шындықтың терісін айналдырып, халықтың басын улауда. Негізі, Сағынтаев иманды жігіт сияқты. Бірақ, мына құдай атқан авторитарлы жүйенің айтқанына көнбесең, Серік Ахметов сияқты түрменің түбінен бірақ шығасың.
ХАЛЫҚ 2017-10-10 13:56:03
Ашынғанда шығады ащы дауыс Баяғыда бала күнімізде біздің ауылдың кәріқұлақ ақсақалдары «ашынғанда шығады ащы дауыс» деп айтып жататұғын. Ол кезде оның парқын онша түсінбейтінбіз. Өсе келе осы сөздің байыбын аңғара бастадық, яғни нақты мысал екі-үш күннен бері барлық әлеуметтік желі арқылы у-шу болып жатқан Қырғыз президенті Алмас Атамбаевтың Бішкек маңындағы Ала-Арча мемлекеттік сарайында ел азаматтарына мемлекеттік мәртебелер тапсыру рәсімінде сөйлеген сөзін талқылауда. 15.10.2017 ж. таяуда Қырғызстан Республикасының президент сайлауы өтпекші, соған байланысты сайлауға түсіп жатқан кандидаттарды сынай келе, қазіргі қазақ билігі туралы шындықты жайып салды. Қырғызстанның ішкі саясатына араласқан қазақ билігіне өкпесі қара қазандай екенін байқатты, тіпті «Если наши соседи не очухаются, не опомнятся, я буду говорить по-другому». Каждый народ должен выбирать своего правителя, и он заслуживает того, кого выберет. Я понимаю, почему нам хотят навязать своего кандидата казахская власть они любят Бакиева (экс-президента свергнутого во время цветной революций 2010 года). Я до сих пор слышу от официальных лиц Казахстана, что Бакиевы правильно делали, расстреливая мирных людей. Бакиевы до сих пор проводят в Казахстане праздники. Да, ВВП города Алматы в 5 раз больше, чем ВВП всего Киргизстана. А ВВП Казахстана больше ВВП Киргизстана в 20 раз. И валовый продукт Казахстана в доходах в 10 раз больше Киргизстана. Почему тогда пенсии Казахстана больше (киргизских) всего в 1,5 раза, а не 10 раз, а тарифы выше в 5 раз? Почему? Потому что разворовывают богатства в Казахстане». Бүгінге күнге дейін қазақтарды қазақ емес, осыдан 600 жыл бұрын сұлтан сайланған Шыңғысханның ұрпақтары басқарып отырғандай әсер қалдырады дегені А. Атамбаевтың не айтқысы келгенін екінің бірі түсіне бермейді. Оны түсіну үшін ерекше қабілет пен тарихтан хабары болғаны абзал. Біріншіден билікте ұзақ отыру мен оны монархиялық жолмен өз ұрпағына мұра етіп қалдыруға тырысудың халыққа қиянат екенін. Екіншіден қырғыздардың кезінде Кенесарының басын алғанын тағы бір мәрте ақтап алуға немесе қазақтардың соңғы ханының басын біз алғанбыз, бірінші президенті біз үшін түк емес. Үшіншіден қырғыздардың екі төңкеріспен екі президенттін елден жыраққа ит қосып қуғанын меңзеп «қазақпен салыстырғанда қырғыздар әлдеқашан халық билігін ұстанған, саяси оянғанын, бір адамның ұзақ жылдар бойы билеп—төстегеніне жол бермеген» деген ойды айтып отырған сияқты түйіледі. Назарбаев Ақордаға Қырғыз еліне үміткер Бабановты қабылдауы мүлдем дұрыс емес, ол бөтен елдің ішкі саясатына араласу болып табылады. Егер қырғыздар халықаралық сотқа шағым түсірсе сот алдында жауап беруге тура келеді. Елбасы ел ішіндегі мәселелер шаш—етектен екенін біле тұра, Қырғызстанға үкімін жүргізгісі келеді.