Almaty qalasyndaghy Dostyq ýiinde Jenisting 80 jyldyghyna arnalghan is-sharalar ayasynda «Jenisting esteligi: úrpaqtar men halyqtar birligi» atty Qazaqstan-Resey konferensiyasy ótti.

Konferensiya júmysyna QR Preziydenti Ákimshiligining Ishki sayasat bólimining mengerushisi Abzal Nýkenov, QR Mәdeniyet jәne aqparat ministri Aida Balaeva, Resey Federasiyasy Preziydentining shet eldermen aimaqaralyq jәne mәdeny baylanystar jónindegi basqarmasy basshysynyng orynbasary Anton Rybakov, Resey Federasiyasynyng Jastar isi jónindegi federaldyq agenttigi basshysy Grigoriy Gurov, eki elding ghalymdary men sarapshylary, sonday-aq belsendi jastar qatysty.

Suret: Qazaqstan Respublikasynyng Mәdeniyet jәne aqparat ministrliginen alyndy.

Konferensiya mereytoylyq datagha arnalghan Qazaqstan men Reseyding birlesken is-sharalarynyng bastauy boldy.

Jiynda Aida Balaeva qatysushylardy kele jatqan Jenis kýnimen qúttyqtap, Memleket basshysynyng jyly lebizin jetkizdi. Sonday-aq, Preziydent Qasym-Jomart Toqaevtyng sózin keltirdi.

«Qazaqstan adamzattyng ortaq jenisine, jer betinde әdildik pen bostandyqtyng saltanat qúruyna ólsheusiz ýles qosty. Agha buynnyng ekinshi dýniyejýzilik soghys kezindegi erligi men enbegi óskeleng úrpaq ýshin qaysarlyqtyn, janqiyarlyqtyng jәne otanshyldyqtyng ozyq ýlgisi bolyp qalatyny sózsiz. Býginde biz últymyzdyng qaharman úl-qyzdarynyng arqasynda alansyz enbek etip, úrpaq ósirip, jarqyn bolashaqqa qadam basyp kelemiz. Sol ýshin olargha mәngi qaryzdarmyz. Eshkim de eshqashan úmytylmaydy!» – degen edi Preziydent.

Suret: Qazaqstan Respublikasynyng Mәdeniyet jәne aqparat ministrliginen alyndy.

Aida Balaeva qazaqstandyqtardyng Jeniske qosqan ýlesine keninen toqtalyp, soghysqa respublikadaghy әrbir besinshisi túrghyn qatysqanyn aitty.

Áliya Moldaghúlova, Mәnshýk Mәmetova, Talghat Biygeldinov, Bauyrjan Momyshúly, Qasym Qaysenov, Leonid Beda, Rahymjan Qoshqarbaev, Saghadat Núrmaghambetov, Sergey Luganskiy esimderi Jenis tarihyna altyn әriptermen jazyldy. Kenes Odaghynyng Batyry ataghyna 528 adam ie boldy.

Úly Otan soghysy jyldarynda qazaqstandyq jauyngerler partizan qozghalystaryna qatysty. Qazaqstan tylda da eren erlik kórsetti.

Úly Otan soghysy qazaq mәdeniyetining damuyna da serpin berdi, onyng quaty halyqty júmyldyru men kenes jauyngerining ruhyn kóteruge baghyttaldy.

Suret: Qazaqstan Respublikasynyng Mәdeniyet jәne aqparat ministrliginen alyndy.

«Jenis jolynda barlyghy – bolat qúnshydan bastap esepshige deyin, etikshiden múghalimge deyin ýlken-kishi týgel talmay enbek etti. Mәdeniyet salasy da erekshe ról atqardy. Soghys auyrtpalyghy men tapshylyghy kezinde ónerge oryn joqtay kórinui mýmkin ed». Biraq olay bolmady! Memleket tek qoldap qoymay, mәdeniyetti halyq arasyna taratudy maqsatty týrde jýrgizdi, onyng passionarlyq quatyn Úly Jeniske jeteleytin qúral retinde sheber paydalandy», – dedi Aida Balaeva.

Keyinirek eseptelgendey, soghys jyldary qazaqstandyq konserttik úiymdar maydanda, maydan shebinde, gospitaliderde 36 525 ret óner kórsetken. Búl kezde respublikagha evakuasiyalanghan kinostudiyalardyng bazasynda otandyq kiynematografiya damyp jatty. Osy jyldary qalyptasqan qazaqstandyq mamandar keyin qazaq kinosynyng negizin qalady.

«Ayta keterligi, 1943 jyly «Qazaqfilim» kinostudiyasynda rejisser Efim Aronnyng «Belaya roza» filimi týsirildi, onda jaraly ofiyserding rólin Shәken Aymanov somdady. Býginde «Qazaqfilim» osy anyzgha ainalghan akter әri rejisser esimin iyelenip otyr. Resey men Qazaqstan kiynematografisterining shygharmashylyq proseske birigip júmys isteui últtyq kinoindustriyamyzdyng negizin qalady», – dep atap ótti A. Balaeva.

Ol jyldary tek kiynematografiyada ghana emes, basqa salalarda da kóptegen tuyndylar dýniyege keldi. Soghys poeziyasynyng jauhary – qazaq aqyny Jambyldyng qorshaudaghy Leningradqa arnaghan haty – «Leningradtyq órenim!» atty óleni.

Otandastarymyzdyng erligi qazaq mәdeniyet qayratkerlerine shabyt berdi. Dәl osy soghys jyldary, 1944 jyly kompozitorlar Múqan Tólebaev, Evgeniy Brusilovskiy jәne Latif Hamidy Qazaq KSR-ining alghashqy Memlekettik gimnin jazdy. Sonymen qatar, soghys jyldary qazaqtyng dәstýrli foliklorlyq janry – aitys qayta janghyrdy.

Konferensiya baghdarlamasy «Jenisting esteligi: úrpaqtar men mәdeniyetter arasyndaghy kópir», «Jenis esteligin saqtaugha arnalghan jastar qozghalystary» jәne «Ortaq tarihty nyghaytugha baghyttalghan zamanauy jobalar» ýsh panelidik sessiyadan túrdy.

Mereytoy qarsanynda taraptar aksiyalar, forumdar, mәdeny sharalar sekildi birqatar birlesken jobalardy josparlap otyr.

Konferensiya ayasynda 2025 jylgha arnalghan Qazaqstan-Resey gumanitarlyq yntymaqtastyghy salasyndaghy is-sharalar josparyna qol qoyyldy.

QR Mәdeniyet jәne aqparat ministrligining baspasóz qyzmeti

Abai.kz