31 shildede QR Sauda jәne integrasiya ministri S.Júmangarinnin  búiryghymen QR aumaghynda uaqyt ólshemi problemalyq mәselelerin retteu ýshin qúrylghan vedomstvoaralyq toptyng birinshi otyrysy ótti. VAT-qa (vedomstvoaralyq top) barlyq ministrlikter, oblystar, salalyq Ghylymy zertteu Instituttary ókilderi, Senat deputattary, qogham belsendileri, balalar qúqyn qorghau úiymdary, barlyghy 60 ókil qatysty.

Top júmysyn úiymdastyru QR Sauda jәne integrasiya viyse ministri E.A.Shaqqaliyevke, jauapty Tehnikalyq  retteu jәne metrologiya komiyteti tóraghasy Q.N.Elikbaevqa jýktelgen.

QR uaqyt ólshemi problemalyq mәseleleri 1930 jyldan, dekrettik uaqyt engizuden bastalsa, 1956 jyldan saghattyq beldeulerdi biriktiru, odan song 1980 jyldardan «jazghy» uaqyt qoldanu engizilip, QR egemendik alghasyn da jalghasty.

Alayda 2004 jyly halyq arasynda narazylyq tuuyna jәne densaulyqqa eleuli ziyan tiygizetini medisinalyq túrghyda zerdeleumen dәleldenuine baylanysty «jazghy» uaqyt engizu praktikasynan bas tartyldy, sebebi dekrettik uaqyttyng ózi ýnemi jazghy uaqyt qoldanu bolsa, saghattyq beldeulerdi biriktiru de batys oblystardy algha taghy bir saghat jyljytu edi.

«Sondyqtan qazirgi uaqyt ólshemi jaghdayynda oghan taghy «jazghy» uaqyt qoldanu esh mýmkin emes jәne QR aumaghynda uaqyt ólshemi mәselesi әli týbegeyli sheshimie tapqan joq», - deydi top mýshesi, Halyqaralyq tabighy uaqyt qoldaushylar Aliyansy mýshesi, qoldanbaly hronobiologiya mamany Bolat Núrhojaev.

Álemdik praktikada 2018 jyldardan uaqyt ólshemi mәselesi Evroparlament pen Evrokomissiyada qaralyp sheshim shyqsa, AQSh-ta da búl mәsele Parlamentte qaralyp jatyr.

Resey memleketi 2014 jyldan 1930 jyldan beri qoldanystaghy dekrettik uaqyttan resmy bas tartty. 2018 jyly Qyzylorda oblysy óz uaqytyn qaytarsa, RF Volgograd oblysy 2020 jyly óz beldeulik uaqytyna kóshti, sondyqtan qazir Volgograd oblysy men BQO shekarasynda 2 saghat aiyrmashylyq payda bolyp otyr. Qyzylorda oblysymen bir saghattyq beldeude ornalasqan Qostanay oblysy halqy da uaqyt ólshemi mәselesin memlekettik organdar aldynda 17 jyldan beri ýzbey kóterip keledi.

Dәl osynday mәsele BQO, Atyrau, Manghystau oblystarynda da bar ekeni ónir ókilderimen aityldy.

Uaqyt ólshemi, adam, onyng ishinde densaulyqqa qatysty mәsele kóterilui oryndy ekeni V.G.Fesenkov atyndaghy Astrofizika, Fiziologiya jәne Genetika, Geografiya jәne su qauipsizdigi, Aythojin atyndaghy Molekulyarly biologiya jәne biohimiya Instituty ghalymdarymen qoldau tauyp, tek ghylymy zertteuler nәtiyjesine sýienip sheshilui tiyis ekeni aitylyp otyr.

Jiynda sóz alghan QR Parlamenti Senaty deputaty, medisina ghylymdary doktory A.Sh.Alinazarova mәselening halyq, әsirese balalar densaulyghyna, ekonomikagha, demografiyalyq mәselelerge manyzdylyghyn eskerip, sheshimin qarastyru ýshin jәne onyng ghylymy negizdemesin dayyndau ýshin salalyq mamandardan qúralghan top qúru, mәseleni týbegeyli jәne birjola sheshu qajettigin úsynyp, ol maqúldandy.

Abai.kz