Qazaqstanda túrmystyq zorlyq-zombylyqqa jazany qataytudy súraghan eki jyl búrynghy petisiya qayta jandanyp, oghan qol qoyghandar 65 mynnan asty. Bir kýn búryn búl kórsetkish shamamen 40 myng bolghan. 

Saltanat Nýkenovanyng óliminen song әleumettik jelide әiel qúqyghy mәselesi qayta kóterilip, otbasyndaghy kýsh kórsetu oqighalary jiyilep ketkeni aityldy.

Onlayn-petisiya avtorlary Qazaqstanda túrmystyq zorlyq-zombylyq, pedofiliyagha jaza jenil ekenin aityp, búl eldegi osy qylmys týrining kóbengine de belgili bir dәrejede әser etip otyrghanyn jazghan.

"Qalyptasqan jaghdaygha baylanysty ýkimet pen parlamentke túrmystyq zorlyq-zombylyq kórsetkeni ýshin jazany qataytu mәselesine qayta oraludy, atap aitqanda Qylmystyq kodekstegi 108 jәne 109-baptardy ("úryp-soghu" jәne "densaulyqqa qasaqana jenil ziyan keltiru") qalpyna keltirudi, túrmysta bolatyn ózge de zansyzdyqtargha әkimshilik jauapkershilikti kýsheytudi tapsyruynyzdy ótinemiz" dep jazylghan petisiyada.

Búrynghy últtyq ekonomika ministri Quandyq Biyshimbaev 11 qarashada Astana sotynyng sheshimimen "Adam óltiru" babymen eki aigha qamalghan. Biyshimbaev әieli Saltanat Nýkenovany óltirdi degen kýdikke ilingen. 31 jastaghy әiel Astanadaghy meyramhanalardyng birinde qatygezdikpen úryp-soghudan kóz júmghan. Búl oqighadan keyin qoghamda túrmystyq zorlyq-zombylyq mәselesi qayta kóterilip, kinәliler kóp jaghdayda jazasyz qalatyny aitylyp jatyr. 15 qarashada preziydent Qasym-Jomart Toqaev ishki ister ministrligine búl isti "erekshe baqylauda ústauda" tapsyrghanyn Aqorda jazdy.

2017 jylghy shildede "Úryp-soghu" jәne "Densaulyghyna qasaqana jenil zaqym keltiru" baptary Qylmystyq kodeksten әkimshilik qúqyq búzushylyq turaly kodekske auystyrylghan.

Statistikagha sýiensek, elde Qazaqstan әielderining basym bóligine kýieui nemese serigi kýsh qoldanady. Polisiyagha jyl sayyn túrmystyq zorlyq-zombylyq turaly 100 mynnan astam habarlama kelip týsedi.

Qazaqstan IIM biyl mamyrda jariyalaghan mәlimeti boyynsha, elde jyl basynan beri túrmystyq zorlyq-zombylyqqa qatysty 35 mynnan astam aryz-shaghym kelip týsken. Tek az bóligi ghana jazalanghan.

BÚÚ mәlimetinshe, elde jyl sayyn shamamen 400 әiel kýieui nemese serigining qolynan qaza bolady. Halyqaralyq Human Rights Watch adam qúqyghyn qorghau úiymy Qazaqstanda túrmystyq әlimjettik azaymay otyrghanyn aitqan.

Abai.kz