Маңызды

АЛМАТЫДАҒЫ ШЕТІН ОҚИҒА ТЕРАКТ ПЕ, ӘЛДЕ БҰЗАҚЫЛЫҚ ПА?

Әріптің көлемі: Қалыпты
  • Қалыпты
  • Үлкен
  • Көлемді

Апта басында Алматының қақ ортасында атыс болып, айдың күні аманында алты полиция қызметкері қаза тапты. Шетін оқиға күллі Қазақстан жұртын бей-жай қалдырмады. Мемлекет басшысы Нұрсұлтан Назарбаев Алматыдағы атысты «теракті» деп жариялады.

Елбасының алдында баяндама жасаған ҰҚК басшысы Владимир Жұмақанов, тұтқындалған азаматтың бұрын қылмысты болғанын және түрмеде жазасын өтеу кезінде салафилік ағым өкілдерімен байланысы болғандығын айтты.

Ал оқиға болған 18-маусымда түнделетіп Алматыға арнайы келген ІІМ басшысы Қалмұхамбет Қасымов қылмыскердің полиция өкілдерімен жеке есебі болғандығын мәлімдеді. Қасымов мырзаның сценарийне сүйенсек, қылмыскердің әрекеті теракті емес «бандитизмге» келетін секілді.

Сондай-ақ, БАҚ-та қылмыскерге көмектескен такси жүргізушісінің әлеуметтік желісіндегі парақшасында діни сипаттағы материалдар болғандығын және ұсталған азаматтың Дарын Мубаровтың уағыз-насихаттарын тыңдағандығы жазылды.

Осы бір дерекке бола, бұл оқиғаны теракт деп бағалауға бола ма? Жалпы, қылмыстың болмысына қарасаңыз, криминалдық сипат айқын байқалатын секілді.

Белгілі журналист Марат Тоқашбаев: "Алматыда өткен брифинг барысында ҚР Ішкі істер миинистрі Қалмұханбет Қасымов полиция қызметкерлеріне қарсы шабуыл жасаған қылмыскердің мақсаты олардан «кек алу болғанын» тайға таңба басқандай айтып берді. Сөйтіп қанды оқиға терроризмнен гөрі құқық қорғау органдарымен «разборкаға» жақын болып шықты" деп жазды. 

Әрине, бандиттердің "разборкасына" ланкестік сипат берілген соң-ақ қоғамда түрлі пікірлер айтылып жатыр. Қазір тіпті әлеуметтік желілерде бұл оқиғаға сәләфизмнің қатысы жоқтығы жайлы жазбалар да көбейіп кетті. Яғни, Алматыдағы қандықырғын Ақтөбедегі сәләфиттер жасаған терактіні "ақтап" алуға, бұл ағымның "судан - таза" екенін дәлелдеуге таптырмас мүмкіндік болып отыр. 

Желтоқсан оқиғасының батыры Қайрат Рысқұлбековтың інісі Талғат Рысқұлбеков Facebook-тегі парақшасында атыс кезінде қаза тапқан полиция старшинасы Аян Ғалиевтің де бес уақыт намаз оқып, Дарын Мубаровпен дастарқандас болғандығын айтты.

Яғни, билік бұл оқиғаға асығыс баға берді. Енді міне, өлген де, өлтірген де "сәләфит" болып шығып отыр. 

Әрине, қапыда шейіт болған Аян Ғалиевті "сәләфит болды" деуден аулақпыз. Сондықтан да, біз марқұм Аян Ғалиевтің інісі Нұржан Ерболғанұлына хабарласып едік, «бұл мәселені менің ағам Саян жақсы біледі. Аян ағам намаз оқып, мешіттерге баратын. Ол кісіні бәрі білетін және сылайтын. Сондықтан қазір мен ештеңе айта алмаймын», - деді.

Ал тергеу барысында өз кінәсін мойындаған Руслан Күлікбаевтың әйелі Аяулым Үмбетқұлова: «Түрмеден шыққанда маған "паранжа ки, дінге қосыл" деді. Мен қарсы болдым. Менімен тұрғың келмесе, тұрмай-ақ қой, оранып, жауып киінбеймін дедім. Соңғы кездері асығыс болды. Бір орында отырмайтын бір жаққа асығып тұрғандай болды. Сондай тірліктерін байқадым. Түрмеде отырғанда қиындық көріп, полицейлерге өштескен шығар деп ойлаймын. Ол бес уақыт намаз оқып жүріп мынадай тірлікке қалай барды? Егер шынайы мұсылман болса намаз оқи тұрып біреуді өлтірмек түгілі, жерде жатқан жәндікті өлтіруге құдайдан қорқады ғой. Қалай мына іске барғанын өзім де түсінбей қалдым. Сенбей тұрмын әлі күнге», - дейді.  

