Qazaqstan 2,4 milliard dollarlyq ýsh stansa jobasyna Ontýstik Koreya men Qytay seriktesterin tartudy qarastyruda.

Qazaqstan ýsh jana jylu elektr stansasyn salu jobasynda Reseydi Ontýstik Koreya men Qytay kompaniyalarymen almastyruy mýmkin, dep habarlaydy birqatar sheteldik BAQ.

Reseylik «Interfaks» agenttigi 9 shildede «Qazaqstanda ýsh jylu elektr stansasyn salu jobasyna Ontýstik Koreya men Qytay kompaniyalary qatysuy mýmkin, búl baghytta barlyq yqtimal merdigerlermen kelissózder jýrip jatyr» dep habarlady.

Agenttik Qazaqstan Energetika viyse-ministri Baqytjan Iliyastyng sózine silteme jasay otyryp: «Kelissózder “Samúryq-Energo” arqyly jýrgizilude, jәne qorshaghan orta talaptary men zamanauy energiya ýnemdeu standarttaryna say keletin basqa da әleuetti әzirleushilermen baylanys ornatylghan» dedi.

Habarlamada «kandidattar qatarynda Ontýstik Koreya men Qytaydyng energetikalyq kompaniyalary bar jәne birneshe núsqa qarastyryluda» delingen.

Búghan deyin, sәuir aiynda, Qazaqstan ýkimeti Semey (360 MVt), Óskemen (360 MVt) jәne Kókshetau (240 MVt) qalalarynda ýsh jana jylu elektr stansasyn salu josparyn jariyalaghan bolatyn. Jobanyng jalpy qúny — 2,4 milliard dollar (shamamen 3,29 trln von). Alghashqyda búl jobany Reseyding memlekettik «Inter RAO» kompaniyasy iske asyrady dep josparlanghan edi, Kremli jobagha qarjylyq qoldau kórsetuge uәde bergen bolatyn.

Alayda, Resey tarapynan jobagha qajetti jabdyqty eksporttaugha qatysty qarjylandyru mәseleleri tuyndaghan son, Qazaqstan ýkimeti Ontýstik Koreya men Qytaydan balama seriktesterdi qarastyra bastady.

Mamyr aiynda Qazaqstan Premier-ministrining orynbasary Roman Sklyar: «Jylu elektr stansalaryn salu men iske qosugha qajetti jabdyqty qarjylandyruda Resey tarapynan qiyndyqtar boldy», — dep mәlimdep, «Qazaqstan jana investorlardy tartugha niyetti» ekenin aitqan edi.

Qazir Qazaqstandaghy elektr energiyasynyng 80%-y jylu elektr stansalarynan óndiriledi. Alayda osy nysandardyng jartysynan kóbi 30 jyldan astam uaqyt búryn salynghan, búl el energetikasynyng janartudy asa qajet etetinin kórsetedi.

Sarapshylardyng pikirinshe, Qazaqstan ýkimeti búl jobalardy uaqytyly ayaqtaugha niyetti bolyp otyrghandyqtan, Ontýstik Koreya men Qytay ýshin búl jaqsy mýmkindik boluy mýmkin.

Ontýstik Koreyanyng Doosan Enerbility kompaniyasy alghashqy ýmitker retinde qarastyryluda. Atalghan kompaniya 2020 jyly Qarabatandaghy birikken sikldi elektr stansasyn sәtti ayaqtaghan, sonday-aq byltyr Shymkentte úqsas stansany salugha 1,15 trln vondyq kelisimshartqa qol qoyghan bolatyn.

Biyl mausym aiynda Doosan kompaniyasy Qazaqstannyng memlekettik «Samúryq-Qazyna» (qarjy) jәne «Samúryq-Energo» (energetika) qúrylymdarymen eski eki stansanyng jәne jana ýsh stansanyng ekologiyalyq jýielerin jetkizu jóninde Ózara týsinistik turaly memorandumgha (MoU) qol qoydy.

Abai.kz