Qazaqstanda jalaqynyng túraqty ósui jalghasuda. Búl el ekonomikasynyng jandanuyn jәne halyqtyng ómir sýru dengeyining jaqsarghanyn kórsetedi, dep habarlaydy ranking.kz.

Qazaqstan Respublikasy Últtyq statistika burosynyng derekteri boyynsha, 2025 jyldyng ekinshi toqsanynda ortasha ailyq atauly jalaqy 448,6 myng tengeni qúrady. Qalalarda - 471 myng tenge, al auyldyq jerlerde - 381,7 myng tenge.

Ótken jyldyng osy kezenimen salystyrghanda jalaqy 11,3%-gha ósken. Al toqsandyq ósim 6%-dy qúrap, naqty (satyp alu qabileti túrghysynan) ósim shamamen 2,4% boldy.

Úzaqmerzimdi dinamikagha nazar audarsaq, songhy bes jylda ortasha ailyq atauly jalaqy eki eseden astam ósken. Búl el ekonomikasyndaghy qúrylymdyq ózgeristerdi - shiykizattyq emes salalardyng damuyn, biznesting sifrlandyryluyn jәne investisiya kólemining artuyn kórsetedi.

Býginde enbek naryghy barghan sayyn qúzyrettilikke baghyttalyp keledi. Tehnologiyalyq daghdylary bar, shetel tilderin mengergen, saraptama jasay otyryp júmys istey alatyn nemese jobalardy basqara biletin mamandar ortasha dengeyden әldeqayda joghary jalaqy alady.

Tipti auyl sharuashylyghy siyaqty dәstýrli salalarda da injenerlerge, sarapshylargha jәne basqa da mamandargha súranys joghary. Mәselen, agrosektordaghy jobalau injeneri aiyna shamamen 2,7 mln tenge tabys tabady. Sarapshylar 850 myng tengeden astam tabys tapsa, injener-qúrastyrushylar 800 myng tengeden bastap jalaqy alady. Al tehniyk-tehnologtar shamamen 757 myng tenge alady.

Kórshiles eldermen salystyrghanda, Qazaqstandaghy jalaqy Ortalyq Aziya boyynsha eng joghary dengeylerding biri bolyp otyr.

Ortasha ailyq kórsetkish (448,6 myng tenge) Ózbekstandaghy dengeyden shamamen 70%-gha joghary jәne Tәjikstanmen salystyrghanda shamamen 2,5 ese kóp.

Enbek naryghy júmyspen qamtu jaghynan da ong dinamika kórsetude.

2025 jyldyng ekinshi toqsanynda júmyssyzdyq dengeyi 4,6%-dy qúrap, el tarihyndaghy eng tómen kórsetkishke jetti. Bir jyl ishinde júmyspen qamtylghandar sany 110,1 myng adamgha artqan, al jastar arasyndaghy júmyssyzdyq 3,1%-gha deyin tómendegen.

Memlekettik júmyspen qamtu sharalarynyng qatarynda subsidiyalanatyn júmys oryndaryn ashu, oqytu jәne qayta dayarlau baghdarlamalary bar.

Abai.kz