Осы жердегі "полицейлермен өштескен болар" деген ойға мән беру керек секілді. Қандықырғын салған Руслан Күлікбаевтің қылмысы құқық қорғаушылардан көрген жәбірдің өтеуі емес пе? Әйелінің айтуынша, Күлікбаев Байқоңырға бір жұмыстарын бітіріп, біржола көшіп кетпек болған. Яғни, ол өзін жезөкшелерге қатысты айыптағандармен есеп айырысып, Байқоңырға тартып кетуді жоспарлаған болуы мүмкін. Жалпы, полицейлерден көрген жәбірге ащы жауапты тараздық Ерлан Бектібаев өзін өртеп жіберу арқылы бергендігін халық ұмыта қойған жоқ. Русландікі де сондай әрекет емес пе?

Қош! Сонымен Алматыдағы шетін оқиға «теракті» ме, әлде «бандитизм» бе? Қазақстандық саясаткерлер мен қоғам қайраткерлері «Abai.kz» порталына пікірлерін білдірді.

ТЕРРОРИЗММЕН КҮРЕСУДЕ – ҚОҒАМДЫ ДА БЕЛСЕНДІ АРАЛАСТЫРУ КЕРЕК

Әміржан Қосанов, саясаткер:

-Күн өткен сайын, 18 шілдеде Алматыда орын алған сойқан атыстың мән-жайы екіұшталанып бара жатқан секілді. Елбасы «теракт» десе, Ішкі істер министрі оны «жеңіл жүрісті әйелмен сөзге келіп қалған, сосын сот пен прокуратурадан көңлі қалған» бір адамның ғана әрекетіне теліп қойды. Жалпы мен осынау күрделі оқиғаларға әп-сәтте баға беруге қарсымын: тиісті тергеу жүргізіліп, қолда бар фактілер мен дәлелдер жан-жақты сараланып қана баға берілуі тиіс. Ал біздің генералдар сағат 11-де болған қылмысқа түстен кейін баға беріп жатыр! Әрине, олар Елбасының алдында өздерін көрсетіп, ұпай жинағылары келген де болар, бірақ нәтижесінде ұятқа калып жатыр емес пе?!

«Қойшы көп болса, қой арам өледі» демекші, бізде терроризм секілді аса қауіпті қоғамдық дертпен күресуде бірізділік, құзырлы органдардың пікір мен жұмысының бірлігі тіпті байқалмайды. Керісінше, бірінің айтқан сөзін бірі жоққа шығарғандай боп, ел мен Елбасы алдында масқара боп жатыр! Мұның бәрі ресми биліктің 18 шілдедегі қанды оқиғаның себептеріне қатысты бағаларына деген қоғамдық санада орын алған күдіктің одан сайын күшейе түсуіне сөзсіз әсер етуде. Жалпы, осынау елді елеңдеткен оқиғаларға қатысты ресми ақпарат саясаты екі аяғынан ақсап жатыр! Ақпарат пен комментарий ағынын бір орталықтан үйлестіру жағы тіпті сын көтермейді! Ақпарат дегеніңіз не тәйірі?! Меніңше, мәселе одан да тереңіректе – терроризммен күрес ісін әр министрлік өз тарапынан жекедара қолға алмай, түкке қажеті жоқ ведомствоаралық бәсекеге салынбай жүргізу керек тиіс! Ол үшін ортақ әрі ықпалды штаб керек! Әзірше, мен ондай құзырлы да қауқарлы құрылымды көріп тұрған жоқпын! Және де осынау маңызды іске қоғамды да белсенді түрде араластыру қажет! Ондай механизмді қалыптастырудың жолдары баршылық. Оған тек тек тиісті саяси ерік керек. Сонда белгілі бір оқиғаларға берілген бағалар бұдан гөрі нақтырақ әрі растау болары сөзсіз.

 

"ПРЕЗИДЕНТТІҢ КӨЛЕҢКЕСІНЕН" ОРЫН АЛУ ЖӨНІНДЕ ШАЙҚАС ЖҮРІП ЖАТЫР 

Ермұрат Бапи, журналист:

- Ел президенті - "теракт" деп, ал оның министрі - "кек алу үшін жасалған бандитизм" дегенінен елдегі ситуацияны билік білмейді, жүйелі жұмыс жоқ дегенді білдірсе керек. Біріншіден, президенттің аузына "теракт" дегенді кім салып берді? Шамасы, "ҰҚК" болса керек. Бұл тұжырым "ІІМ"-нІң пікіріне қайшы келді. Басқаша айтқанда, екі ведомство арасындағы жұмыста үйлесім жоқ. Яғни, олардың арасында "президенттің көлеңкесінен" орын алу жөнінде шайқас жүріп жатыр деген сөз. Кезінде фашистік Германияда гестапо мен "СС" арасында осындай талас болған: қайсымыз фюрерге жағамыз деп, бірі-бірінен асып түскен қанқұйлы әрекеттерге барған.

