Astana qalasy býgingi tanda elimizding mәdeny ortalyghyna ainalyp ýlgergeni jasyryn emes. Múnda Memleketting hәm jergilikti әkimdikting qoldauymen kýn sayyn týrli elishilik hәm elaralyq mәdeny is-sharalar úiymdastyryluda. Solardyng birsypyrasyn Abai.kz oqyrmandaryna úsynghandy jón kórdik. 

«Ústazgha arnau» konserti

Qazaqstannyng mәdeny qauymdastyghy ataqty opera әnshisi әri ústaz, Qazaq KSR enbek sinirgen әrtisi, «Qúrmet» ordenining jәne Europanyng jaratylystanu ghylymdary akademiyasynyng (Gannover, Germaniya) «Ýlken kýmis júldyz» ordenining kavaleri, QR Ghylym jәne joghary bilim ministrligining JAK professory Qanat Omarbaevtyng 80 jyldyghyn atap ótedi. «Ústazgha arnau» konserti «Astana Opera» teatrynyng K.Bayseyitova atyndaghy Kameralyq zalynda 23 jeltoqsanda úsynylady.

Qazaq últtyq óner uniyversiyteti vokaldyq óner jәne diriyjerleu kafedrasynyng professory Qanat Omarbaev kóp jyldyq shygharmashylyq mansabynda jarqyn әrtisterding tútas shoghyryn tәrbiyelep shyghardy. Býginde onyng shәkirtteri respublikamyzdyng jәne shetelding jetekshi sahnalarynda jarqyray óner kórsetude. Osynau keshte sheberding shәkirtteri – teatrdyng jetekshi solisteri – Qazaqstannyng enbek sinirgen qayratkeri Azamat Jyltyrkózov, «Qúrmet» ordenining kavaleri Ayzada Qaponova, Talghat Ghaleev, Beyimbet Tanaryqov, Ramzat Balakishiyev, Erúlan Kәmel jәne taghy basqalarynyng oryndauynda qazaqstandyq kompozitorlardyng tanymal operalarynan ariyalar men duetter, belgili romanstar men әnder shyrqalady.

«Astana Operanyn» jetekshi soliysi Ayzada Qaponovanyng shygharmashylyghynda Qanat Omarbaev manyzdy ról atqardy, sebebi әrtisti kәsiby vokal ónerine ýiretken sheberding ózi bolatyn.

- Qanat Núrmúhamedúly – mening ómirimdegi aituly túlgha, 2004 jyly Astanagha kelip, Qazaq últtyq óner uniyversiytetining vokal kafedrasyna oqugha týskenimde maghan kәsiby vokal ónerin ýiretken osy kisi bolatyn. Tórt jyl boyy osy ústazymnyng klasynda bilim aldym, odan keyin eki jyl magistraturany oqydym. Maghan dúrys baghyt kórsetip, 3-kursta oqyp jýrgenimde K.Bayseyitova atyndaghy opera jәne balet teatryna solist bolyp júmysqa ornalasuyma sebepshi boldy. Qanat Omarbaev – ónerdegi әkem desem, artyq aitpaghan bolar edim. Ol maghan: «Qanshalyqty ataqty әrtis, júldyz bolsang da, ómirde adam bolyp qalu – eng birinshi mindeting boluy tiyis» dep aityp otyratyn. Sonday-aq ol: «Sahnada ónerindi pash etkennen keyin qanshama kórermen kelip, ong nemese teris pikir aityp túrsa da, әndi qalay oryndap shyqqanyndy ózing bilesin, soghan taldau jasap, sonymen júmys iste» dep aitatyn. Seksenning sengirine shyghyp otyrghan ústazyma degen qúrmetim sheksiz. Áli talay daryndy shәkirtterdi tәrbiyelep shygharsa eken dep tileymin. Osy konsertte ústazyma degen erekshe jylulyqpen jәne alghyspen sahnagha shyghamyn, - dep pikirimen bólisti Ayzada Qaponova.

«Ústazgha arnau» muzykalyq keshinen bólek, jeltoqsanda K.Bayseyitova atyndaghy Kameralyq zalda asqaq óner jankýierlerin konsertterding mazmúndy baghdarlamasy kýtedi. Sonymen, 3 jeltoqsanda Astana Opera Halyqaralyq opera akademiyasynyng tyndaushylary «Bravo, Opera» vokaldyq muzyka keshin úsynady.

20 jeltoqsanda ótetin «Ánim mening – Astana!» konserti elordanyng 25 jyldyghyna arnalady. Qazaqstannyng enbek sinirgen әrtisi Ghaliya Bayghazinova elorda túrghyndary men qonaqtaryna óz ónerin tartu etedi. Sonday-aq soprano dauysty әnshimen birge Azamat Jyltyrkózov, Artur Gabdiyev, Batyrjan Smaqov, Ásem Kiyikbaeva, Júldyz Nysanbaeva óner kórsetedi. Fortepiano partiyasynda – Janar Ahmetova. Konsertti K.Bayseyitova atyndaghy Kameralyq zal jetekshisi Marjan Jәkenova jýrgizedi.

Kópten kýtken qysqy merekeler qarsanynda «Barokko stiylindegi Rojdestvo» vokaldyq-aspaptyq muzyka keshi ótedi. 24 jeltoqsanda teatr solisteri Tatiyana Visinskaya, Ásem Sembina, Gýldana Aldadosova, Álihan Zeynolla, shaqyrylghan solist әri joba avtory Batyrjan Smaqov, sonday-aq Qazaq últtyq óner uniyversiyteti Hor kapellasynyng kameralyq qúramy (hormeyster – Marina Buhvalova) jәne Anima di Barocco ishekti aspaptar ansambli (kórkemdik jetekshisi – Qazaqstannyng enbek sinirgen qayratkeri Raisa Músaqojaeva) sahnagha shyghady. Fortepiano partiyasy – teatrdyng muzykalyq kenesshisi, Qazaqstannyng enbek sinirgen qayratkeri Raushan Beskembirova.

27 jeltoqsanda diriyjer Qazaqstannyng enbek sinirgen qayratkeri Aydar Ábjahanovtyng basqaruymen «Astana Opera» Kameralyq orkestrining oryndauyndaghy muzykalyq kesh ótedi.

Jana jyl qarsanyndaghy óner kórsetuler tizbegin 29 jeltoqsanda «Jana jyldyq konfetti» merekelik baghdarlamasymen teatrdyng balet studiyasynyng jas әrtisteri jalghaydy. Konsert rejisseri – balalar balet studiyasynyng jetekshisi, Qazaqstannyng enbek sinirgen qayratkeri Ghaliya Bóribaeva, tәlimger ústaz – Bostan Qojabekov.

Abai.kz