«Ешкі мүйізін сұраймын деп жүріп, құлағынан айырылыпты» болып жүрмесін. «Атамбаев подает казахам «плохой» пример. Потому что, народ хочет справедливой власти. Правильно Назарбаев на встрече с Бабановым говорил о молодом президенте. Но, самый старший кандидат (в президенты Киргизии )на 20 лет моложе Назарбаева. А я—на 16 лет. И кому нужен молодой президент, нам или Казахстану? Я все равно проведу честные выборы. Я горжусь тем, что показал образец справедливой, чистой власти. В этом мне помогали кадры вроде Темира Жумакадырова (Таяуда белгісіз жағдайда көлік апатына ұшырап қайтыс болған Қырғызстан Үкіметі басшысының ел басшысын сайлауында жауапты орынбасары). Смерть забрала одного из нас, но нас больше шести миллионов. Дай бог после выборов унесу всю старую элиту, они никогда не вернутся. Потому что люди сейчас другие...Наш народ умеет различать людей. Не надо нас учить, мы нашли свой путь». Ғасырлар бойы ауылы—аралас, қойы—қоралас жатқан Қырғыз басшысының кенеттен ашуға мінгенін, сөйтіп, шыңғырған шындықты қарша боратып жатқанын алғашқыда түсінбей қалдық. Бұған дейін де бірнеше Алмас Атамбаевтың «ыстығы көтеріліп» қазақ билігіне қарата айтқаны есімізге түсірейік. «2010 жылы Бакиевті елден қуған кезде Қазақстан көмір бермей қойып, қырғыз халқы қатты қиналды»--деп еді. 2015 жылы Қазақстан мәдениет министрі Арыстанбек Мұхамедиұлының айтқан сөзіне жауап ретінде, Қазақстан Мәдениет министрінің Мәскеудің дәретханасын жуып жүрген қырғыз қыздарының деңгейімен бірдей ме?—деп кекеткені. Жуырда Назарбаев Қырғыз Президенттігіне үміткер Бабановты арнайы қабылдап, оң қабақ танытқаннан кейін Қырғызстанның Сыртқы істер министрлігі бұл әрекетке наразылығын білдіріп, дереу қарсылық нотасын жолдады. Кім біледі, алпыс екі айласы бар сұрқия сұм саясатты түсіну оңай емес, қазақ пен қырғыз арасына іріткі салып отырған солтүстіктегі аспанға ақырған аю ма? әлде шығыстағы алты басты аждаһар ма? немесе әлемді билеп—төсегісі келетін мұхиттың ар жағындағы 525 жыл бұрын Христафор Колумб ашқан құрлық па? «Естіген құлақта жазық жоқ»--дегендей, біз тек өз ойымызды ортаға салдық. Жұмамұрат Шәмші
Апашка 2017-10-10 12:07:15
Екі ел бауырлас халық, сондықтан арамыз ажырамасын. Тату болайық!
Бөкенбай 2017-10-10 12:06:14
Қырғыз халқына құдай қуат берсін, мынадай президенттен сақтасын
Эля 2017-10-10 12:04:55
Атамбаевтың түріне қарасам аянышты түрі, әңгімесі әйдік деп ойламаппын
Лорик 2017-10-10 12:01:45
Арманы тақтан таймау сияқты ғой Атамбаевтың
Аноним 2017-10-10 12:00:46
Атамбаев өз сөзіне жауап бере алады ма? Не болса соны айтып... тыныш жүрмей ма?
Че 2017-10-10 11:07:41
Қырғыздың қанында бар қазақтын басшыларына сатқындық жасау. Дəлел Кенесары ханың басы.
Кокс 2017-10-10 10:43:22
Өзі де президенттіке үміткер болған кезде Путинмен кездесті емеспе
Медет 2017-10-10 10:41:35
Басқа елдің жынына тигенше, өз елінің экономикасын көтермейме
Нуки 2017-10-10 10:39:57
Біздің елдің жетістігіктерін көре алмаудан ба деп қоям осы
Бека 2017-10-10 10:39:16
Президент болдым. Бәрін тындырдым, Ендігі қалғаны мені талқыға түсіретін зат қалдыру керек!-деген шығар
Ера 2017-10-10 10:36:00
Атамбаев кететін кезінде мұндайын күтпеп едім. Ренжідім
Нұрбақыт 2017-10-10 10:23:10
"Боламын деген баланың бетін қақпа белін бу"- деген аталы сөз бар. Бірін-бірі демеп жүру керек екі мемлекеттің ортасына Атамбаевтың сылдыр саясаты кедергі болмауы тиіс.
ауылдан 2017-10-10 10:18:27
Айтылған сөздің бәрі жақсы, тартымды, ал, бірақ, Атамбаевтың сөзінде жауабы жоқ шындық бар.
Еңілік 2017-10-10 10:16:53
Алма, арадан шыққан жау жаман деген осы болар. Иә, біз бауырлас елміз. Достығымызға ешкім сызат түсіре алмас!