Ал әлемді лаңкестік апаты шарпыған кезде, елдің ұлттық қауіпсіздігін бірінші кезекте қамтамасыз етуге тиісті екі орган "КНБ" мен "МВД" өзара бәсекеге түскені рас болса, онда бұл органдар мұндай лаңкестік әрекеттерді өздері ұйымдастырып, соңынан оны өздері "ашып", әрқайсысы өздерінің президентке қажеттілігін жасанды сценарийлармен дәлелдеуге көшуі әбден мүмкін.

Екіншіден, қауіпсіздік органдары арасындағы үйлесімсіздік мемлекеттік билік жүйесінің іріп-шірігенін білдіреді. Мемлекеттік билік жүйесі бір адамға ғана бағынышты болған жағдайда, бұл күштік құрылымдар ұлттық қауіпсіздікті қамтамасыз етуге емес, өз қожайынына ғана қызмет етуге өлеарман болады. Бұлардың қызметін бақылауы тиіс парламенттің құзырлық құқығы қырқылып қалған. Ал күштік құрылымдардың қызметін үйлестіруі тиіс ҚР президентінің жанындағы Қауіпсіздік кеңесі "сырттай бақылаушы" немесе статистика жинаушы мекеме рөлінде ғана қалған. Бұл Кеңестің құзыры мемлекеттік заңдармен, конституциялық жолмен толық анықталмаған. Мәселен, АҚШ-тың Қауіпсіздік Кеңесі мемлекеттік статусы бар орган болса, біздегі кеңес ауыл ішіндегі қой жаюдың кезегін бақылаушы пысық шалдың әрекетінен әріге аспайды.

Ал министр Қасымовтың: "алматылық атқыштың" полиция мен сот орындарында кеткен жеке кегі бар екен" дегені Қазақстанда адам құқығын қорғау және "әділеттілік орнату" деген түсініктердің мақұрым болғанын білдіреді. Яғни, әділетке жете алмаған әр адам өз білгенімен әділеттілік орната беретін болса, Қазақстан - құқықтық мемлекет емес, анархиялық елдер санатында маңып жүрген тобырлар жиынтығы деген сөз.

 

БАНДИТИЗМ - ҚАРАҚШЫЛЫҚ МАҚСАТЫНДА ЖАСАЛАДЫ

Арман Сқабылұлы, журналист:

- Мəселе, кімнің айтқанында емес! Қолда бар айғақтарда! Оның түрмеде салафиттермен байланысы болғанын ҰҚК-нің төрағасы айтты. "Аллахакбар" деп айғайлағанын естігендер жазып жатыр. Əйелі де соңғы кездері дінге бас ұрып, күмəнді жүрістері көбейгенін айтады. Сосын прокурорлардан өш алмақ болған адам автоматпен көше кезіп, елдің үрейін алып жүрмес болар? Меніңше бұл терракт! Жəне де бұл күштік құрылымдарды əбігерге түсіріп, тамырын басып көру мақсатында жасалуы да əбден мүмкін.

Бандитизм - тонау, қарақшылық мақсатында жасалады. Бұл жерде ол жоқ!

Нұргелді Әбдіғаниұлы

Abai.kz

 

 

 

 

35 пікір 2711 рет оқылды Қосылған: 21.07.16
    • #1
    • сагыз
    • бн, 21/07/2016 - 13:25

    Бас артып не керек, казактар. Бул терракт немесе каракшылык болса да, акыр туби - казак бири бирин кыру, казакты жою, жерин иелеу деген сырттан асырылып жаткан жобанын сатти орындалуы. Онын барин тусинудин киыны неде? Алдымен класс, ру, дин, дворларга болинбей, айналадагы коринетин кубылыстарына жай карап емес, оны корип те тусинуди уйрену керек. Оны жасауымызга кедерги болатын тек кана орыстан жуккан жалкаулык пен аракка кумарлык. Дендеримизди тузейик, бойларыиызды тазартайык, сонда ойымыз да тузелер. Аумин.

    • #2
    • сагыз
    • бн, 21/07/2016 - 13:25

    Бас катырып не керек, казактар. Бул терракт немесе каракшылык болса да, акыр туби - казак бири бирин кыру, казакты жою, жерин иелеу деген сырттан асырылып жаткан жобанын сатти орындалуы. Онын барин тусинудин киыны неде? Алдымен класс, ру, дин, дворларга болинбей, айналадагы коринетин кубылыстарына жай карап емес, оны корип те тусинуди уйрену керек. Оны жасауымызга кедерги болатын тек кана орыстан жуккан жалкаулык пен аракка кумарлык. Дендеримизди тузейик, бойларыиызды тазартайык, сонда ойымыз да тузелер. Аумин.

