«Demokratiyadaghy barsha dostaryma sәlem!

Mine, týrmede otyrghanyma ekinshi jyl toldy...

Ómirimdegi osy týrme tәjiriybesinen ótkennen keyin, sizderge hat jazudy úighardym.

Osy eki jyl ishinde men kóptegen prosester men daghdarystardy bastan ótkerdim. Múnda sottalghandar men keybir qyzmetkerler tarapynan intrigalar, qaralau jәne ayaqtan shalu әreketteri boldy.

Olar meni syndyru arqyly Ýkimetten bostandyq týrindegi syiaqy alamyz nemese qyzmetimiz ósedi dep oilady.

Biraq men synbau ýshin bar kýsh-jigerimdi júmsadym. Ózimdi jalghyz әri tastalghanday sezingen kýnderim de boldy. Sonday sәtterde sizderding hattarynyz ben tilekteriniz maghan qanat bitirip, algha jyljugha jiger men senim syilady.

Sizder meni qolymnan ústap, algha sýiregen ýlken kýsh boldynyzdar.

Osy eki jyldaghy әrbir sәt meni qorqynyshqa boy aldyrmay, odan attap ótuge ýiretti. Mәselelerge qarsy túrudy jәne odan eng az shyghynmen nemese eng kóp shyghynmen shyghudy ýirendim. Qarym-qatynasqa ashyq bola bastadym jәne kez kelgen jaghdayda aman qaludy ýirenip jatyrmyn.

Men barlyq sottalghandardy nemese qyzmetkerlerdi jaman dep aita almaymyn. Olardyng arasynda da maghan qoldau kórsetken jaqsy, izetti adamdar bar.

Mekeme әkimshiligi maghan shygharmashylyqpen ainalysugha, yaghny suret salugha, últtyq aspap qomyzda oinaugha jәne әn aitugha rúqsat berdi. Ol ýshin barlyq jaghdaydy jasady. Mening ótinishim boyynsha kitaphana qoryn zamanauy әdebiyettermen janartty.

Qazir mende bәri jaqsy, óitkeni men eng qiyn mektepten ótip, emtihandy «óte jaqsy» degen baghagha tapsyrdym. Qazirgi uaqytta meni jaqsy kóredi jәne syilaydy. Al alda ne bolatynyn uaqyt kórsetedi.

Ótkenge kóz jibersem, men búl mektepten dәl osy jerde ótuim kerek bolghanyn týsinemin. Óitkeni múndaghy sabaqtar basqa esh jerde oqytylmaydy.

Men bolattay shiryqtym, iyildim, biraq synghan joqpyn.

Bәrin saralay kele, men tek dostarym men niyettesterime ghana emes, mening osy jerge keluime sebepshi bolghan adamdargha da riza ekenimdi týsindim.

Sizderge, anama, joldasyma, inilerime jәne men ýshin alandaytyn jandardyng bәrine sheksiz alghys aitamyn.

Sizderding mahabbattarynyz, qoldaularynyz ben senimderiniz maghan ghalamat kýsh beredi.

Ózderinizdi jәne meni saqtanyzdar

Qúrmetpen, sizderding Tajybek kyzy Mahabat

QR ÁM QJQB №2 mekemesi, Stepnoe auyly

18.02.2026»

Esterinizge sala keteyin: BÚÚ-nyng zansyz ústau jónindegi júmys toby Qyrghyz Respublikasynyng Adam qúqyqtarynyng jalpygha birdey deklarasiyasynyng jeti babyn jәne Azamattyq jәne sayasy qúqyqtar turaly halyqaralyq paktining alty babyn búzghanyn anyqtady. Olar Mahabbat Tәjibek qyzynyng bas bostandyghynan aiyryluy onyng zandy týrde pikir bildiru erkindiginin, jurnalistik qyzmetining jәne jemqorlyqty zertteuining tikeley saldary degen qorytyndygha keldi.

10 nauryzda Jogharghy sotta Mahabbat Tәjibekqyzynyng isin qayta qarau mýmkindigi turaly otyrys ótedi.

Ómir Shynybekúlynyng әleumettik jelidegi paraqshasynan

Abai.kz