Tailand pen Kambodja bes kýnge sozylghan qaruly qaqtyghystan keyin shúghyl jәne sózsiz atysty toqtatu turaly kelisimge keldi. Qaqtyghys saldarynan keminde 33 adam qaza tauyp, on myndaghan adam baspanasyn tastap ketuge mәjbýr boldy.

Malayziya premier-ministri Anvar Ibragim atysty toqtatu – "beybitshilik pen qauipsizdikti qalpyna keltiruge baghyttalghan manyzdy alghashqy qadam" ekenin mәlimdedi. Onyng aituynsha, atys júma kýni týn ortasynda toqtatylady.

Búghan deyin Tailand deldaldyq úsynysty qabyldamaghan edi. Alayda AQSh preziydenti Donalid Tramp eki elge sauda tarifteri boyynsha kelissózder tek soghys toqtaghannan keyin bastalady dep mәlimdegennen keyin taraptar kelisimge keldi.

Qaqtyghysqa eki el arasyndaghy ejelgi shekara dauy sebep boldy. Mamyrda kambodjalyq sarbazdyng qaza tabuynan keyin jaghday ushyghyp, eki tarap bir-birine ekonomikalyq shekteuler engizip, shekaralyq ótkizu beketterin japty.

Songhy aptada tailandtyq sarbaz mina jarylysynan ayaghynan aiyrylyp, jaghday kýrt shiyelenisken. Qos tarap ózara atysqa kinәni bir-birine artyp otyr.

Tailand tarapynyng mәlimetinshe, eldi mekenderge jasalghan shabuyldar saldarynan beybit túrghyndar qaza tapqan. Kambodja da 13 adamnyn, onyng ishinde 8 beybit túrghynnyng qaza tapqanyn habarlady.

BÚÚ men ASEAN (Ontýstik-Shyghys Aziya memleketteri qauymdastyghy) ókilderi kelisimdi baqylap, eki el әskery kýshterin shekaradan shegindiru turaly kelissózder jýrgizuge kirisken. Sonymen qatar beytarap baqylaushylardy tartu úsynyldy.

Tailand biyligi Kambodja tarapynan shynayy niyet bayqalmayynsha atysty toqtatu mýmkin emes degen ústanymda boldy. Olar zymyrandyq shabuyldar saldarynan 14 beybit túrghyn qaza tapqanyn algha tartqan.

140 myngha juyq taylyq azamat evakuasiyalanghan. Kambodja da 135 myng túrghyndy shekara boyynan qauipsiz aimaqtargha kóshirgen.

Mamandardyng aituynsha, eki el armiyasy arasyndaghy tereng senimsizdik pen últshyldyq kónil-kýy jaghdaydy kýrdelendirip otyr. Qaqtyghys ushyqqan kezde tipti reaktivtik zymyran jýieleri qoldanylyp, beybit halyq arasynda shyghyn kóp bolghan.

Eske salsaq, Kambodja Birikken Últtar Úiymynyng Qauipsizdik Kenesining jabyq otyrysynda Tailandpen aradaghy qaruly qaqtyghysty dereu toqtatugha ýndedi. Tailand pen Kambodja arasyndaghy qaqtyghys kurorttyq aimaqtargha jaqyndaghany jayly da jazdyq.