    • #3
    • ауыл
    • бн, 21/07/2016 - 13:57

    мен оз басым осы біздін сакшылардын кызмет позетсиясы оншалыкты калыктын коніліне жагады деп есептемеиім . олар кеикездері аш каскыр секілді . арине мен барлыгы солай деп отырганым жок . коп сандылары оте жаксы . ал аз сандылары тіпті сол абырйгада лайыкты емес . расыменде кейкездері адамнын ошпенділігін козгайды

    • #4
    • БАҒЫС
    • бн, 21/07/2016 - 14:40

    САҒЫЗ САҒЫЗЫҢДЫ ЕЗІП ШАЙНАЙ ТҰР. БҰЛ ТЕРАКТІ ДЕ,
    БАНДИТИЗМ ДЕ ЕМЕС. БҰЛ ҚАЛМҰҚАИБЕТ ҚАСЫМОВ АЙТҚАНДАЙ
    ПОЛИЦЕЙЛЕРГЕ КЕТКЕН ӨШІН АЛУ. ИТТІҢ АҒЫ НЕ, КӨГІ НЕ
    БӘРІ БІР ИТ. МЕНІ АНА ПОЛИЦИЯ ҰРЫП ЕДІ ДЕП ҚАЙДАН ІЗДЕП
    ЖҮРЕДІ. ӘБДЕН ЫЗАСЫ ӨТКЕН. ІШІНЕ ҚАН ҚАТЫП ҚАЛҒАН. КЕШІРЕ
    АЛМАДЫ. ОҚ ТИІП ТЕПКІ КӨРІП ЖАТСА ДА ІСТЕГЕН ІСІНЕ ӨКІНІП
    ЖАТҚАН ЖОҚ. "ЖАСТЫҒЫМА БЕС ПОЛИЦЕЙДІ ЖАСТАП ЖАТЫРМЫН"
    ДЕП ӨЗІНЕ ӨЗІ РИЗАЛЫҚПЕН КӨЗІ КҮЛІМДЕП ЖАТЫР (суретін қара) ЖАП ЖАҚСЫ ӘЙЕЛІ, АЛТЫН АСЫҚТАЙ БАЛАЛАРЫ БАР ЕКЕН. СОЛАРДЫ ҚИЫП ӨЗІ ДЕ ӘП ӘДЕМІ ЖІГІТ ЕКЕН. БАСЫ АШЫҚ ӨЛІМГЕ БАРУ ЖАТСА ДА, ТҰРСА ДА ПОЛИЦЕЙДІҢ ТЕПКІСІ ЕСІНЕН КЕТПЕЙ ҚАРА ХАЛЫҚҚА ОҚ АТПАЙ (анау жәлеп қатын, жігіттің құжат тексерем деп несі бар) ТЕК ПОЛИЦИЯНЫ ТАҢДАУЫ АҚЫЛ ЕСІНІҢ
    ДҰРЫСТЫҒЫ. НИЦАДАҒЫ АУМАЕСЕР ҚҰСАП ЖАПА ТАРМАҒАЙ АТА
    БЕРМЕЙ МЕ. АТ, ӨМІР БОЙЫНА СОТТА. ОЛ ӨЗ МАҚСАТЫНА ЖЕТТІ.

    • #5
    • Мухтар
    • бн, 21/07/2016 - 14:49

    Бүкіл Қазақстанды дүрліктірді, ондай қаныпезер кім болсада бандитпа жоқ салафитпа қатаң жазалануы керек! Ел тыныштығы басты мақсат!

    • #6
    • Батыс
    • бн, 21/07/2016 - 14:56

    Жазыксыз отырган азаматтар коп казакстанда полиция кылмыскерды издеудын орнына биреуды урып согып мойындатып соны сотатып жиберет тосын ошпендылык туат.машинамен журсенде жаяу журсенде кылмыскерден емес полиция кызметкерынен коркам

    • #7
    • екен
    • бн, 21/07/2016 - 15:27

    Графин осы болды.

    • #8
    • ұл
    • бн, 21/07/2016 - 15:29

    Қанішер Сəлəф иттер құтырынып барады.

    • #9
    • сагыз
    • бн, 21/07/2016 - 15:30

    Багыс, егер созим жакпай турса, кешириниз, бирак айтайын. ойынызды тузениз. Ол бир. Еки: Осындай жагдайга ушырап отырганымыздын себеби неде? Бардакта. Ол жигиттин истегенине айтатын ешкандай сипаттамам жок, онын жолын терис я дурыс екенин айтатын мен емес. Билик пен полицияны да жактап немесе мактап турган мен емес. Кай бир созим ашуынызды тугызып отыр?

