Kýrkiregen Eragham, kýrsingen Bozymbaev...
Deputat Ermúrat Bapigha ýshinshi hat
Qúrmetti Ermúrat Seytqazyúly!
Taghy da kýndey kýrkirep, «Mәselen, «Damu» jәne basqa da qorlardyng kómegimen salynghan et kombinattary memlekettik tapsyrys bolmaghandyqtan jartylay mýmkindikte ghana júmys istep jatyr. Esesine naryqty Resey men Belarusityng azyq-týligi jaulap alghan. It ólgen, it emes-au, kit ólgen Jana Zelandiyadan sary may tasimyz. Tonazytqyshy joq qazaq qaryngha salyp may óndirgen. Jana Zelandiyadan may tasu degen – pozor ghoy!» dep, Mәjilis tórinen Ýkimet mýshesin súraqtyng astynan aldynyz.
Sizding súraghynyzdy estip, bayqús Qanat Bozymbaev qatty kýrsinip jiberdi.
Bilesiz be, Sizding búl súraghynyzdy estip, jalghyz Qanat Aldabergenúly ghana emes, býkil Ýkimet kórsingen boluy kerek!
Biraq, Qanat Bozymbaev bir keremet sóz aitty.
«Eger bizding otandyq tauar óndirushiler ishki naryqta BÁSEKELESTIKKE say bolsa, ol nege toqtatylady?! Mysaly, sýtke qanshama subsidiya berilip jatyr. Qazir sýt óndeu zauyttaryna Ýkimet tarapynan qanshama kómek kórsetilude. Biraq әli kýnge deyin ishki naryqty 100 payyz qamtamasyz etti dep aita almaymyz...» dedi ol.
Demek, bizding otandyq tauar óndirushiler ishki naryqta BÁSEKELESTIKKE say emes eken.
– Endeshe, bizding sol otandyq tauar óndirushilerdi ishki naryqta BÁSEKELESTIKKE jibermey otyrghan kedergi ne?! Atynyzshy, biz tiyisti zandargha ózgertuler men tolyqtyrular engizip, sol kedergini sheship bereyik!
Siz deputat bolghaly Mәjiliske kelgen Ýkimet basshysynan nemese Ýkimet mýshesinen osy súraqty súrap, oghan osy úsynysty jasaghan bir pende bar ma?!!
Menshe, joq!
Áyteu, qalyng súraqtyng astynan alyp, deputattyq saualdardy joldaudan ary asqan emessizder.
Tóraghanyz Erlan Qoshanovtyng sózimen aitsaq, ol saualdarynyzgha Ýkimet syrghytpa, jalpylama jauaptar beredi, naqty isterdi kórsete almaydy…
Bizding otandyq tauar óndirushilerdi ishki naryqta BÁSEKELESTIKKE jibermey ayaghyn túsap otyrghan basqa emes, Áleumettik-kәsipkerlik korporasiyalar!
Onyng arghy jaghynda «Últtyq kәsipkerler palatasy turaly» zang túr!
Osy ekeuinen qútylmay, Parlament pen Ýkimetting pozor bolghany – bolghan!
Osy eki bәlening kózi joyylmay, Siz ben biz ansaghan, Siz ben biz qoldap kele jatqan JANA QAZAQSTAN eshqashan ornamaydy!!
Qúrmetti Ermúrat Seytqazyúly!
Siz deputat bolyp saylanghanda, qatty quanghandardyng biri – menmin!
Sizding atynyzgha birinshi bolyp hat jazyp, osy qúryp qalghyr Áleumettik-kәsipkerlik korporasiyalardyng kózin joyyp, onyng «Aksionerlik qoghamdar turaly», «Memlekettik mýlik turaly», «Agroónerkәsiptik keshendi jәne auyldyq aumaqtardy damytudy memlekettik retteu turaly» jәne QR basqa zandarymen bekitip alghan qúzyretin nemese qyzmetin auyldyq okrug әkimine beru turaly úsynys jasaghan da men edim ghoy.
Suret: Sayt skriyni.
Mening 2023 jylghy 23 qyrkýiekte joldaghan birinshi hatyma (JT-2023-01715267) «Qúrmetti Múqiybek Auyt! Maghan arnap jazghan hatynyzdy oqydym. Hatta qozghalghan taqyryptyng kópshilikke arnalghan әleumettik-qoghamdyq mәnin eskere otyryp, Sizge jauapty «DAT» gazeti arqyly beremin dep sheshtim.» dep jauap berdiniz.
Kóp kýttim, «DAT» gazeti arqyly jauap bergen joqsyz.
Kelesi jyly qazan aiynda sol ótinishimdi (JT-2024-05497298) Sizge taghy joldadym.
Búl joly Sizden «Qúrmetti Auyt Múqiybek! Qazaqstan Respublikasynyng Parlamentining Mәjilisi Sizding 02.10.2024 jylghy kelgen ótinishinizdi qarap, kelisini habarlaymyn. Búl ótinishte kóterilgen mәseleler turaly ózinizben telefon arqyly sóilesude talqylandy jәne bizder ortaq pikirge keldik dep oilaymyn. Azamattyq bastamalarynyz ben qoghamdyq belsendiliginiz el mýddesine qyzmet qylady degen senimmen Sizge sәttilik tileymin» degen jauap aldym.
Shynymdy aitsam, Sizben telefon arqyly sóilesip, qanday «ortaq pikirge» kelgenim esimde joq.
