Soghys Reseyding týkpir-týkpirine jetti. Mәskeu men Sankt-Peterburg óz aldyna, endi maydan shebinen myndaghan shaqyrym alys jatqan aimaqtar da mazasyzdana bastady. Fransuzdyng bedeldi Le Monde basylymy sensasiyalyq taldau jariyalady: Ukraina Qaruly Kýshterining (UQK) Reseyding otyn-energetikalyq infraqúrylymyna jasaghan soqqylary Kremli men halyq arasyndaghy jyldar boyy qalyptasqan «qoghamdyq kelisimnin» kýlin kókke úshyruda.

Ol qanday kelisim edi? Ssenariy qarapayym bolatyn: «Biylik halyqqa túraqtylyq pen әl-auqat beredi, al halyq búghan jauap retinde sayasy bostandyqtardyng shekteluine kóz júmady». Endi búl formula júmys istemey túr.

Ombydaghy soqqy jәne janarmay daghdarysy

6 shildede Omby múnay óndeu zauytyna (MÓZ) jasalghan úshqyshsyz úshaqtar soqqysy Reseydegi songhy onjyldyqtaghy eng auyr otyn daghdarysyn tudyrdy. Eldegi eng iri zauyt júmysyn toqtatugha mәjbýr boldy. Nәtiyjesinde:

• Reseyding týkpir-týkpirindegi AJQ-larda (AZS) úzyn-sonar kezek payda boldy.
• Janarmay baghasy sharyqtap, «qara bazar» gýldene bastady.
• Biylik jaghdaydy tez arada túraqtandyra almay әlek.

Europalyq gumanitarlyq uniyversiytet ekonomiysi Nikolay Kulibakanyng aituynsha, Reseyding ishki logistikasy — eng osal túsy. Janarmay tasymalyn birden temirjolgha auystyru mýmkin emes, al Ýndistan siyaqty elderden importtau mәseleni tez arada sheshe almaydy.

Ekonomikalyq tyghyryq jәne bank daghdarysynyng elesi

Mәsele tek janarmayda emes. Berlin Erkin uniyversiytetining zertteushisi Andrey Yakovlevting payymdauynsha, biylik shabuyldardyng shynayy auqymyn jasyryp, baghany jasandy ústap túrghandyqtan, halyq ýreylenip, janarmaydy tonnalap satyp aluda. Búl tapshylyqty odan sayyn ushyqtyryp jiberdi.

Finlyandiya bankining ekonomiysi Gely Simola Resey ekonomikasynyng ósimi bayaulap, budjet tapshylyghy artqanyn aitady. «Resey әli de soghysty qarjylandyra alady, biraq alda óte qiyn sheshimder qabyldaugha tura keledi», — deydi ol.

Búghan qosa, europalyq arnayy qyzmetterding qúpiya bayandamasy da jariya boldy: Reseyde jappay bankrottyq pen problemalyq kreditterding kesirinen bank daghdarysy pisip-jetilip keledi. Al shilde aiynda EO dayyndap jatqan jana sanksiyalar paketi Reseyding bankteri men kriptojelilerin tikeley nysanagha almaq.

Týiin: Putin men reseylikter arasyndaghy senimge syzat týsti. Túrghyndar «alystaghy soghystyn» salqynyn óz qaltasy men kýndelikti ómirinen sezine bastady. Resey búl qarjylyq jәne әleumettik qysymgha qansha uaqyt tótep bere alady?

Eldegi jәne әlemdegi eng manyzdy geosayasy teketirester men geoekonomikalyq ózgerister turaly eng songhy mәlimetti Abai.kz aqparattyq portaly úsynady.

Abai.kz