    • #10
    • Мақсұт
    • бн, 21/07/2016 - 15:53

    Министр Қасымовтың сөзін қолдаймын, "Мән*жайға қанығып алмай алдын ала жалған ақпарат таратып байбалам салғандар -өздеріне адвокат іздей берсін"-демеп пе еді! Мән -жайға қанығып алмай "Теракт" -деп алдымен жариялаған кім еді? Президент болса да өзіне адвокат іздей берсін! Қ. Қасымов дұрыс айтады. Сондайларды іздеп тауып "жазалау" керек. Р. Күлікбаевтың әйелі айтқандай жігіт намазхан болса, КНБ басшысы айтқандай "түрмеде діни ағымдағылармен мәміледе болса -оның әр бір әрекеті "теракт", ал көшедегі бір бұзақы болса -"бандитизм" болмақ па? Қандай жүйесіз анықтама!

    • #11
    • Ақиқат
    • бн, 21/07/2016 - 18:22

    Қ.Қасымов дұрыс айтты,ол айтпай тұрып та,қанды қырғынды естіген бойда мен дәл солай ойлағам,яғни,тәртіп сақшыларында кеткен өші бар,бұрын жаламен түрмеге тоғытылған болуы мүмкін,әйтпесе ,мұнша өшікпес еді,көрдіңіздер ме,погондылар,бір құмалақ бір қарын майды шірітеді,яғни,араларыңызда озбыр,жалақор,бәлеқор,имансыз,адамгершіліксіз,ойына не келсе соны істейтін арам полицейлер бар дегенді айғақтайды!!!Сондайлардың кесірі өзгелерге тиіп кетіп жатыр!!!Кешегі шығарған заңы дұрыс болды,яғни,шенеуніктер қара халыққа байқаусызда сен деп қалатын болса жауапкершілікке тартылады деген,билік қара халықты қара жер қылып бітірді.Ал,полицейский всегда прав дейді.Ал,енді не болды қараңыздаршы!!!Қаншама бала жетім,қаншама әйелдер жесір қалды!!!Қаншама ана аңырап,қаншама әке күңіреніп қалды!!!Қаншама аға-әпке артынан ерген інісінен,қаншама іні-қарындас ағасынан айырылып қалды!!!Билік,бәлкім,ойланған шығар осы оқиғадан кейін?Бұл жерде діннің мейлі ол қандай ағым болсын,қатысы жоқ.Тіпті,жезөкше әйелді де,джиптегі кісіні де ол өлтірмеген,тағы жаба салып жатыр деп те жазып жатыр бірқатар адамдар.Теракт дейтіндей,ол халыққа оқ атқан жоқ!!!Ең бастысы осы!!!Бұл--кек қайтару.

    • #12
    • пионер
    • бн, 21/07/2016 - 18:42

    Біздің басшылардың ойлау қабілеті баланың ойлау қабілетімен бірдей.

    • #13
    • пионерге
    • бн, 21/07/2016 - 19:09

    Балаларды былғама. Балалар ешкімге қастық ойламайды, арамнан пайда жимайды. Сондықтан басшылар кәдімгі "басшыларша" ғана "ойлайды"

    • #14
    • тағы да қауіп еткеннен айтамын
    • бн, 21/07/2016 - 19:24

    міністір (бұл әлгі Қанөзенде "халықты тағы да атам!" дейтін шырақ қой!) Алматыны ойран қыла жаздаған жалғыз адам деуден танбады! Және "жалған ақпарат таратушылар" деп әлдекімдерге айбат шекті. Ол жалған ақпараттардың тарауына, әрі-беріден соң, ресми биліктің өзі кінәлі емес пе уақытылы ақпарат беруден тыс қалған?! Мұндағы мақсат, салафиттерден мәселені барынша алып қашуға тырысу болса керек. "Сүйіктілерін" қорғаймын деп отырып, өздерінің мундирлерінің абыройына сұмдық нұқсан келтірді. Себебі бір ғана адам осынша бүлік жасаса, оған қарсы тұра алмаған қалмұқамбеттің мекемесінде не қауқар, не абырой қалады?! Екіншіден, бұдан кейін халықта үрей мен сенімсіздік пайда болмай ма?! Үшіншіден, бұған ислам мен бейбітшіліктің хас дұшпандары салафиттер (мадхалиттер, тәкфириттер, әйтеуір, "ит" атаулының" бәрі) одан сайын есірмей ме?! Төртіншіден, шабуылды ұйымдастырған "екінші топ" неге тасада қалды? Әлеуметтік желілерді кезіп жүрген суреттердің (денесінің жартысы жоқ, ішек-қарны ақтарылып жатқан және бет-ауызы қанға бөгіп өліп жатқан салафиттер) сыры неге көпшіліктен жасырылып отыр? Мұндай түйткілдер көбейген сайын түбі шикі билікке деген күмән мен тұман одан сайын қоюлана түспей ме? Ал "тұман түбі - жұт, тымау түбі құрт" екенін неге ұмыта береміз? Бүйтіп "жауырды жаба тоқи" берсек, тұман мен лаңның көкесіне жолықпасымызға кім кепіл? Қауіп еткесін айтамыз. Қауіп қайдан болса, қатер содан...

