Enkeymey, әlem aldynda ensesin tik ústap, erkin sóilese aluy ýshin ózimizge jana talaptar jýkteu qajettigin boljaghan kezendemiz. Ásirese, sifrly dәuirding syiqyrly tilin, dili men syryn mengeruding ózektiligi algha ozdy.

Preziydentimiz aldaghy 3 jyl ishinde Qazaqstan tolyqtay sifrly elge ainaluy tiyis degen naqty tújyrym aitty. Búl әrqaysymyzgha berilgen tapsyrma, jýktelgen mindet dep qabyldauymyz qajet. Sifrly tehnologiyalardy óndirushi jәne ony oza qoldanushy memleketter qataryna qosylugha quatty qadam jasaldy. Búl – tútynushylyq mentaliytetten arylyp, jasampazdyqqa úmtyldyratyn óte manyzdy iydeologiya. Jasandy Intellekt ministrligi qúrylyp, jedel iske kirisse, elimiz sifrly jolmen damudyng onay deytindey de emes, bilimpaz ýshin qiyn da emes damu jolyna týsedi. Desek te, últtyq jasandy intellekt dәuiri jana talaptar da qoyatyny belgili. Tolyqtay sifrly elge ainalu ýshin latyn grafikasyna kóshu mәselesi ózekti bolayyn dep túrghan siyaqty. Óitkeni latyn grafikasy jahandyq sifrlyq infraqúrylymnyng negizgi grafikalyq bazasyn qúraytyny belgili. Baghdarlamalau tilderining basym bóligi latyn alfaviytine negizdelgen. Osyghan baylanysty, latyn alfaviytin  mengeru – tek alfavit túrghysynan ghana emes, sonymen qatar Qazaqstannyng IT salasynda jahandyq kommunikasiyagha tolyqqandy enuining alghysharttarynyng biri bolady dep oilaymyn. Álemdik sifrly naryqtyng tili, sirә, aghylshynsha. Qazirgi jastardyng jappay aghylshyn tilin ýirenuge degen úmtylysynyng tórkininde sifrly әlemge enu jәne jasandy intellekt tabighatyn iygeruge degen qúshtarlyghy jatyr. Búl quantarlyq jaghday.

Jalpy alghanda býgingi Joldau qoghamymyzgha jana bir serpilis berdi. Ár sala mamandarynyng oi-sanasynda janasha bir kózqarastardyng payda bolghany anyq. Investisiya tartu mәselesi de, bir palataly Parlament mәselesi de, Kaspiy taghdyry turaly oilar da elimizding damuynyng eng manyzdy tetikterine nazar audartty. Keyde dau-damay shygharyp, joq jerden eldi shulatatyn әielder mәselesi de ishki mәdeniyetimizding jútandanyp bara jatqandyghynyng kórinisi retinde ataldy.

Qalay bolghanda da, búl Joldau bizding qoghamnyng damudyng janasha bir tabaldyryghynan attaghaly túrghandyghyn kórsetti.

Onaygýl Túrjan

Abai.kz