Ukrainagha qarsy soghysqa qatysqan 34 jastaghy qazaqstandyq Aleksey Shompolov alty jyl segiz aigha sottaldy. Búl turaly Qaraghandy oblysy sotynyng baspasóz qyzmeti habarlady.

Shompolov Resey jaghynda «Vagner» jasaghynyng qúramynda bolghan. Shompolovqa «jaldandy» jәne «beybitshilik pen adamzat qauipsizdigine qarsy auyr qylmystyq qúqyq búzushylyq jasady» degen aiyp taghyldy, odan 205 590 rubli kóleminde aqsha tәrkileuge sheshim qabyldandy. Sottyng mәlimetinshe, ol aqshany qylmystyq jolmen tapqan.

Sotta Shompolov kinәsin moyyndap, soghysqa aqsha kerek bolghan song barghanyn mәlimdedi. «Vagner» jasaghynyng qúramyna ol әleumettik jelidegi jarnama arqyly kelgen. Oghan 240 000 rubli ailyq tóleuge uәde berilgen.

Shompolov appelyasiyalyq shaghymynda «Vagnermen» kelisimshart jasau kezinde zandy búzyp jatqanyn bilmegenin, oghan «Ukrainada soghys emes, beybit túrghyndardy bosatu ýshin arnayy operasiya jýrgizililip jatqany» aitylghanyn ataghan.

Qazaqstan biyligi Ukrainagha qarsy soghysty tikeley aiyptamasa da, respublika azamattarynyng sheteldik soghystargha qatysuyn zansyz dep tanidy.

«Jaldamalylyq»  turaly bap boyynsha mýlki tәrkilenip, 12 jylgha deyin bas bostandyghynan aiyru jazasy, al auyrlatatyn jaghdaylarda – azamattyghynan aiyra otyryp, ómir boyyna bas bostandyghynan aiyrugha deyin ýkim shygharyluy mýmkin.

Foto: ashyq derekkózden

Abai.kz