    • #15
    • http://kleptocracyinitiative.org/
    • бн, 21/07/2016 - 20:28

    http://kleptocracyinitiative.org/

    • #16
    • омар
    • бн, 21/07/2016 - 20:33

    мен осы биліктің іс-әрекеті жындылардың ісіне ұқсайды. егер ол кекшіл болса дәл өзіне қастық жасағанды іздеп көзін жояушы еді. талай жасаған қитұрқы ойындарына ұқсайды. бұл ұрылар ақшалары млрд-қа жеткен соң қан төгіп ойнауға көшті, бар мақсаттары ұрлықтан жиған дүние-мүлкін сақтап қалу.осындай аш-көз екенін сезген қонаев ғұлама екен. басқа халықтың бәрін ақымақ қылып алдады тек қонаевты алдай алмапты.

    • #17
    • БАҒЫС
    • бн, 21/07/2016 - 20:55

    САҒЫЗ! ОЙЫМ ҚИСЫҚ БОЛСА ТҮЗЕТІП ЖАЗЫП АЙТПАЙСЫҢ БА?
    "КАИ БИР СӨЗИМ АШУЫНЫЗДЫ ТУГЫЗИП ОТЫР ДЕИСИЗ"
    ДҰРЫС ТҮСІНСЕМ МЕН НЕГЕ АШУЛАНАМ, БҰЛ ПІКІР. ӨЗІҢ "КӨРІП,
    ТҮСІНІП ҮЙРЕНУ КЕРЕК" ДЕЙСІҢ. ПОЛИЦЕЙЛЕР ТҮСІНІП ҮЙРЕНСІН.
    ТАРАЗДА ДА БЕС ПОЛИЦЕЙ ӨЛГЕН ОЛ ДА ТЕРАКТІ ЕМЕС. КЕК АЛУ.
    АЛМАТЫДАҒЫ ДА СОНДАЙ. КЕК АЛУ.
    РУСЛАНҒА БИЛІКТЕГІЛЕР ҚАНДАЙ ӘДЕМІ АТ ҚОЙҒАН
    "АЛМАТИНСКИИ СТРЕЛОК" ЖАРАСЫП ТҰР "ҰЛТТЫҚ БАТЫР" ДЕГЕНМЕН БІРДЕЙ.

    • #18
    • сагыз
    • бн, 21/07/2016 - 22:01

    Багыс, пикиринизди тусиндим бир окыганда, бирак "сагызынды езип шейнап тур" деген созинизге карап, оган коса удкен ариппен жазып отырганынызга да карап ай мына Бакенди ренжитип койган сияктымын байкамай деп ойлап койдым. Сагызымды шайнап езип бердим сонда да. Пикирим осындай, жигиттер.

    • #19
    • сагыз
    • бн, 21/07/2016 - 22:10

    Прессингке ушыраган жас жигиттер эмоцияга берилмей, жагдайынын тупки себебин издесе табар жане дурыс шешимин колданар, сонда казак казагын олтирмейди, таждин жанында отырган иттер халыктын миын ширитип бир нарсени артурли тусиндиру аркылы информациялык шу жасамайды, сомен карапайым жигиттеримиз шынында да каһарман болады деп ойлайм.

    • #20
    • Жұмамұрат Шәмші
    • бн, 21/07/2016 - 23:18

    Әйтеуір қайда барсаң, Қорқыттың көрі демекші, Қазақстанда шулап жүр қазақтар ғана қалған 139 ұлттар өз-өздерімен мамыржай өмір сүріп жатыр.
    Елбасы теракт десе, ІІМинистрі бандитизм десе, ҰҚҚ салафизм деп әйтеуір қарапайым халықтың миын ашыту ғана. Жұрттың бәрі әйтеуір қазақтың жері сатылмасын деп далаға шықпасын деген желеу секілді. Әйтпесе, баяғыдан бері қырамын, жоямын десе, қайда жүрді, кімнің астында жатты. Сұрақ көп жауап жоқ...

    • #21
    • Адайшал
    • бн, 21/07/2016 - 23:41

    Бағыстың пікірінің жаны бар, ол бала бандитте емес террористе емес, қаны қарайған, менттерден ит қорлықты көрген шырақ болар. Тероррист кім-кімдіде аямайды, халық көп жиналған жерге, болмаса маңызды нысандарға ойран салады. Бандит болса біреуді тонар болар, ал мынаның шаруасы тек менттермен болған. Осындай шарасыздар үйден секірді, өртенді, оған ешкімнің қылшығы қисайған жоқ, а-а дедікте қойдық, бұл кек қайтарудың жаңа үлгісін көрсетті, көп асқанға бір тосқан деген. Осыдан ашық сот болса бәрін айтар, жауыздықты беттеріне басар, ал барған жерінде сый-құрметке ие болары сөзссіз, ана жандарал қортынды шығарып өз саласына реформа жасауы екіталай. Соған орай мұндай оқиғаның қайталанбауыда екіталай, бұл басы, қызыл шәпкі киіп шәлтигендер талтақтағанын қоймаса көрер күндерін осылай аяқтауы бек мүмкін. "Тағыда ататындардыда" ататын бар екенінің дәлелі осы оқиға.

