2025 jylghy 17 qazanda Qazaqstan Respublikasy Preziydenti janyndaghy Ortalyq ommunikasiyalar qyzmetinde «19 qazan – Qútqarushy kýni!» taqyrybynda baspasóz konferensiyasy ótti. Spiyker bolyp Qazaqstan Respublikasy Tótenshe jaghdaylar ministrining viyse-ministr general-mayor Kegen Túrsynbaev sóz sóiledi.

https://www.gov.kz/

Baspasóz konferensiyasyna TJM qútqarushysy, órt sóndirushisi, sýnguiri, kinology, Apattar medisinasy ortalyghynyng medisina qyzmetkeri men «Qazaviaqútqaru» AQ úshqyshy da qatysty.

Kegen Túrsynbaevtyng habarlauynsha biyl TJM qútqaru qyzmetining 30 jyldyghyn atap ótude, búl qúrylym erlik, óz mindetine adaldyq jәne joghary kәsibiylik simvolyna ainaldy.

Otyz jylda qyzmet aitarlyqtay damyp, jetistikterge jetti. Reformalar men synaqtargha qaramastan, qútqarushylar әrdayym sheshushi sәtterde aldynghy qatarda boldy.

Búl kezende shamamen milliongha juyq zardap shekken adamgha kómek kórsetilip, jarty millionnan astam tótenshe jaghday joyyldy. Iri jәne auqymdy tótenshe jaghdaylar joyyldy, atap aitqanda Qostanay men Abay oblysyndaghy orman órtteri, kómir shahtalaryndaghy tehnogendik apattar, auqymdy su tasqyndary, sonday-aq Ázerbayjandyq úshaq apaty kezinde azamattardy qútqaru.

TJM bólimsheleri halyqaralyq jattyghulargha, gumanitarlyq jәne avariyalyq-qútqaru operasiyalaryna qatysty. Mysaly Týrkiya, Aughanstan jәne Qyrghyzstandaghy órtterdi, jer silkinisterin jәne sel apattaryn joigha qatysty. Shetel memleketterine 49 ret gumanitarlyq kómek kórsetildi.

Býgingi tanda TJM zamanauy kópsalaly qúrylym, oghan órt sóndiru jәne qútqaru bólimsheleri, әskery qyzmetshiler, medisina qyzmetkerleri, aviasiya men teniz qyzmeti, oqu ortalyqtary, ghylymy instituttar, sonday-aq kadrlardy dayarlau ortalyghy Mәlik Ghabdullin atyndaghy Azamattyq qorghau akademiyasy kiredi

Basqaru organdary men jedel qyzmetter aitarlyqtay modernizasiyadan ótti, barlyq dengeyde ózara әrekettesu algoritmderi janartyldy. Búl sharalar apattar men tabighy qaterlerding saldaryn azaytyp, әreket etu tiyimdiligin arttyrdy. Mysaly biyl su basqan eldi mekender sany 95%-gha azaydy.

Sifrlandyru men qauip-qaterlerdi boljaugha ýlken nazar audaryluda. Geoaqparattyq jәne sputniktik jýieler belsendi týrde engizilude, tabighy qaterlerdi taldau ýshin jasandy intellekt qoldanyluda, sonday-aq qauipti aimaqtardyng sifrlyq kartalary әzirlenude.

Ahualdyq taldau ortalyqtary men azamattyq qorghau kýshterin basqarudyng avtomattandyrylghan jýieleri qúryldy. Qúlaqtandyru jýiesindegi sifrlyq transformasiya ayaqtalyp, eskirgen sheshimderding ornyna zamanauy platformalar engizildi.

Ónirlerde satylay basqaru jýiesi qalyptastyrylyp, bytyranqy qúrylymnan Birynghay basqaru prinsiypine kóshu jýzege asyryldy. Reforma shenberinde aumaqtyq bólimshelermen vedomstvolyq baghynysty mekemeler biriktirildi, búl resurstardy ortalyqtandyryp, jergilikti jerlerdegi qyzmetti basqarudy jenildetti. Atalghan qadamdar júmyldyru men jedel әreket etudi arttyrugha jәne azamattyq qorghau salasyndaghy basqaru satysyn kýsheytuge baghyttalghan bolatyn.

Kezen-kezenimen órt sóndirushiler, qútqarushylar men medisina qyzmetkerlerin biriktiretin әmbebap qútqaru keshenderi qúrylyp jatyr. Búl bólimsheler qazir Aqmola, Pavlodar, Qaraghandy, Jambyl oblystarynda júmys istep, keshendi kómek kórsetu tiyimdiligin kórsetip otyr.

Shymkent jәne Aqtóbe qalalarynda tótenshe jaghdaylargha jedel әreket etu ýshin aviajasaqtar qúryldy. Bolashaqta múnday bólimsheler barlyq ónirlerde payda bolady. Búl kómek tek uaqytynda ghana emes, barlyq jerde qoljetimdi boluyn qamtamasyz etuge de baghyttalghan qadam.

Auyldyq okrugterde «Auyl qútqarushylary» vedomstvolyq baghdarlamasy iske asyryluda. Shaghyn auyldardyng myndaghan túrghynyn qorghaytyn 82 jana órt sóndiru punkti ashyldy. Eriktilerge tehnikalyq qoldau kórsetilip, baylanys qúraldary beriledi.

Tótenshe jaghdaylardy joydaghy negizgi rezerv TJM azamattyq qorghanys әskery bólimderi bolyp tabylady. Júmyldyru dayyndyghy men jedeldikti arttyru maqsatynda Almaty, Oral, Óskemen jәne Qostanayda qútqaru bataliondary qúryldy.