Раушан 2017-10-10 10:15:13
Қырғыз елінің нөмірі бірінші азаматы бола тұра, айтқан сөздері өте ұятты(
Алма 2017-10-10 10:15:03
Өмірде барлығы болады. Бірақ Достықтың қадірін түсінбей сырттан оқ ату өте жаман қылық, Қанша жерден Атамбаев әрекет етсеңде елдің бірлігін бұза аламассың.
Ерсін 2017-10-10 10:13:36
Сіз қырғыздарға мәлімет жасайтын ол елдің премьері емессіз ғой оданда елде неге бензин тапшы, пенсия, зарплата неге төмен, үйсіз-күйсіз адамдар неге бар осыған жауап берсеңіз.
Клеопатра 2017-10-10 10:11:19
Осындай мәлімде жасайтындай біздің халық пен елбасы не істеп қойыпты саған Атамбаев-ау. Бәленің бәрі осылай шығады ғой
Несібе 2017-10-10 10:10:51
Міне нағыз айқын жауап. Атамбаев деп аттандап кеткендер енді басылған шығарсыңдар.
Гулшахар 2017-10-10 10:09:09
Үкімет басшымыздың мәлімдемесі нақ екен. Екі елдің ортасына от салмай Атамбаев атыңның басын тартып жүр.
Арал 2017-10-10 10:06:56
Мәселенің ақ пен қарасы ашылып жазылған екен. Атамбаевтың жалауын желбіретіп жүргендер енді естерін жиған шығар...
Нұрлан 2017-10-10 10:05:41
Біз қырғыз елі болсын, басқа болсын ылғи тек жақсылықпен қарсы алып, жақсы қарым-қатынас орнатуға тырыстық
Айнұр 2017-10-10 10:03:09
Еліміздің үкімет басшысы дұрыс мәлімдеме жасаған екен. Бір Атамбаевқа бола екі ел арасындағы достықты жоғалтып алуға болмайды. Былай қарап тұрсақ қаншама халық саудамен нанын тауып жүр.
Қайырбек 2017-10-10 10:03:09
Атамбаев не десең де, өзіңнің ауызың күйген. Тыныш отыруың керек еді өзгенің саясатына араласыпай
Данчик 2017-10-10 10:00:31
Басшы ретінде ол әрбір сөзіне абай болуы керек еді, енді ол осы қылығымен бүкіл қырғыз елінен сөйлегендей сол елді масқаралап отыр
Сара 2017-10-10 09:59:29
Осы жауап нақты жауап. Атамбаев өз сыйыңды құрттың, сайлауда жеңудің амалын осылай қарастырып отырсың ба?
Қазақ 2017-10-10 09:59:23
Менің ойымша, Атамбаев қара басының қамы үшін, елін ойламастан түк пайда әкелмейтін мәлімдеме жасаған.
Санек 2017-10-10 09:57:02
Басқаға сөз айтам деп, өзі ғана жаманатты болды. Басқа ешкімнің ештенесі кетпеді, себебі бәріне өзі кінәлі
Жамал 2017-10-10 09:56:25
Бауырмыз деп жүрген қырғыз ағайындармен арамыз үзілмес. Бірақ Атамабаев өзінің жаман тірлігін жасап кетті
Лейла 2017-10-10 09:55:00
Кезінде қол ұшын созып отырған қазақ еліне жағымсыз сөз келтіргені дұрыс болмапты...
Донча 2017-10-10 09:51:41
Өзінің сол сөздерімен Елбасыға да, тіпті қазақ халқына тіл тигізді. Бұндайды қалай ғана жасайды, біз бауырлас мемлекетпіз ғой!
Болашақ 2017-10-10 09:49:54
Жауап жақсы айтылған, бәрімізге де көкейеге түйіп жүретін мәліметтер. Ал Атамбаев енді өзгенің тірлігіне килікпей өз бетіңмен жүргейсің
Береке 2017-10-10 09:40:13
Охо, вот прикол. Это то ясно. Теперь бы понять зачем Атамбаеву нужно было так высказываться? Он же не может говорить за всех кыргызов
Жако 2017-10-10 09:30:29
Осындай толық айғақтармен барлық мәліметті алға қойып шығаратын мақалалар күшті. Енді біраз түсінікті болып қалды
Еркеш 2017-10-10 09:26:21
Шынымен күшті айтып салыпты ғой, білуіміз және ескеруіміз керек дүниелер екен. Атамбаевтың сөздерін қалай деуге болатының өздеріңіз де осылай ұғып қалған боларсыздар. Түк ұнамады

Үздік материалдар

Рухани жаңғыру

Қанат Әбілқайыр. Қарыз бен Парыз

Abai.kz 7851
Қауіп еткеннен айтамын

Қазақстанда жүрген қытайлар кімге сүйенеді? 

Н.Қошаманұлы 15181