Elbasy Núrsúltan Nazarbaev «Nur Otan» partiyasy Sayasy kenesining keneytilgen otyrysynda «Eldikting jeti túghyry» atty qaghidattar jiyntyghyn úsyndy. Elbasynyng «Nur Otan» partiyasy Sayasy kenesining keneytilgen otyrysyndaghy sózi partiyanyng resmy saytynda jariyalandy.

Otyrys kezinde Núrsúltan Nazarbaev «Eldikting jeti túghyry» atty qaghidattar jiyntyghyn úsyndy. Búl – otyz jyldyq belesti elmen birge ótkergen Elbasy retindegi mening jas úrpaqqa joldar ýndeuim dep qabyldanyzdar, - dedi Elbasy.

Birinshi. Tәuelsizdik – kez kelgen azamat ýshin eng qasterli qúndylyq.

Tamyry tereng tarihymyzgha qúrmetpen qarap, memlekettiligimizdi qadirleu, ony kózding qarashyghynday qorghau – әrbir qazaqstandyqtyng mindeti. Jer jýzinde óz aldyna derbestigi joq qansha últ pen úlystyng baryn eskersek, eseli enbekke arnalghan otyz jyl últ tarihynda altyn әrippen jazylary anyq. Álemde kólemi jaghynan 9-oryn alatyn baytaq atyrapty enshileu Jaratqannyng halqymyzgha bergen bagha jetpes nesibesi dep bilemiz.Qazaqtyng barsha arman-maqsatynyng oryndaluy tek Tәuelsiz memleket, derbes últ jaghdayynda ghana mýmkin ekenin úmytpauymyz kerek. Tәuelsizdikti nyghaytu – ekonomikany nyghaytu. Búl barsha halyqtyng enbegimen keledi. Sondyqtan jas úrpaq el iygiligi ýshin әrdayym enbek etuge dayyn boluy qajet, - dedi Nazarbaev.

Ekinshi. Birlik pen kelisim – eldigimizding myzghymas túghyry.

Etnikalyq әraluandyq – birtútas últ retinde qalyptasqan halqymyzdyng artyqshylyghy. Býginde birlik pen etnosaralyq tatulyqty saqtau jolynda otyz jyl boyy jýrgizgen syndarly sayasattyng jemisin kórip otyrmyz. Bir shanyraqtyng astynda tatu-tәtti ghúmyr keship, tatulyq pen syilastyqty qamtamasyz etude Qazaqstan halqy Assambleyasynyng әleueti zor. Konstitusiyany qasterleu, memlekettik tildi bilu, últtyq qúndylyqtardy qadirleu – әr azamattyng paryzy. Birligimizdi arttyryp, yntymaghymyzdy kýsheytsek qana eldigimiz nyghayyp, egemendigimiz bayandy bolady, - dep aitty Elbasy.

Ýshinshi. Jer – ata-baba múrasy, halyq qazynasy.

Jerden qasiyetti eshnәrse joq. Qazaq ýshin el men jer – tútas úghym. Tarihymyzdaghy soghys ataulynyng bәri el men jerdi qorghau ýshin bolghan. Biz Tәuelsizdikti jariyalay salysymen shekaramyzdy qújat jýzinde bekitip alugha kýsh júmsadyq. Adamzat tarihynda, tipti qazirgi kezende de dauly territoriyanyng soghysqa, qantógiske alyp kelgenin kórip otyrmyz (Tauly Qarabaq, Qyrym, Gruziya jәne t.b.). Men óskeleng úrpaqty osynday qauipten saqtap qalu ýshin barymdy saldym. Endi ata-baba amanatyna adal bolyp, úlan-ghayyr jerimizdi qorghau, ony bolashaq úrpaqqa miras etu – bizding ortaq boryshymyz, - dep aitty ol.

Tórtinshi. Otbasy men salt-dәstýr – qoghamnyng altyn dingegi.

