QR Bas prokurory Berik Asylov pen
Almaty oblysynyng әkimi
Marat Súltanghaziyev myrzalargha deputattyq saual

Biz – deputattar myna jaqta aq ter-kók ter bolyp, Qazaqstan halqynan úrlanghan, talan-tarajgha týsken aktivterdi elge qaytarugha qatysty zandy qabyldap jýrgende, Almaty jaqta «eski» Qazaqstannyng Nazarbaevtan qalghan jebirleri men jemqorlary qarapayym halyqty qanaudy jalghastyryp jatyr. Naqtylap aitqanda, nazarbaevtar әuletining ókilderi – Núrbol Bolatúly Nazarbaev, Qayrat Satybaldy men Ahmetjan Esimovting nókerleri jәne «Qantar generaly» Serik Kýdebaev Almaty oblysyndaghy Qarasay audanyna qarasty búrynghy «Kamenka» asyl túqymdy mal zauytynyng újym mýshelerine paygha berilgen jerdi kópe-kórneu tartyp alghan.

Búlar payshylardyng 274 gektar ýlesin óz adamdarynyng atyna qúrylghan Jauapkershiligi shekteuli seriktestikterge rәsimdep, Qazaqstannyng zanyn ozbyrlyqpen búzghan. Eki mynnan astam payshylardyng zandy ýlesin «IJS»-qa ainaldyryp, onyng edәuir bóligin satyp jibergen.

Qúrmetti Berik Noghayúly!

Osy orayda mening qolyma tiygen barlyq qújattardyng kóshirmesin sizding atynyzgha joldaymyn. Almaty oblysy men Qarasay audanynyng prokuratura organdarynan әdilet tappay, ozbyrlyqtyng qúrbany bolghan, shyryldaghan halyqtyng qaghazgha tamghan kóz jasyn oqyp kóriniz. Bas prokurorlyq qúzyrly mindetpen birge, taza azamattyq niyetpen kónil qoyatyn bolsanyz, «eteginiz jasqa tolady», búl kópe-kórneu qiyanattyng jay-japsaryna kóziniz әbden jetedi dep oilaymyn.

Sondyqtan men jalpy salmaghy 40 kilogramm bolatyn qújatta jazylghan mәn-jaydy tizbektep, deputattyq saualdyng mardymsyz uaqytyn rәsuә etpeyin. Payshylar aryzynan qysqasha ghana bir mysal keltireyin (Áminanyng aryzy).

Mening endigi aitpaghym – osy qylmysty qiyanattyng sayasy astary. Sayasy deytin sebebim – jazyqsyz elding zandy jerin tartyp alghan osy ozbyrlardyng klany men olardyng jandayshaptary Qarasay audanynda әli de sayran salyp jýr. Jergilikti prokuratura men polisiya zarlaghan halyqtyng emes, toyymsyz, tajal klannyng mýddesin qorghauda.

Payshylargha arasha týsken advokat Lәzzat Japashevany jәne búrynghy «Kamenka» asyl túqymdy mal zauyty qyzmetshileri kooperatiyvining tórayymy Ámina Jenisbekovany «alayaqtyq jasady» degen jalghan aiyppen eki aigha qamatyp tastady. Payshylardyng narazylyq shaghymyn jazyp, jogharghy organdargha újym atynan aryzdanyp jýrgen Abylay Qoja degen jigitti ýiinen ústap әketip, abaqtygha tyqqan.

Kooperativ payshylarynyng sot pen әdilettilik ornatugha qajet qújattaryn Qarasay audanynyng polisaylary men prokuraturasy tartyp alyp qoymasyn dep, jasyryp jýrgen Mәlik Úzaqov degen azamatqa izdeu jariyalanyp, ol býginde bassaughalap, qarasaylyq polisiyadan tyghylyp jýruge mәjbýr bolghan.

Ay men kýnning amanynda ýleske berilgen jerinen aiyrylghan payshylardyng ókilderi, jiyny 20 shaqty adam, әdilet izdep, arashagha týsudi súrap, eki ay búryn maghan Astanagha kelgen edi. Olar nazarbaevtar klany talan-tarajgha salghan jerden «qalghan 274 gektardyng jartysyn memleketke qaytarayyq, bizge jartysyn zandastyryp berse bolghany» dep, jergilikti biylikpen kompromiske barugha dayyn ekendikterin mәlimdedi.

