Býgin Almatydaghy Intercontinental qonaq ýiinde  Úlybritaniyalyq tәuelsiz komissiya ókilderining qatysuymen baspasóz konferensiyasy ótti. Jiyngha Qantar oqighasy jәne Janbolat Mamaydyng isin zertteumen ainalysyp jatqan Úlybritaniya Lordtar palatasynyng mýshesi Ken Makdonalid (Lord Macdonald KT KC of River Glaven), halyqaralyq qúqyqtyq kómek kórsetu kompaniyasy Bindmans LLP jetekshisi Tayab Ali, Úlybritaniya parlament deputaty Robert Baklend shaqyrylghan. Sonday-aq birqatar jurnalister qatysyp, súraqtar qoydy.

Tilshiler tarapynan qoyylghan «Qantar oqighasyn zertteuge kim qarjy bólip otyr?» degen súraqqa Bindmans LLP firmasynyng jetekshisi Tayab Aly qarjynyng kim berip otyrghanyn aita almaytynyn jetkizdi.

«Bizding qyzmetimizge kimning qarjy qúiyp otyrghanyn dәl qazirgi uaqytta jariyalay almaymyn. Nege ekenin týsindireyin. Osy zertteumen ainalysa bastaghan uaqytta búl isting óte «nәzik» taqyryp ekenin bildim. Zertteuge qatysyp jatqan adamdargha aitarlyqtay tóner qauip-qater bar. Sondyqtan olardyng bas amandyqtaryn oilap, aty-jónderin mәlim etpeymiz degen kelisim jasaldy»,-dedi ol.

Onyng aituynsha Bindmans LLP firmasy kópshilikting senimine ie bolghan, abyroyly kompaniya.

«Qarjylandyru kózine kelsek, Úlybritaniya memleketi aqshany jylystatu qylmysyna óte qatang tәrtippen qaraydy»,-dedi ol jurnalisting súraghyna jauap berip.

Sonday-aq Tayab Aly zertteuding nәtiyjeleri tolyqtay ashyq jariyalanatyn aitty.

Abai.kz