Álem elderi su tapshylyghynan zardap shegude. Tayau Shyghys, Afrika men Aziya, Europa aimaqtarynda jekelegen elder qúrghaqshylyq saldarynan ekonomikalyq qiyndyqqa tap bolghanyn aituda. Búl turaly Mezgil.kz aqparattyq portaly jazdy. 

Su tapshylyghynyng sebebi kóp. Demografiyanyng qarqyndy týrde ósui, jýiesiz urbanizasiya, ekonomikalyq ósim saldarynan zauyttardyng sudy kóbirek paydalanuy, su kózderining tómen týsui, jahandyq jylynu saldarynan múzdyqtardyng erui jәne basqa faktorlar su tapshylyghyn úlghaytuda.

Europada su ailaqtarynyng sarqyluy jәne su kózderining tartylu prosesi bayqalady. Ispaniya, Italiyadan bastap Polishagha deyingi aumaqta kóptegen su kózderi qúrghap qalghan. Úlybritaniyada da jaghday mәz emes.

London ghalymdary Watershed Investigations-pen, The Guardian-men birlese otyryp Europadaghy su kózderine saraptama jasady. Sarapshylar 2002-2024 jyldar aralyghyndaghy su kózderining sputniktik týsirilimderin qarap shyqqan. Dәl osy aralyqtaghy Jerding gravitasiyalyq órisindegi ózgeristerdi de zerttegen.

Zertteu nәtiyjesinde jaghdaydyng kýrt ózgergeni bayqaldy. Europanyng soltýstigi men soltýstik-batysynda, әsirese Skandinav aimaghynda, Úlybritaniya men Portugaliyanyng key aimaqtarynda ylghaldylyqtyng artqany bayqalady. Al Europanyng ontýstigi men ontýstik-shyghysynda, sonyng ishinde Úlybritaniyanyng birqatar aimaqtary, Ispaniya, Italiya, Fransiya men Shveysariya, Germaniya, Rumyniya, Ukrainada su kózderi azayyp, qúrghaqshylyq beleng aluda. Sputnik týsirilimderi osyny kórsetude.

Saraptama klimattyq ózgeristerding jay-kýiin anyqtap berdi. Su kózderi kafedrasynyng professory Múhammed Shamsudduhanyng sózinshe, jer astyndaghy jәne jer betindegi su kózderi azayyp jatyr. Ol sayasatkerlerding sheshimderin syngha aldy. Professordyng sózinshe jahandyq jylynu ýdey týsken. Búryn jahandyq temperaturany 1,5°C-qa jylytpau mәselesi túrsa, endi ol 2-ge jaqyndady deydi. Búnyng zardaptary orasan bolatynyn aituda.

Eurokomissiya qazirgi sәtte su resurstaryn tiyimdi paydalanu josparyn әzirleude. Ol boyynsha EO-gha mýshe elder ortaq kodeksti jetildirui tiyis. Sudy paydalanu reglamentteri anyqtalyp, su kózderin ysyrap etpeu әdisteri pysyqtaluy shart.

Sarapshylardyng pikirinshe Europadaghy su kózderining qúbyrdan aghyp ketui 8-57 payyzdy qúraydy. Búl әr memlekette әr týrli. Osyghan baylanysty Europa auqymdy reforma jýrgizip, su tasymaldau qúbyrlaryn, su saqtau qoymalaryn modernizasiyalaudy oilastyruda.

Sarapshylardyng sózinshe, Europadaghy su kózderining sarqyluy EO-gha ýlken soqqy jasaydy. Mysaly Ispaniyadaghy qúrghaqshylyq Úlybritaniyadaghy jemis-jiydekting qymbattauyna әser etedi. Sebebi Ispaniya Úlybritaniyagha jemis-jiydek satatyn basty el sanalady. Búl bir ghana mysal. Jalpy su tapshylyghy azyq-týlik baghasynyng qymbattauyna, auyl sharuashylyq salasyna soqqy jasaydy.

Su tapshylyghy qazirding ózinde әlem elderining birqatar aimaqtaryn әbigerge saluda. Iran eli su tapshylyghyna baylanysty astanasyn auystyrudy oilastyruda. Siriyada eldegi negizgi su kózi bolyp sanalatyn ózender qúrghap jatyr, al Aughanstan 2030 jyly Kabuldy su tapshylyghyna baylanysty evakuasiyalauy mýmkin.

Abai.kz