    • #22
    • Адайшалга
    • бн, 21/07/2016 - 23:55

    Ассалаума галейким, ага. Иа, жаны бар, оган еш куман болган жок. Ал енди менин "бул терракт немесе каракшылык болса да" деген биринши комментимдеги созим, ол жигитти террорист я бир каракшы дегеним емес, магынасы баска еди. Тагы бир окып шыксак байкар окырмандар.

    • #23
    • М. Шындәулет.
    • жм, 22/07/2016 - 2:11

    Тосаттан ойламаған жерден, аяқастынан опат болып жатқан полицей жігіттепдің жандары жәннатта, имандары жолдасы болсын! Әке-шеше, тума-туыстарына құдай сабыр бергей! Осы жерде менің бір түсінбейтін сәл ғана жерім болып тұр. Осыған кім нақты жауап берер екен? Қай жерде қырғын болса полицейлер зардап шегіп, құрбан болып жатыр. Енді бір қызық жері, сол полицейлер қайтіп өлсе де оны ерлікке балап жатырмыз. Осы дұрыс па? Ол полицей сол кезде шынымен ерлікпен қаза тапты ма, әлде қаңғып келген оқтан ажал құшты ма? Оған мән беріп жатқан ешкім жоқ сияқты. Мысалы, кеше А.Баталов қайтыс болған екі полицейдің отбасына пәтер кілттерін тапсырды. Және 15 млн теңгеден ақша бермекші. Сонда бұл полицейлер ерлік жасасын, жасамасын аяқ астынан ажал құшпағанда шиеттей бала-шағасымен өмір бойы пәтер берілмей, әр қуысты паналап жүрулері керек пе? Әлде пәтер немесе медаль алу үшін міндетті түрде өлу керек пе? Ертең бір полиция қызметкерінің шайпау тілді әйелі әлжуаздау күйеуіне ,,Сенде атыс кезінде қайтіп өлсең де, неге өлмедің? Сен өлсең мынау әр пәтерді бір жалдап қаңғып жүрген бала-шағаңа үкімет миллиондап ақша беріп, оған қоса пәтерлі болып қалар еді,, деуі де мүмкін екенін неге ойламайды? Мынау дегеніңіз, ақша алу үшін, пәтерлі болу үшін міндетті түрде өлу керектігін насихаттап жатқан сияқты. Әлде биліктің қоғамдық тәртіпті қорғаушыларды қорғай алмағандығын бүркемелеу әдісі ме? Жалпы мынау өте қолайсыз үрдіс. Осыған түсінбеймін. Сондықтан кім жауап берер екен? Тиісті органдар Абай кз-ні оқит дейсің бе?

    • #24
    • судья
    • жм, 22/07/2016 - 11:08

    департамент гос дохка шабулы жасамаганба(радиоточка кз куагер)интервью берген абылайхан проспектнен колында 2 пистолети бар каракшы томенге гоголь кошесин тусип келди деп ,адамдарга караганда жок деп ,департамента госдох жактан полицеи жугирип келип стой депти каракшы оган карап ок аты деди полицеи де ок атты полицеиге ишине торт бес ок типти ,каракшынын аягына тидиме билмеимин екеуде кулады деди.кеин 5минтаи полицеи кансырап жатып ты каракшынын он бес минтардан кеин наручнык колына салыпты.пистолеттерди каидан алган сонда автомат каида , тусиниксиз?министр мырза шабулы болды деди гос дох ка 2 ши полицеи атыс тан кеин каракшы колына наручник салды деди автомат алынды деп жатыр.корген билгендерин жокпа адилдикти билеик?

