Pavlodar qalalyq №2 soty Shanyraq oqighasy boyynsha sottalghan Aron Atabekting jazasyn densaulyghyna baylanysty jenildetu jóninde ótinishti qanaghattandyrdy. Búl turaly Pavlodar oblystyq soty mәlimdedi.

Onda, Aron Atabekting nauqastanuyna baylanysty bas bostandyghynan aiyru jazasynyng ótelmegen bóligin neghúrlym jenil jazanyng týrine auystyru turaly úsynysy qaralghany aitylghan.

Sot anyqtamasyna sәikes, A.Atabek kelesi emdelmeytin aurumen auyrady: «M50.0. Omyrtqanyng moyyn bóligi omyrtqaaralyq diskisining miyelopatiyasymen zaqymdaluy (G99.2).  M50.1. Júlynnyng moyyn bólimi dengeyindegi degenerativti - demiyelinizirleushi auruy jәne t.b».

Búl auru Qazaqstan Respubliasy Ishki Ister Ministrining 2014 jylghy 19 tamyzdaghy №530 búiryghymen bekitilgen nauqastanuyna baylanysty jazasyn óteuden bosatudyng negizi bolyp tabylatyn sottalghandardyng aurular Tizbesine kiredi.

«Zang talaptaryna sәikes, (QK-ting 75 babynyng 2 bóligi), ómir boyyna bas bostandyghynan aiyrudan basqa, jazany óteuge kedergi jasaytyn auyr nauqastan zardap shegushi adamdy sot jazany óteuden bosatady nemese nauqasynyng sipaty, jasalghan qylmystyq qúqyq búzushylyqtyng auyrlyghy, sottalghan adamnyng jeke basy jәne basqa da mәn-jaylar eskerile otyryp, jaza neghúrlym jenil jaza týrimen auystyryluy mýmkin.

Zanda bayandalghan mәn-jaylar men prosesske qatysushylardyng pikirin eskerip, sottalghan túlghagha bostandyghyn shekteu jazasy 1 jyl merzimine probasiyalyq baqylau ornatu men mindetterdi jýkteuine auystyryldy.

Sot sheshimimen kelispegen jaghdayda sottalghan túlgha jәne prosesting basqa qatysushylary apellyasiyalyq sot satysyna shaghym týsiruine qúqyghy bar»,- delingen sot sheshiminde.

Ayta keteyik, búghan deyin qazaqstandyq bir top qalamgerler týrmedegi aqyn Aron Atabekke arasha súrap, preziydent Qasym-Jomart Toqaevqa hat jazghan. Artynsha, ziyaly qauymnyng búl ýndeuin Reseylik qúqyq qorghaushy úiymdar - PEN-Moskva men «Svobodnoe Slovo» assosiasiyasy da qoldady.

Al, 18 tamyz kýni Azaptaulardyng aldyn alu jónindegi top ókilderi Pavlodar oblysyndaghy AP-162/1 týzetu mekemesinde jazasyn ótep jatqan sayasy tútqyn Aron Atabekting densaulyghynyng nasharlaghanyn mәlimdegen.

«Eki qolym auyrady, joghary kótere almaymyn, býgilmeydi, qalamsap ústaudyng ózi qiyn. Ayaghym auyrady, kamera ishinde ghana jýremin, seruenge shyghudan bas tarttym. Taksofongha qolarbamen baramyn. Etapta soqqygha jyqqan kezdegi jaraqattarym bolu kerek. Tolyq tekseruden ótudi úsyndy, biraq men odan bas tarttym. Sebebi mening jasymda «oblucheniye» alu qauipti dep esepteymin», – degen top ókilderimen kezdesken sayasy tútqyn.

Alayda ol merziminen búryn bosatugha ótinish jazbaytynyn, ýsh jyldan keyin bostandyqqa shyqqan song tolyqtay ótemaqy tóletuge shaghymdanatynyn aitqan.

Ayta keteyik, Aron Atabek 2006 jyly Almatyda bolghan «Shanyraq» oqighasyna qatysqany ýshin 18 jylgha sottaldy. Oghan oqigha barysynda polisiya qyzmetkerin óltirdi degen aiyp taghylyp, 15 jylyn Pavlodardaghy týrmede ótedi.

Abai.kz