«Aqorda» reziydensiyasynda Qazaqstangha resmy saparmen kelgen Abu Dabiyding Taq múrageri sheyh Haled ben Múhammed ben Zaid Ál Nahayandy saltanatty qarsy alu rәsimi ótti.

Qasym-Jomart Toqaev pen sheyh Haled ben Múhammed ben Zaid Ál Nahayan bir-birine delegasiya mýshelerin tanystyrdy. Qúrmet qarauylynyng bastyghy raport bergen song Qazaqstan men Birikken Arab Ámirlikterining memlekettik әnúrandary shyrqaldy.

Memleket basshysy Abu Dabiyding Taq múrageri Haled ben Múhammed Ál Nahayanmen kelissóz jýrgizdi.

Qasym-Jomart Toqaev mәrtebeli meymangha iltipat bildirip, onyng búl sapary Qazaqstan men Birikken Arab Ámirlikteri arasyndaghy yntymaqtastyqqa tyng serpin beretinine nazar audardy.

Preziydentting aituynsha, Ámirlikter – elimizding eng basty seriktesterining biri. Qos memleketting maqsat-mýddeleri bir-birimen sәikes keledi. 2023 jyly eki el ýkimetteri Strategiyalyq investisiyalyq jobalardy jýzege asyru turaly birlesken deklarasiyagha qol qoydy.

Kezdesude Birikken Arab Ámirlikterining Qazaqstan ekonomikasyndaghy eng iri sheteldik investorlardyng ondyghyna kiretini jóninde aityldy. Byltyr BAÁ-nyng elimizge qúighan investisiya kólemi eki esege artyp, rekordtyq kórsetkishke jetti.

Memleket basshysy atalghan sapar ayasynda qúny 5 milliard dollardy qúraytyn 20-dan astam kommersiyalyq kelisimge qol qoyylatynyn qúptady. Olardy jýzege asyru elder arasyndaghy strategiyalyq yntymaqtastyqty aitarlyqtay ilgeriletip, ózara tiyimdi baylanystardy nyghaytugha septigin tiygizedi.

Abu Dabiyding Taq múrageri kórsetilgen qonaqjaylyq ýshin rizashylyghyn bildirdi. Sonymen qatar tabighaty kórkem, halqy jaysang elimizge erekshe quanyshpen keletinin jetkizdi.

Haled ben Múhammed Ál Nahayan Qazaqstan men BAÁ arasyndaghy qarym-qatynas ózara senim, qoldau jәne ortaq iygilikke birge úmtylu qaghidattaryna qúrylghanyn atap ótti. Búl baylanystar sauda-investisiyalyq yqpaldastyq shenberinen shyghyp, energetika, kólik salalarynan bastap sifrlyq infraqúrylym men bilim beru isine deyin jalghasyp jatqan keng auqymdy baghyttardy qamtitynyna toqtaldy.

Taq múragerining aituynsha, býgin qol qoyylatyn kelisimder eki elding bolashaqta da birlesip júmys isteuge beyil ekenin dәleldeydi.

Memleket basshysy Qasym-Jomart Toqaev pen Abu Dabiyding Taq múrageri sheyh Haled ben Múhammed ben Zaid Ál Nahayannyng kelissózderi ayaqtalghannan keyin ekijaqty qújattar almasu rәsimi ótti:

1. Qazaqstan Respublikasy Kólik ministrligi men Birikken Arab Ámirlikteri Energetika jәne infraqúrylym ministrligi arasynda avtokólik salasyndaghy yntymaqtastyq turaly memorandum;

2. Qazaqstan Respublikasy Ádilet ministrligi men Birikken Arab Ámirlikteri Ádilet ministrligi arasyndaghy yntymaqtastyq turaly memorandum;

3. «Samúryq-Qazyna» últtyq әl-auqat qory» AQ men Masdar kompaniyasy arasynda Qazaqstan Respublikasynda 2 myng MVt-qa deyin quat saqtau jýiesi jәne 500 MVt-qa deyin tәuliktik energiyamen qamtu jobalaryn әzirleu boyynsha yntymaqtastyq turaly kelisim;

4. «Samúryq-Qazyna» últtyq әl-auqat qory» AQ men AIQ arasynda Qazaqstan Respublikasynyng múnay-gaz salasyn sifrlyq transformasiyalau boyynsha strategiyalyq yntymaqtastyq turaly kelisim;

5. «Samúryq-Qazyna» últtyq әl-auqat qory» AQ men Abu Dhabi Commercial Bank arasynda ózara týsinistik jәne yntymaqtastyq turaly memorandum;

6. Qazaqstan Respublikasy Sifrlyq damu, innovasiyalar jәne aerogharysh ónerkәsibi ministrligi men Presight kompaniyasy arasynda Qazaqstan Respublikasynda superkompiuter klasterin qúru jónindegi kelisim;

7. «QazMúnayGaz» ÚK» AQ men Abu Dhabi Ports Group arasyndaghy sauda flotyn keneytu boyynsha yntymaqtastyqty damytugha qatysty hattama;

8. «QazaqGaz» ÚK» AQ men AIQ arasynda múnay-gaz salasyn sifrlandyru baghytyndaghy yqpaldastyq mәseleleri boyynsha strategiyalyq yntymaqtastyq jónindegi kelisim;

9. Týrkistan oblysy әkimdigi men Abu Daby damu qory arasynda Týrkistan qalasynda sheyh Múhammed ben Zaid Ál Nahayan atyndaghy perzenthana qúrylysyn salu jәne qarjylandyrugha qatysty ózara týsinistik turaly memorandum;

10. Qazaqstan Respublikasy Kólik ministrligi men Terminals Astana Airport Limited arasynda Astana qalasynyng Núrsúltan Nazarbaev halyqaralyq әuejayy men oghan irgeles aumaqty damytugha investisiya salu turaly kelisim.

Búdan bólek, qújat almasu rәsiminde Qazaqstan Respublikasy Ýkimeti men Birikken Arab Ámirlikteri Ýkimeti arasynda jel elektr stansiyasy jobasyn iske asyru turaly kelisimning ratifikasiyalanghany turaly habarlandy.

Abai.kz