    • #25
    • Мақсұт
    • жм, 22/07/2016 - 12:35

    Қашанда Ұлкен қылмыстың маңында, мемілекеттік деңгейлегі қылмыстардың басында белгілі бір тұлғаны ерттеп мініп Әзәзіл жүреді. Сол шайтанның жетегімен біздің Қазақстанда әу бастан -ақ теңсіздік, әлеуметтік әділетсіздік, Кеңестен қалған мол мұраны "жаудан олжа айырғандай" "хан талапайға" салғанда -халықты бөлщектеп. арасына іріткі салу болды. Бір үлкен мекеменің, кәсіпорындардың 20 пайызын бір адамға, қалғанын жүздеген, мыңдаған мүшелеріне тарату-қасақана жасалған мемілекеттік қастандық еді. Міне сол әлі жалғасып келеді. Кешегі қақтығыстарда қайтыс болғандардың жанұяларына түгел көңіл айтамын, кінәлі адам о дүниеде де, бұ дүниеде де жазасын алар. Бірақ бұл қасіреттің болуына түпкі себеп сол Шайтанның жетегіне ергендердің жасаған қылмыстық жүйесі емес пе екен? Егер біреу өзін өзіөлтірсе -оны осындай күйге жеткізгендерді жазаға тарту заңда бар. Олай болса -Тараздық Мақсатты, Таразда өзін өзі өртеуге мәжбүр болған қыршынды, кешегі Ақтөбедегі өрімдей жастарды қанаты күйген көбелектей отқа түсуге мәжбүр еткендерді, ең ақыр аяғы Алматылық жанкештіні осындай жағдайларғ ане итермеледі? Кім кінәлі? Мысалы -Алматы да Руслан деген азамат пен полиция қызметкерлерінің арасында кектестік пайда болып, өзара бас араздығының салдарынан қарсы жақтың бірінен мұнша адам қаза болды делік, Өкімет жеңілген жаққа компенсация жасады. Егер -қаза болған Руслан болса дәл 15 млн оған төленер ме еді. Бірін -қылмыскер, екіншісін жапа шеккендер -деу үшін әлі соттың үкімі керек... Мемілекет әділ болса осындай істердің де үстінен қарап "бірін өз адамым" екіншісін "жауым" демей екеуіне де бірдей көзқарас ұстауы керек.

    • #26
    • Жанатбек
    • жм, 22/07/2016 - 13:36

    Сол шайтанның жетегімен біздің Қазақстанда әу бастан -ақ теңсіздік, әлеуметтік әділетсіздік, Кеңестен қалған мол мұраны "жаудан олжа айырғандай" "хан талапайға" салғанда -халықты бөлщектеп. арасына іріткі салу болды.
    +++

    Өте дұрыс айтып отырсыз! Жерді латифундистерге таратып беріп, банктерге кепілге қою, саудаға шығарып көкпарға айналдыру да сол қылмыстарына жауап бермегеннен кейін құтырып отырған нағыз әзәзілдің әрекеті!

    • #27
    • ххх
    • жм, 22/07/2016 - 14:33

    М.Шындәулеттің сөзінің жаны бар. Кез келген үйсіз-күйсіз, жұмыссыз, ашынған менттің әйелдеріне мынау жақсы болды. Мас боп келген мент күйеулерін өлтіріп тастап, байымды террористер өлтірді, маған да үй беріңдер деулері әбден мүмкін... Утрирую, конечно, но бұл тенденция дұрыс емес сияқты. Ертең бүкіл халық болып алаңға шығып менттерден "кек алып" жатса, олардың бәріне квартираны қайдан табамыз?...

    • #28
    • Думан
    • жм, 22/07/2016 - 15:04

    Шетін деген не сөз түсінбедім. Қазақта мұндай сөз жоқ сияқты еді ғой.

    • #29
    • Халық
    • жм, 22/07/2016 - 16:18

    Халыққа айдап салып үйреткен жендеттерін кек қайтарам деп қырып кетіп жатса сасқан үйрек не істемейді?

    • #30
    • Думанға
    • жм, 22/07/2016 - 18:40

    Шетін - қазақы сөз. Бұрын болмаған, иә аяқасты болақалған, күтпеген жерден болған, тосыннан болған оқиғаны, жағдайды осылайда атай береді.

    • #31
    • Әпенді
    • жм, 22/07/2016 - 21:00

    Қызыл-сары деңгейді үздіксіз созу үшін неге де болса барады билік...

    • #32
    • ереке
    • жм, 22/07/2016 - 22:37

    полицейлерді атканша бір Турікті ату керек еді. Туріктер басынып кетті турік деген онбаған қазақ қызына тоймаған

    • #33
    • Түңілген
    • жм, 22/07/2016 - 23:42

    Енді "қанға-қан, жанға-жан" деп, қазақтың кек қайтару үрдісі ШайтанШалға дейін жетпей тоқтамасы белгілі.

    • #34
    • білгіш
    • сб, 23/07/2016 - 9:38

    АЛМАТЫДАҒЫ ШЕТІН ОҚИҒА ТЕРАКТ ПЕ, ӘЛДЕ БҰЗАҚЫЛЫҚ ПА?-Иә Бұзақыдық

    • #35
    • Мергенбай
    • жб, 24/07/2016 - 4:00

    Бузакылык болса, Актобеде болган окиганы бузакылык деу керек. Ол жакта да полицейлер олды, аскери базага шабуыл жасалды. Кошеде журген жыгыттер дукеннен каруды алмак болады. Сатушы бермеген атып тастайды. Сондай екы азамат пен коса аскерилерды де атады. Бул да бузакылык арекет. Бейбыт тургындарды камап устау арекеты болган жок. Тек кошеде гана атысып журды.
    Солай емес пе?

Пікір қосу

  • 7 + 37 =

Вход