2025 jyldyng qarasha aiynda drondar soqqysyna úshyraghan «Kaspiy Qúbyr Konsorsiumy» teniz terminalyndaghy syrtqy ailaq qúrylghysyn qalpyna keltiru mýmkin emes. Dәl osy shabuyldyng saldarynan Qazaqstan múnayynyng eksporty kýrt tómendedi, dep habarlaydy Ulysmedia.kz.

QÚRYLGhYNYNG JAGhDAYY

Konsorsiumnyng bas diyrektory Nikolay Gorbani Novorossiyskidegi teniz terminalyna baryp, ailaq qúrylghylarynyng jaghdayyn tekserdi. Ol VPU-2 qúrylghysynyng (Vynosnoe prichalinoe ustroystvo — Syrtqy ailaq qúrylghysy) qarashadaghy dron shabuylynan keyin qayta iske qosyluy mýmkin emestigin aitty.

29 qarasha kýni qúrylghyny úshqyshsyz kater arqyly jasalghan terroristik shabuyl zaqymdaghan. Zaqymdanu dengeyi qúrylghyny әri qaray paydalanugha jol bermeydi. Qazir býlingen ailaq demontajdalady, bolashaqta ony almastyru mýmkindigi qarastyryluy yqtimal, biraq naqty merzimi belgisiz.

JOSPARLANGhAN JÓNDEUDING SOZYLUY

Al VPU-3 qúrylghysy әli de josparly jóndeude. Búl júmystardy 2025 jyldyng jeltoqsanynda ayaqtau josparlanghan edi, alayda bir aidan astam uaqyt ótse de qúrylghy iske qosylghan joq. Qazaqstan múnayyn túraqty eksporttau ýshin keminde eki ailaq júmys isteui tiyis, al qazir tek VPU-1 ghana júmys istep túr.

KTK ókilderi VPU-3 jóndeuinde «songhy dayyndyq sharalary» jýrip jatqanyn aitty. Jóndeu júmystary aua rayynyng qolaysyzdyghyna baylanysty úzaqqa sozylghan, sebebi su astyndaghy shlangiler men jýk jýiesining týtikterin auystyru qiyngha soqqan.

KONSORSIUMNYNG MÁLIMETI

«Barlyq nysandar men jabdyqtar tiyisti jaghdayda. Qyzmetkerler men merdiger úiymdardyng ókilderi tapsyrmalardy oryndauda jauapkershilik tanytyp, kәsiby dengeyin kórsetip otyr», — dep mәlimdedi «Kaspiy Qúbyr Konsorsiumy». Degenmen naqty merzim әli belgisiz. Búl Qazaqstan múnayynyng negizgi baghyttaghy eksportynyng túraqsyzdyghyn kórsetedi.

EKSPORTQA QAUIP

Sonymen qatar, Qazaqstan 600–700 myng tonna múnaydy eksporttay almay, paydadan qaghylatyny belgili boldy. Búghan 18 qantarda transformatorda shyqqan órt sebep bolghan. Oqigha elektrmen jabdyqtaudaghy aqaugha jәne óndiristing toqtauyna әkeldi. Múnay óndiru aqpan aiyna deyin toqtap túruy mýmkin.

Abai.kz