BÚÚ Qauipsizdik kenesining otyrysynda BÚÚ Bas hatshysy Antunio Guterrish HAMAS-tyng Izrailige jasaghan shabuyly kezdeysoq jasalmaghanyn, Palestina halqynyng 56 jyl boyy okkupasiyada bolghanyn aitty. Ol, Palestina halqynyng narazylyghy Hamastyng jan týrshigerlik shabuyldaryn aqtay almaytynyn aitty. Guterrish sonymen qatar Halyqaralyq gumanitarlyq qúqyqty, sonyng ishinde Jeneva konvensiyalaryn saqtaugha shaqyrdy.

Osydan keyin Izraili Syrtqy ister ministri Ely Koen BÚÚ Bas hatshysy Antoniu Guterrishpen kezdespeytinin jәne HAMAS shabuylynan keyin aimaqta «tendestirilgen kózqarasqa oryn joq» dep sanaytynyn mәlimdedi.

Izrailiding BÚÚ janyndaghy Túraqty ókili Gilad Erdan úiymnyng Bas hatshysy Antonio Guterrishti Hamastyng Izrailige shabuyly «vakuumnen tys» dep mәlimdegennen keyin terrorizmdi aqtady dep aiyptady.

«Bas hatshy myrza, siz barlyq adamgershilik pen beytaraptyqty joghalttynyz. Búl jan týrshigerlik shabuyldar vakuumda bolghan joq degen qorqynyshty sózderdi aitqanda siz terrorizmdi qúptadynyz jәne osy arqyly terrorizmdi aqtaghynyz keldi», – dedi Erdan.

Onyng aituynsha, Izraili ýkimeti BÚÚ-men jәne onyng «Izrailide ornalasqan» ókilderimen qarym-qatynasyn baghalaugha mәjbýr bolady.

Ol, sonday-aq, әleumettik jelidegi paraqshasyna: «Balalardy, әielder men qarttardy jappay óltiru nauqanyna týsinistikpen qaraytyn BÚÚ Bas hatshysy BÚÚ basshylyghyna layyq emes. Men ony dereu otstavkagha ketuge shaqyramyn», - dep jazdy.

7-qazan kýni tanerteng Palestinalyq Hamas qozghalysynyng әskery qanaty jariyalaghan «Ál-Aqsa tasqyny» operasiyasy ayasynda Izraili Gaza sektorynan búryn-sondy bolmaghan auqymdy shabuylgha úshyrady. Osydan keyin úiym jauyngerleri Izrailiding ontýstigindegi shekaralyq aimaqtargha enip ketti. Búghan jauap retinde Izraili qorghanys kýshteri Gaza sektorynda Hamasqa qarsy «Temir qylyshtar» operasiyasyn bastady. Birneshe kýn ishinde izrailidik әskeriyler Gazamen shekaragha jaqyn ornalasqan barlyq eldi mekenderdi baqylaugha alyp, jolaqtaghy nysandargha, sonyng ishinde beybit túrghyndargha әueden soqqy bere bastady. Sonday-aq Izraili Gaza sektoryn tolyq qorshaghanyn jariyalady: su, azyq-týlik, elektr quaty, dәri-dәrmek jәne otyn jetkizu toqtatyldy.

Gaza sektoryndaghy qúrbandar sany 5 mynnan asty, 15 mynnan astamy jaralanghan. Izrailide, jergilikti biylikting mәlimeti boyynsha, 1,3 mynnan astam adam qaytys boldy. Týrli aqparat kózderine sәikes, 150-ge juyq izrailidik Hamastyng tútqynynda boluy mýmkin. Gaza sektorynyng ózinde 200-250-dey tútqyn bar ekenin mәlimdedi.

Ayta keteyik, Reuters agenttigi Livannyng «Ál-Manar» telearnasynyng sujetine silteme jasap, Livandyq «Hezbolla» tobynyng jetekshisi Hasan Nasrallanyng Beyrutta palestinalyq HAMAS jәne Islamdyq jihad toptarynyng jetekshilerimen kezdeskenin habarlady.

«Hezbolla» jetekshisinen basqa kelissózderge basshynyng orynbasary Hamas Saleh Ál-Aury jәne «Islam jihadynyn» jetekshisi Ziad an-Nahala qatysty. Kezdesude Gaza sektorynda «qarsylyqtyng naqty jeniske jetui ýshin» ne isteu kerektigi talqylandy.

«Kezdesude […] halyqaralyq dengeydegi ústanymdar men qarsylas tarap ne isteu kerektigi turaly bagha berildi»,  – dedi әl-Manar.

Abai.kz