Býgingi kýni indetpen kýresting aldynghy shebinde dәrigerler jýr. Olargha qoldau bildiruimiz tiyis.

Salystyryp kórinizshi: parlament deputattary týk bitirmey-aq, mitingi turaly, jerge qatysty halyqqa qarsy zandardy maqúldap otyryp, aiyna 1 million tengeden ailyq alady. Oghan qosa, qyzmettik kóligi, ýii, issapar shyghyndary, premiyalary bar. Qazir 65-ten asqan deputattar tipti ýiinde jatyr. Sonda da milliondap ailyq alady. Jyl sayyn parlamentting shyghynyna 10 milliardtan astam aqsha bólinedi eken.

Al dәrigerlerge qaranyz. 120 dәriger qazirding ózinde koronavirus indetin júqtyrghan. Jýzdegen aurugha shaldyqqan nauqastarmen kýndiz-týni júmys isteude, em-domyn jasauda. Qorghanys zattary dayyn emes, qoldarynan maska tigip, qoqys paketterinen kostum dayyndauda. Aptalap ýilerining betin kórgen joq. Sonda olardyng alatyny 3-aq ay kóbeytilgen qarajat.

Jyl sayyn medisina salasyna millirdtaghan dollar bólinedi. Biyldyng ózinde 1 trillion tengeden astam aqsha qarastyrylghan. Budjettegi eng ýlken bólik dәl osy medisina salasyna kózdeledi. Sonda ol aqsha nege medisina qyzmetkerlerine berilmeydi? Osynshama qarjy jyl sayyn qayda ketude? Kimning qaltasyna týsedi? 100 auruhana salamyz degen baghdarlama qayda qaldy? Auru asqynghan tústa edel-jedel ýsh qaladan 3 auruhana salamyz dep otyr. Ony nege búrynnan salmaghan?

Batys elderine alyp qaranyz. Ústazdar, professorlar men dәrigerler eng syily mamandyq iyeleri. Ol jaqta «kedey múghalimmin» nemese «kedey dәrigermin» deytin mamandyq iyesi joq. Qazaqqa týk paydasy joq biylikting qalaulylaryna ainalghan deputattargha milliondap qarjy tólegenshe, dәrigerler men ústazdardy qoldayyq.

Býgingidey qiyn-qystau zamanda kórip otyrmyz, bizge qajeti «tórt ayaqty» jәne úiqyly-oyau deputattar emes, dәrigerler!

Janbolat Mamaydyng әleumettik jelidegi jazbasy

Abai.kz