Tabighy qauipterge, onyng ishinde qar kóshkini men sel prosesterine monitoring jýrgizu jýiesin damytugha erekshe nazar audaryluda. Alatau taularynda zamanauy gidro-seysmikalyq beketter ornatyldy.

Sonymen qatar Seysmologiyalyq ghylymy baza jetildirilude, onyng jabdyqtary janartylyp, Qazaqstan-Qytay seysmologiya ortalyghyn qúru turaly memorandumgha qol qoyyldy.

Almatyqalasynda jer silkinisi bolghan kezde zardap shekkenderdi qabyldap ornalastyru jәne qútqaru operasiyalaryn ýilestiru ýshin «Alatau» Ontýstik bazasy qúryldy.

Memleket basshysynyng tapsyrmasyna sәikes Ýkimetting qoldauymen songhy eki jylda TJM materialdyq-tehnikalyq bazasy aitarlyqtay nyghaytyldy.

800-den astam birlik tehnika jәne 20 mynnan astam qúraldar men jabdyqtar, alghash ret úshaqtar men basqa da әue kemeleri satyp alynyp, 25 órt sóndiru deposy men qútqaru stansiyalary salyndy.

Byltyrdan beri tez, ýnemdi әri sapaly qaghidatymen obektiler salynyp jatyr. Osynday keshenderding qúrylysy 3,5 aidyng ishinde Astana, Atyrau jәne Semey qalalarynda boy kóterdi.

«Taza Qazaqstan» konsepsiyasyn iske asyru shenberinde barlyq qalalyq jәne audandyq bólimshelerding aumaqtaryn kógaldandyru júmystary jýrgizilip jatyr.

Ergonomika men qorghau standarttaryna say órt sóndirushiler men qútqarushylardyng zamanauy jana nysandy kiyim-keshekteri engizildi.

TJM halyq qauipsizdigi mәdeniyetin qalyptastyrugha ýlken mәn beredi. Árbir adam tótenshe jaghday kezinde әreket etu daghdylaryn bilui tiyis. Búl adamnyng jeke basy men qoghamdyq qauipsizdikting negizi bolyp tabylady.

Sondyqtan elimizde jyl sayyn túrghyndar men úiymdardy qatystyra otyryp 80 mynnan astam oqu-jattyghu ótkiziledi.

Oqu-jattyghulardyng jana formattary engizilude. Tikúshaq tehnikasyn tartu arqyly órt-taktikalyq jattyghular úiymdastyryldy.

Biyl teniz jasaghy Kaspiy tenizindegi múnay tógilu saldaryn joydyng respublikalyq oqu-jattyghuyn alghash ret úiymdastyryp ótkizdi. Búl bólimshe elimizding su aidyndaryndaghy qauipsizdikti jýzege asyruda sheshushi ról atqarady.

Ónerkәsiptik qauipsizdikti qadaghalau mәselesi de airyqsha mәnge iye.

Preziydentting tapsyrmasyna oray kómir kәsiporyndaryna auqymdy reviziya jýrgizilip, ónerkәsiptik qauipsizdik talaptarynyng 2 mynnan astam búzushylyghy anyqtaldy, 60-tan astam obektining júmysy toqtatyldy

2026 jyldan bastap ónerkәsiptik qauipsizdikti baqylaudyng jana jýiesi kýshine enedi (barlyq qauipti óndiristik obektiler bir júmys kýni búryn eskertu arqyly tekseriluge jatady).

Qazirgi zamanghy qauipterdi eskere otyryp, memlekettik materialdyq rezervti tiyimdi әzirleuding jana mehanizmderi engizildi. Ony esepke alu men tolyqtyryp otyru ónirlerding qajettilikterine jәne kez kelgen jaghdayda halyqty jedel qoldaugha baghyttalghan.

Biyl «Azamattyq qorghau turaly» Zangha eleuli ózgerister engizildi. Ónerkәsiptik, órt, seysmikalyq qauipsizdik talaptary men jekelegen qúrylys normalary kýsheytildi. Órtten saqtandyru mehanizmi engizilip jatyr.

Biz qútqarushylardyng әleumettik jaghdayyn jaqsartugha qoldau kórsetemiz.

Preziydentting tapsyrmasy boyynsha Zang shenberinde túrghyn ýy tólemderi, qyzmetkerler men olardyng otbasy mýshelerine kóterme jәrdemaqylar, tótenshe jaghdaylar kezindegi mindetterdi oryndaghany ýshin qosymsha aqylar belgilenip, sauyqtyru-kurorttyq em alu taghayyndaldy. Songhy eki jylda qyzmetkerlerding jalaqysy aitarlyqtay ósti.

«Salauatty últ – myqty Qazaqstan» bastamasy ayasynda qútqarushylar men jas úrpaqty biriktiretin «BATYR TEAM» sport kluby júmys isteydi. Búl klub jastardyng boyynda tózimdilik, tәrtip pen patriotizm sezimin damytady. Jaqynda qyzmetimizding mereytoyyna oray jekpe-jekten әlem chempionaty ótti. Halyqaralyq arenada órt sóndiru-qútqaru sportynan aitarlyqtay jetistikterimiz bar.

Kýn sayyn órt sóndirushiler, qútqarushylar, dәrigerler, kinologtar, sýnguirler, әskery qyzmetshiler, úshqyshtar, ghalymdar, órt sóndiru jәne ónerkәsiptik qauipsizdik inspektorlary men seysmologtardan túratyn 30 myng qyzmetker azamattardyng qauipsizdigin saqtauda adal qyzmet etedi.

Abai.kz