«AMANAT» partiyasy fraksiyasynyng mýshesi Ábutәlip Mýtәlining Premier-Ministrding orynbasary – Jasandy intellekt jәne sifrlyq damu ministri Jaslan Mәdiyevke últtyq chiyp-dizayndy damytu jóninde deputattyq saual joldady. Biz atalghan saualdy portal oqyrmandarynyng nazaryna úsynamyz...

Qazaqstan Respublikasy
Premier-Ministrining orynbasary –
Jasandy intellekt jәne
sifrlyq damu ministri
J.H. Madiyevke

Qúrmetti Jaslan Hasenúly!

Memleket basshysy Qasym-Jomart Toqaev aldaghy ýsh jylda elimizdi tolyq sifrlandyru jәne jasandy intellektti jan-jaqty damytu jóninde strategiyalyq mindet qoydy.

Mikroshemalardy jobalau jәne chipter dizayny salasyndaghy óz biliktiligimizdi damytpay, búl maqsattargha jetu mýmkin emes.

Býgingi tanda mikroshemalar – túrmystyq tehnika men smartfondardan bastap, qauipsizdik jýieleri, kólik jәne memlekettik qyzmetter kórsetu salalaryna deyingi býkil sifrlyq infraqúrylymnyng ózegine ainalyp otyr. Búl baghytty jetildirmey, shynayy sifrlyq egemendik turaly aita qiyn.

Halyqaralyq tәjiriybege sýiensek, chipter dizayny industriyasyn damytu ýshin mindetti týrde óz fabrikalarymyzdyng boluy shart emes. Singapurda arnayy qoldau qorlary zertteulerge 700 million dollar baghyttap otyr. Qytayda eksporttyq shekteulerge qaramastan jasandy intellektke arnalghan tәuelsiz sheshimderdi әzirleuge mýmkindik beretin salyqtyq jenildikter men subsidiyalar úsynylyp, tehnologiyalyq parkter belsendi júmys isteude.

Sonymen qatar, óndiristik bazasy bolmaghanyna qaramastan britandyq ARM kompaniyasy býginde әlemdegi smartfondardyng 95%-nyng arhiytekturalyq negizin qalyptastyryp otyr. Sol siyaqty, naryqtyq kapitalizasiyasy
4 trillion dollardan asqan NVIDIA kompaniyasy da óz óndiris oryndary joq, biraq әlemdegi eng iri mikroshema óndirushilerding birine ainaldy. Qazaqstannan  osynday naryqtargha jana oiynshylardy shygharu – strategiyalyq manyzy zor mindet.

Qazirgi uaqytta elimizde mikroshemalardy modelideu men synaqtan ótkizuge arnalghan zerthanalar, bilim beru baghdarlamalary, ghylymiy-zertteu infraqúrylymy jәne memlekettik qoldau sharalary jetkiliksiz. Salada halyqaralyq tәjiriybesi bar injenerler men tәlimgerler tapshy, al uniyversiytetter men ónerkәsip arasyndaghy baylanys әlsiz.

Nәtiyjesinde biz mikroshemalardy importtaugha mәjbýrmiz. Alayda eng ókinishtisi – jahandyq jartylay ótkizgishter industriyasynan shet qalyp otyrmyz. Búl naryqtyng kólemi qazirding ózinde jýzdegen milliard dollarmen ólshense, bes jyldan keyin 1 trillion dollargha, al 2035 jylgha qaray 2 trillion dollargha deyin ósedi dep boljanyp otyr.

Mikroshemalardy jobalau salasyn damytu Qazaqstangha birqatar eleuli artyqshylyq beredi.

Búl últtyq qajettilikterge beyimdelgen tehnologiyalyq sheshimderdi әzirleuge, sifrlyq jýielerding senimdiligi men memlekettik qauipsizdigin arttyrugha, sonday-aq mikroshemalar men dayyn ónim importynyng kólemin azaytugha jol ashady.

Sonymen qatar, salada jana joghary tehnologiyalyq júmys oryndary payda bolyp, jastardyng injenerlik mamandyqtargha qyzyghushylyghy artady. Dayyn chipter dizayny ýlgilerin jәne ziyatkerlik menshikke qatysty liysenziyalardy eksporttau mýmkindigi artyp, ekonomikanyng shiykizattyq emes sektory nyghayady.

Jogharyda aitylghandardy eskere otyryp, Ýkimetke chipter dizayny salasyn damytu boyynsha keshendi memlekettik sayasatty әzirleudi jәne bekitudi úsynamyn. Ýkimet shúghyl әri naqty sharalar qabyldauy qajet.

Keshendi memlekettik sayasat ayasynda uniyversiytetter men kolledjderde zerthanalar ashu, mikroshemalardyng últtyq dizayn-ortalyghyn qúru, jobalau jәne testileu infraqúrylymyn damytu, ghylymy jobalar men startaptardy qoldau, sonday-aq mikroshemalardy jobalau boyynsha oqu baghdarlamalaryn engizu kózdelui tiyis.

Dәl osy bazalyq infraqúrylymdy qúru elimizding shynayy әri túraqty sifrlandyruyn qamtamasyz etedi.

Qabyldanghan sharalar turaly zannamada belgilengen tәrtippen jazbasha týrde aqparat berudi súraymyn.

Qúrmetpen, Qazaqstan Respublikasy Parlamenti Mәjilisining deputaty, «AMANAT» partiyasy Fraksiyasynyng mýshesi Ábutәlip Mýtәli

Abai.kz