Qúrmetti Marat Eleusizúly!

Múny men sizge arnap aitamyn. Payshylar óz ýlesterining teng jartysyn memleketke qaytarugha qúlyqty. «Biz óz payymyzdyng jartysyn Almaty oblysynyng Jer komiytetine beruge dayynbyz, tek bizding zandy ýlesimiz nazarbaevshylardyng jemsauynda ketpese bolghany. Al jerding ekinshi jartysyn zandy iyeleri rәsimdep aluyna mýmkindik tudyrsyn» deydi payshylar.

Men zar iylegen payshylardyng osy úsynysyn QR Preziydent әkimshiligining basshylyghyna jetkizdim (qúdaygha shýkir, biylikte elding mún-zaryn tyndaytyn azamattar bar eken, Erlan Qoshanov myrzanyng kómegimen Preziydent әkimshiligi basshylarynyng birining qabyldauyna kirdim), qalyptasqan zansyzdyqtyng mәn-jayyn aityp, erteng ereuilge shyghayyn dep otyrghan eki mynnan astam adamnyng talabyn nasyrgha shaptyrmay, Qarasay audanynan tys aimaqtyng prokuratura qyzmetkerlerinen arnayy komissiya qúryp, sayasy sheshim qabyldap, payshylardyng kompromistik úsynysyn qarastyrudy súradym. (Ereuil demekshi, naqaq jalamen qamaugha alynghan jeltoqsanshy Lәzzat Japashevany qorghap, eldegi jeltoqsan úiymdary da narazylyqqa shyghugha qamdanuda).

Sodan beri bir jarym ay ótti. Preziydent әkimshiligi payshylardyng isin sózbúidagha salghannan basqa eshbir is bitirmedi. Al men bolsam búl jer dauyn dabyrasyz jәne ereuilsiz sheshuge jәrdem jasaymyn dep, narazy ýleskerlerdi sabyrgha shaqyryp, toqtatyp keldim. Búdan ary payshylardy aldarqatqanday bola almaymyn. Sondyqtan qolymnan keletin songhy amalym – deputattyq saual joldap, nazarbaevshylar naqaq jasaghan qiyanatty jariyalaugha mәjbýr bolyp otyrmyn.

Degenmen, qúrmetti myrzalar, әli de kesh emes. Preziydent Toqaevtyng әdiletti jәne «jana Qazaqstan» qúru sayasatyna núqsan keltirmeuding mýmkindigi týgesilgen joq.

Ol ýshin:

Asylov myrza!

A). Siz ózinizding arnayy ókilinizdi («spesprokurordy» nemese arnayy prokurorlyq komissiyany) Qarasay audanyna jiberip, qalyptasqan jaghdaydyng kýrmeuin sheshu ýshin tekseru jýrgizip, payshylardyng talabyn tyndaugha;

Á). Qarasay audandyq prokuraturasy men polisiyasy ýlesker azamattargha jasap jatqan qiyanatty qysymdy tyigha;

B). Qamaugha alynghan azamattargha tanylghan aiyptyng aq-qarasyn anyqtap, zansyz әreketterge tosqauyl qongha qúlyqty bolsanyz – bolghany.

Marat Eleusizúly myrza!

Siz óz ónirinizde shyryldap jýrgen túrghyndardyng ókilderin qabyldap, olardyng ýles payyn 50 de 50-lik núsqamen teng bólu jónindegi úsynysyn tyndaugha zauyqty bolsanyz – bolghany.

Men búl mәselening әdiletti týrde sheshilui ýshin, búl jer dauyn ayaqsyz qaldyrmaymyn! Eger búl mәsele taghy da nazarbaevshylardyng mýddesine sheshilip, jer iyeleri zarlap qalatyn bolsa, el Preziydentine deyin baramyn!

Búl – sayasy shantaj emes! Búl – әdilet ýshin aiqas bolady! Toqaev myrzanyng әdiletti Qazaqstan qúru iydeyasyna jәrdem jasaymyz desenizder, ozbyrlyqty ozdyrmaugha jәrdem jasanyzdar, myrzalar!

Ermúrat Bapiy,

QR Parlamenti Mәjilisining deputaty

Abai.kz