Otangha degen sýiispenshilik – óz otbasyna, auyl-aymaghyna, eline degen mahabbat pen janashyrlyqtan bastalady. Otbasy – úrpaq tәrbiyesining ústahanasy, qoghamdyq qatynastardyng bastauy sanalatyn biregey institut. Jahandanu ýderisi túrmysymyz ben salt-sanamyzgha ózgeris әkelgenmen, ghasyrlar boyy qalyptasqan qúndylyqtardan bas tartugha bolmaydy. Qay kezende de biz ýlkenge – izet, kishige – qúrmet kórsetudi dәripteytin ata dәstýrimizdi berik ústanuymyz qajet. Otbasy instituty әlsirep, salt-dәstýrimiz úmytylsa, el bolyp qaluymyz ekitalay. Sol ýshin dәstýrding ozyghyn alyp, tozyghyn tastap, eldik bolmystyng ózegin saqtay biluimiz kerek. Sonda ghana sanaly úrpaq tәrbiyeleymiz, - dep týsindirdi Túnghysh Preziydent.

Besinshi. Últtyq mәdeniyet – halyqtyng ruhany tiregi.

Biz – tamyry terennen bastau alatyn úly kóshpendilerding úrpaghymyz. Bolmysy erekshe, ruhaniy-mәdeny múralargha bay halyqpyz. Qazirgi tanda jahandyq bәsekege qabiletti bolu ýshin biregey últtyq minez, asqaq ruh kerek. Múnday qasiyetter tarihty bilu, mәdeny qúndylyqtardy tanu arqyly keledi. Órkeniyetti otyz elding qataryna qosyluda materialdyq qúndylyqtarmen qatar, ruhany baylyqtyng manyzy zor. Sol ýshin mәdeniyetimizdi zerdelep, ózge júrtqa nasihattay bilgen abzal. Basqa halyqtardy tek óner qúdiretimen, ghylymy izdenispen ghana moyyndata alamyz, - dep atap ótti Nazarbaev.

Altynshy. Bilim men enbek – baquatty ómirding kilti.

«Ózine sen, ózindi alyp shyghar, enbeging men aqylyng eki jaqtap» dep dana Abay aitqanday, biz tek óz bilimimiz ben kýshimizge senuimiz kerek. Elimizde talantty әri daryndy, alghyr da ójet jastar jeterlik. Álemning alpauyt kompaniyalarynda júmys isteytin, halyqaralyq dengeyde ghylymy janalyq ashqan, týrli salada enbegimen tanylyp jýrgen jalyndy jastardy kórgende erekshe quanamyn.Búl – bizding ýmitimizding aqtalghany. Men jalpygha ortaq enbek qoghamyn qúru turaly iydeyamda onyng bes prinsiypin – evolusiyalyq damu, ortaq jauapkershilik, ózara seriktestik, yntalandyru men kәsibiylikke úmtyludy atap kórsettim. Onsyz kez kelgen qogham kóshting sonynda qaluy mýmkin. Endeshe tabystyng kilti ýzdiksiz bilim alu men tynymsyz enbek etude. Adal enbek qana adamdy múratyna jetkizedi. Osyny jastardyng sanasyna siniru qajet, - dep aitty Elbasy.

Jetinshi. Pragmatizm – bәsekege qabiletti boludyng kepili.

Biz qolda bar resurs pen mýmkindikti paydalanugha, nәtiyjeli júmys atqarugha jәne kózdegen maqsatqa tiyimdi qol jetkizuge tyrysuymyz kerek. Qazir elimizde jastardyng ózin-ózi damytuyna, bilimin jetildirip, sýiikti isimen ainalysuyna mýmkindik mol. Sondyqtan pragmatizm prinsipteri boyynsha barynsha qanaghatshyl, ýnemshil, ústamdy bolyp, uaqytty oryndy paydalanugha talpynghan jón. Osylaysha biz Tәuelsizdigimizdi bayandy etip, el tútastyghyn saqtap, otbasylyq qúndylyqtardy janghyrtyp, últ mәdeniyetin nasihattap, tereng bilim men adal enbekke den qoyghan jasampaz el bolamyz. Eldikting jeti túghyry degenimiz – osy! – dep aitty Elbasy Núrsúltan Nazarbaev.

Abai.kz