Almatyda XVII Halyqaralyq «Euraziya» kinofestivalining saltanatty ashyluy ótti. Is-sharagha oray Qazaqstan Preziydenti Qasym-Jomart Toqaev arnayy qúttyqtau hatyn joldady.

Memleket basshysynyng qúttyqtauyn QR Mәdeniyet jәne aqparat ministri Aida Balaeva oqyp berdi.

«Búl – tól mәdeniyetimizdi kýlli әlemge tanytatyn biregey joba. Biylghy bayqau qazaq kinosynyng koriyfeyi Shәken Aymanovtyng tughanyna 110 jyl jәne «Qazaqfilim» kinostudiyasynyng qúrylghanyna 90 jyl toluymen túspa-tús kelip otyr. Múnyng simvoldyq mәni zor. Kino óneri júrtshylyqty jasampazdyq pen janashyldyqqa shaqyrady, jalpy adamzatqa ortaq qúndylyqtardy dәriptep, últ sapasyn jaqsartugha yqpal etedi. Sonday-aq týrli halyqtyng mәdeny baylanysyn nyghaytady», – delingen qúttyqtau hatta.

Memleket basshysy elimizde últtyq kiynematografiyany qoldaugha basa mәn berilip otyrghanyn da atap ótti.

«Osy salany damytu ýshin Qazaqstanda auqymdy júmys atqarylyp jatyr. Mamandarymyz mazmúndy әri maghynaly kartinalar týsirip, agha buynnyng sara jolyn layyqty jalghastyryp keledi. Filimderimiz bedeldi bayqaularda jýlde alyp jýr. «Euraziya» halyqaralyq kinofestivali shyn jýirikterdi anyqtap, eng ýzdik jobalargha jol ashady dep senemin. Kórermenge oy salyp, ruhany azyq bolatyn tuyndylarynyz kóp bolsyn!» – dedi Preziydent.

Óz kezeginde Aida Balaeva «Euraziya» kinofestivalining Qazaqstan men býkil Ortalyq Aziyanyng mәdeny brendine ainalghan biregey forum ekenin atap ótip, otandyq kino salasyn jýieli týrde damytu, zannamalyq bazany odan әri jetildiru boyynsha júmystar jalghasatynyn aitty.

Halyqaralyq «Euraziya» kinofestivali 24-30 qarasha aralyghynda ótedi. Festivalige 15-ten astam el qatysyp jatyr.

Auqymdy sharany QR Mәdeniyet jәne aqparat ministrligi men Shәken Aymanov atyndaghy «Qazaqfilim» últtyq kinostudiyasy úiymdastyrghan.

Ayta keteyik, biyl konkurs baghdarlamasynda ýsh qúrlyqtan kelgen 12 filim úsynylady.

Konkurs Bangladesh pen Ontýstik Koreyadan bastap, Avstriya men Katargha deyingi elderding tuyndylaryn qamtidy. Europa, Aziya jәne Tayau Shyghystan kelgen shygharmashylyq toptar әmbebap taqyryptar men jergilikti kontekstti biriktiretin júmystardy úsynbaq.

Abai.kz