31 شىلدەدە قر ساۋدا جانە ينتەگراتسيا ءمينيسترى س.جۇمانگاريننىڭ  بۇيرىعىمەن قر اۋماعىندا ۋاقىت ولشەمى پروبلەمالىق ماسەلەلەرىن رەتتەۋ ءۇشىن قۇرىلعان ۆەدومستۆوارالىق توپتىڭ ءبىرىنشى وتىرىسى ءوتتى. ۆات-قا (ۆەدومستۆوارالىق توپ) بارلىق مينيسترلىكتەر، وبلىستار، سالالىق عىلىمي زەرتتەۋ ينستيتۋتتارى وكىلدەرى، سەنات دەپۋتاتتارى، قوعام بەلسەندىلەرى، بالالار قۇقىن قورعاۋ ۇيىمدارى، بارلىعى 60 وكىل قاتىستى.

توپ جۇمىسىن ۇيىمداستىرۋ قر ساۋدا جانە ينتەگراتسيا ۆيتسە ءمينيسترى ە.ا.شاققاليەۆكە، جاۋاپتى تەحنيكالىق  رەتتەۋ جانە مەترولوگيا كوميتەتى توراعاسى ق.ن.ەليكباەۆقا جۇكتەلگەن.

قر ۋاقىت ولشەمى پروبلەمالىق ماسەلەلەرى 1930 جىلدان، دەكرەتتىك ۋاقىت ەنگىزۋدەن باستالسا، 1956 جىلدان ساعاتتىق بەلدەۋلەردى بىرىكتىرۋ، ودان سوڭ 1980 جىلداردان «جازعى» ۋاقىت قولدانۋ ەنگىزىلىپ، قر ەگەمەندىك العاسىن دا جالعاستى.

الايدا 2004 جىلى حالىق اراسىندا نارازىلىق تۋىنا جانە دەنساۋلىققا ەلەۋلى زيان تيگىزەتىنى مەديتسينالىق تۇرعىدا زەردەلەۋمەن دالەلدەنۋىنە بايلانىستى «جازعى» ۋاقىت ەنگىزۋ پراكتيكاسىنان باس تارتىلدى، سەبەبى دەكرەتتىك ۋاقىتتىڭ ءوزى ۇنەمى جازعى ۋاقىت قولدانۋ بولسا، ساعاتتىق بەلدەۋلەردى بىرىكتىرۋ دە باتىس وبلىستاردى العا تاعى ءبىر ساعات جىلجىتۋ ەدى.

«سوندىقتان قازىرگى ۋاقىت ولشەمى جاعدايىندا وعان تاعى «جازعى» ۋاقىت قولدانۋ ەش مۇمكىن ەمەس جانە قر اۋماعىندا ۋاقىت ولشەمى ماسەلەسى ءالى تۇبەگەيلى شەشىمىە تاپقان جوق»، - دەيدى توپ مۇشەسى، حالىقارالىق تابيعي ۋاقىت قولداۋشىلار اليانسى مۇشەسى، قولدانبالى حرونوبيولوگيا مامانى بولات نۇرحوجاەۆ.

الەمدىك پراكتيكادا 2018 جىلداردان ۋاقىت ولشەمى ماسەلەسى ەۆروپارلامەنت پەن ەۆروكوميسسيادا قارالىپ شەشىم شىقسا، اقش-تا دا بۇل ماسەلە پارلامەنتتە قارالىپ جاتىر.

رەسەي مەملەكەتى 2014 جىلدان 1930 جىلدان بەرى قولدانىستاعى دەكرەتتىك ۋاقىتتان رەسمي باس تارتتى. 2018 جىلى قىزىلوردا وبلىسى ءوز ۋاقىتىن قايتارسا، رف ۆولگوگراد وبلىسى 2020 جىلى ءوز بەلدەۋلىك ۋاقىتىنا كوشتى، سوندىقتان قازىر ۆولگوگراد وبلىسى مەن بقو شەكاراسىندا 2 ساعات ايىرماشىلىق پايدا بولىپ وتىر. قىزىلوردا وبلىسىمەن ءبىر ساعاتتىق بەلدەۋدە ورنالاسقان قوستاناي وبلىسى حالقى دا ۋاقىت ولشەمى ماسەلەسىن مەملەكەتتىك ورگاندار الدىندا 17 جىلدان بەرى ۇزبەي كوتەرىپ كەلەدى.

ءدال وسىنداي ماسەلە بقو، اتىراۋ، ماڭعىستاۋ وبلىستارىندا دا بار ەكەنى ءوڭىر وكىلدەرىمەن ايتىلدى.

ۋاقىت ولشەمى، ادام، ونىڭ ىشىندە دەنساۋلىققا قاتىستى ماسەلە كوتەرىلۋى ورىندى ەكەنى ۆ.گ.فەسەنكوۆ اتىنداعى استروفيزيكا، فيزيولوگيا جانە گەنەتيكا، گەوگرافيا جانە سۋ قاۋىپسىزدىگى، ايتحوجين اتىنداعى مولەكۋليارلى بيولوگيا جانە بيوحيميا ينستيتۋتى عالىمدارىمەن قولداۋ تاۋىپ، تەك عىلىمي زەرتتەۋلەر ناتيجەسىنە سۇيەنىپ شەشىلۋى ءتيىس ەكەنى ايتىلىپ وتىر.

جيىندا ءسوز العان قر پارلامەنتى سەناتى دەپۋتاتى، مەديتسينا عىلىمدارى دوكتورى ا.ش.النازاروۆا ماسەلەنىڭ حالىق، اسىرەسە بالالار دەنساۋلىعىنا، ەكونوميكاعا، دەموگرافيالىق ماسەلەلەرگە ماڭىزدىلىعىن ەسكەرىپ، شەشىمىن قاراستىرۋ ءۇشىن جانە ونىڭ عىلىمي نەگىزدەمەسىن دايىنداۋ ءۇشىن سالالىق مامانداردان قۇرالعان توپ قۇرۋ، ماسەلەنى تۇبەگەيلى جانە ءبىرجولا شەشۋ قاجەتتىگىن ۇسىنىپ، ول ماقۇلداندى.

Abai.kz