«Aq jol» shalghaydaghy ónerkәsip nysandarynda qauipsizdikti qamtamasyz etu ýshin Starlink-ti paydalanugha rúqsat berudi talap etedi.

«Aq jol» fraksiyasynyng deputattyq saualy Qazaqstan Respublikasy Premier-Ministrining birinshi orynbasary Roman Sklyardyng atyna joldanghan.

2025 jyldyng 20 aqpanynda Memleket basshysy Q.Toqaev «Qazaqmys» korporasiyasynyng ken orynynda bolghan qayghyly oqighagha baylanysty Ýkimetke óndiristegi qauipsizdikti qamtamasyz etu boyynsha naqty sharalar qabyldaudy tapsyrdy, onyng ishinde:

- Ónerkәsiptik nysandarda zamanauy qauipsizdik jýielerin, sonyng ishinde gaz dabyldaryn, seysmikalyq datchikterdi, pozisiyalau jýielerin jәne t.b. әzirleu jәne engizu;
- avtomattandyrylghan boljau jәne eskertu jýielerin engizu bóliginde obektilerde sifrlandyrudy qamtamasyz etu;
- Ónerkәsiptik qauipsizdikting zamanauy jýielerine investisiya kólemin arttyrudy qamtamasyz etu.

«Aq jol» dempartiyasy shalghay jәne jetuge qiyn jerlerde ornalasqan ónerkәsiptik nysandar, mysaly, kenishter, bayytu fabrikalary jәne t.b. ýshin preziydentting búl tapsyrmalarynyng ómirlik manyzy bar dep esepteydi. «Aq jol» dempartiyasyna jýgingen otandyq aqparattyq tehnologiyalar salasyndaghy kompaniyalardyng aituynsha, olar tau-ken kompaniyalaryna óz kenishterinde gaz analizatorlary, seysmikalyq datchikter, baylanys jýieleri siyaqty sifrlyq qauipsizdik jýielerin ornatudy birneshe ret úsynghan. Alayda, kәsiporyndardyng búl úsynystargha qyzyghushylyq tanytqanyna qaramastan, atalghan ónerkәsip nysandary ornalasqan shalghay audandarda internet jelisining bolmauyna baylanysty búl bastamalardyng jýzege asyryluy mýmkin bolmay qaldy.

Osyghan baylanysty, 2024 jyldyng qarashasynda biznes osy aumaqty sifrlyq baylanyspen qamtu ýshin Starlink jelisin paydalanugha rúqsat beru turaly ótinishpen Sifrlandyru ministrligine ótinish joldaghan bolatyn (kóshirme qosa berilgen). Alayda ministrlik búl ótinishti elemedi.

Al, búl mәsele sheshilmese, Memleket basshysynyng tapsyrmalary tiyisti dengeyde oryndalmay qaluy mýmkin ekeni anyq.
«Aq jol» dempartiyasy 2021, 2022 jәne 2023 jyldardaghy deputattyq saualdarynda Starlink jýiesin shalghay eldi mekenderde ornatugha rúqsat beru qajettiligi turaly mәseleni jýieli týrde kótergenin eske salamyz (18.11.2021 j. DS-326, 30.09.2021 j., DS-274, 01.12.2023 j. DS-456).
Alayda Aqparat ministrligi búl bastamagha tabandylyqpen qarsy shyqty. Bizding birneshe ret talap etkenimizden keyin ghana Starlink-ti, jәne tek auyldyq mektepter ýshin paydalanugha rúqsat berildi.

Shalghaydaghy ónerkәsiptik nysandarda, jol apat bolghan jaghdayda kólik joldarynda, jayylymdyq mal sharuashylyghynda jәne adam ómirine qauip tóndiretin basqa da jaghdaylarda ónerkәsiptik qauipsizdikti qamtamasyz etu ýshin osynday shekteulerdi alyp tastau kerek dep esepteymiz.

Osyghan baylanysty «Aq jol» deputattyq fraksiyasy úsynady:
1. Shalghaydaghy ónerkәsip nysandarynda sputniktik tehnologiyalar arqyly internetke qol jetkizudi engizuge qatysty retteu sayasatyn qarastyru.
2. Dәstýrli baylanys infraqúrylymymen qamtylmaghan aumaqtarda ornalasqan kenishter men ken oryndarynda sputniktik internetke qoljetimdilikti qamtamasyz etu.
3. Tau-ken óndiru salasynyng kәsiporyndary, jol qyzmetteri, jayylymdyq mal sharuashylyghy jәne t.b. ýshin zamanauy sputniktik jýielerdi paydalanugha rúqsat alu rәsimderin jenildetu.
4. Osy tehnologiyanyng tiyimdiligin baghalau ýshin qashyqtaghy óndiristik nysandardy Starlink jýiesine qosu boyynsha pilottyq jobalardy iske qosu.

Abai.kz