Býgin Orys әskerining Ukrainagha basyp kirgenine 3 jyl toldy. Orys biyligi "NATO-gha kirmek boldy" dep aiyptaghan Ukrainadan bólek, ózge de kenes qúramynda bolghan respublikalarmen arada bolghan shetin oqighalarda óktemdigin qoyar emes. Ol óz kezeginde Reseyden tys jerlerdegi orys ókilderine jel berip túrghan siyaqty. Sony sezgendikten be Ázerbayjan men Moldava óz aumaghyndaghy "Orys ýiin" japty.

Naqtylap aitqanda Ázerbayjan úshaq apatyna baylanysty orys taraby jauapkershilikti aludan bas tartqany ýshin, Moldova óz terrotoriyasyna orys drony qúlaghanyna jauap retinde joghardaghyday sheshim shygharghanyn jetkizdi.

Aq ýige qayta oralghan Tramptyng Zelenskiyge shýiligip, soghystyng jauapkershiligin oghan artpaq bolghan essiz әreketi, Putindi әlemdik qauymdastyqqa qayta tartu talpynystary - Resey men odan tys elderdegi orys qauymdastyqtaryna qayta bas kóteruge shabyt berip otyrghanday...

"TAUEKEL" (Teriskey bizge amanat) qoghamdyq úiymynyng jetekshisi Burahan Daqanov býgin әleumettik jelidegi paraqshasynda bylay dep dabyl qaqty:

"Tramptyng әngimelerinen keyin kórshi elding ókilderi esin jinay bastady. Tipti ashyq iydealogiyalyq shabuyldargha shygha bastady desek te bolady. Mysaly, ózin soltýstik qazaghy dep ataytyn Aslan degen bireu bar. Ony birәziniz biletin shygharsyzdar. Sol kesheleri Mәskeude ótken ruskiy obshinanyng jinalysyna qatysty. Jinalys anau-mynau emes, Kremliding ózinde ótken. Sol jinalysta ol, qúrmetti qonaq retinde qabyldanyp, obshina basshylyghynyng aldynda ózining qany - Qazaq, ru - Arghyn bolsa da jany orys ekenin jetkizip, obshina basshylyghyna, Qazaqstanda rusofobtardyn kóbeyip ketkeni jayly aityp, ózin solargha qarsy soghysyp jýrgen qaharman qylyp kórsetti. Onyng yutub kanalyn qarasanyzdar, basty jaularynyng biri men ekenmin. Yaghni, Soltýstikke adam kóshirip, osyndaghy qazaqy iydealogiyanyng damuyna, ósip-ónuine sep bolyp jýrgen isterimdi Kremlige jetkizip, tolyq mәlimet berip ketti degen sóz.

Jalpy, kórshi elding qamyna júmys jasaytyn múnday adamdar az emes. Mening týsinbeytinim, osynday adamdardy bizding qúqyq qorghau ókilderi nege qúryqtamaydy? Nege jazalamaydy?

Eger múndaylardy der kezinde toqtatyp otyrmasa ýlken iydealogiyalyq kýshke ainalyp ketedi. Aynalyp jatyr da", - dey kele:

"Qily-qily zaman tudy. Dәl qazirgi sәtte el bolashaghyn oilap qam qyluymyz kerek. Etek-jenimizdi qymtap, shekaralas jerlerdegi memleket qúraushy últtyng ýlesi, iydealogiya mәselesine basa nazar audaru kerek", - dep oryndy úsynys aitty.

Últy qazaq Aslan degenning Kremli de, "Orys qauymdastyghy" basshylarynyng aldynda "elimizde rusofobiya kóbeydi" dep mýlәiimsip, kómek súraghanday, sýiek dәmetkendey qylymsyghany ras bolsa, jetisken ekenbiz. Songhy jyldary elimiz Ýkimetining ishki jәne syrtqy kóshi-qondy soltýstik oblystargha baghyttaghany belgili. Qazaghy az ónirlerge shetten kelgen qandastar men ontýstik pen shyghystyng yntaly túrghyndarynyng kóptep baryp jatqany shyndyq. Búl qúbylysqa quanudyng ornyna ózge elding ókildikterine baryp keri maghynada týsindiru - Qazaqstan biyligining sheshimderine, strategiyalyq josparlaryna ashyq qarsy shyghu dep baghalanu kerek. Burahan dabyl qaqqanday múnday el ishine iritki salushylardyng әreketine zang jýzinde qatang shara qoldanu kerek. Kóz júma qaraudyng arty auyr zardapqa úshyratary sózsiz.

Abai.kz