Shamasy, osy jauapty jazarda Siz Ózinizding deputat ekeninizdi úmytyp, bayaghy «DAT-ta» jýrgen kezinizdegidey sezimde bolsanyz kerek.
Áytpese, Elimizdi túralatyp túrghan eng manyzdy mәselege deputat búlay jauap bermese kerek edi.
Biraq, men Sizding búl jauaptarynyzgha tittey de renjigen emespin!
Biraq, ayday aqyrghan túlghanyz ben deputattyq mandatynyzdy, oylap, «Áttegen-ay!» dep Qanat Bozymbaev qúsap qatty kýrsingenimdi jasyrmaymyn.
Qúrmetti Ermúrat Seytqazyúly!
Jalpy, Siz mening sol Áleumettik-kәsipkerlik korporasiyalar turaly aitqandaryma senbeytin sekildisiz.
Mine, keshe – 02 jeltoqsan kýni QR Joghary auditorlyq palatasy Áleumettik-kәsipkerlik korporasiyalardyng salyp jatqan lanyn jalpaq әlemge jayyp saldy.
Suret: Sayt skriyni.
https://www.gov.kz/memleket/entities/esep/press/news/details/1117102?lang=kk
Palata tóraghasy Álihan Smayylovtyng mәlimetine qaraghanda, qysqartyp aitsaq, 138 mlrd tengege qarjylyq búzushylyqtar; 14,5 mlrd tengening tiyimsiz josparlanghany; 33,6 mlrd tenge budjet qarajaty men aktivterding tiyimsiz paydalanylghany anyqtalypty.
«Ónirlerde ózderi dúrys dep tapqannyng barlyghyn jasap jatyr. Kóp jaghdayda búl tipti Kәsipkerlik kodeksine de qayshy keledi», — dedi Joghary auditorlyq palatanyng Tóraghasy ashugha bulyghyp.
IYә, men Sizge eki jyldyng aldynda aittym ghoy, Áleumettik-kәsipkerlik korporasiyalar Timur Qúlybaev pen Kәrim Mәsimov qúrghan tap-taza JEMQORLYQ SHEMA dep!
Mine, soghan kóziniz endi anyq jetken shyghar dep oilaymyn...
Al, Áleumettik-kәsipkerlik korporasiyalar turaly tipti de terenirek bilginiz kelse, әriptes ininiz Maqsat Tolyqbaydan súrasanyz bolady. Ol Sizge qoyasyn odan ary aqtaryp túryp aityp beredi...
Qúrmetti Ermúrat Seytqazyúly!
Óziniz óte jaqsy bilesiz, men qisynsyz iske aralaspaytyn jigitpin. Qaysy mәseleni kótersem de, onyng sheshu jolyn qosa úsynatyn jaqsy qasiyetim bar. Sosyn, sol mәsele qashan sheshim tapqangha deyin toqtausyz kýresetin jankeshtimin...
Kóshi-qon, qandastargha qatysty týitkildi mәselerding bәri ýnemi men aitqanday bolyp sheshilip keledi;
«Shekara ónirler turaly Zang qabyldau kerek!» dep edim, ol da Preziydentting dengeyinde óz sheshimin tauyp, jýzege asqaly jatyr;
«Auyldyq okrug әkimining qúzyretin taghy da ýsh baghyt boyynsha keneytu kerek!» dep ýsh jyl boyy zarlap edim, keshe ghana Memleket basshysy Qasym-Jomart Toqaevtyng Auyl әkimderining dialog-platformasynda sóilegen sózinde: «Auyl әkimderining ókilettikterin kýsheytu kerek!» dep, tapsyrma berdi...
Suret: Sayt skriyni.
Sol sekildi, tynbay kóterip kele jatqan Áleumettik-kәsipkerlik korporasiyalardyng kózin joyyp, onyng qúzyretin nemese qyzmetin auyldyq okrug әkimine beru jәne «Qazaqstan Respublikasynyng Últtyq kәsipkerler palatasy turaly» zanynyng kýshin joyyp, qoldanystaghy qúqyqtyq aktilerdi ÚKP-nan zalalsyzdandyru turaly úsynystarym da býgin bolmasa, erten; biyl bolsa, kelesi jyly; búl preziydent bolmasa, kelesi preziydentting túsynda jýzege asatynyna bek senimdimin!
Maghan senip qoyynyz, Ýkimet týbi mening osy aitqandarymdy oryndaugha mәjbýr bolady. Ýkimet oryndamasa, halyq oryndatady...
Eger, men kótergen mәseleler sheshilmey jatsa, ol mening osaldyghymnan bolyp jatqan jenilis emes, qolynda mandaty men qúzyreti bar deputattar men atqarushy biylik basshylarynyng jauapsyzdyghynyn, qyrsyzdyghynyng kesirinen bolyp jatqan kemshilik dep bilgen dúrys!
Al, Sizge kelsek, Siz Parlamentte bes jyl deputat bolyp otyrghanda, Timur Qúlybaev bir tal qylshyghy qisaymaghan kýii ketse, pozordyng naghyz kókesi sol bolghaly túr!
Shynymdy aitsam, men búl eki mәselening Qasekeng preziydent bolyp túrghanda Siz deputaty bolyp otyrghan shaqyrylymnyng yqpalymen sheshilgenin qalaymyn!
Al, ony sheshu Sizderding – Mәjilisting qolynda túr...
«Eshten kesh jaqsy!» deydi qazaq!
Áli de kesh emes, Eragha, búl mәselege kirisiniz!
Eng qúryghanda basyn bastap ketiniz...
Auyt Múqiybek
Abai.kz
