Almatyda Abay atyndaghy Qazaq últtyq opera jәne balet teatrynda Halyq jazushysy, Qazaqstannyng Enbek Eri, kórnekti aqyn jәne qogham qayratkeri Múhtar Shahanovpen qoshtasu rәsimi ótti.

Suret: Maqsat Qúsayyn.

Últ ruhynyng jyrshysyn aqtyq sapargha shygharyp salugha memleket jәne qogham qayratkerleri, ziyaly qauym ókilderi, zamandastary men aqyn shygharmashylyghynyng qalyng tabynushylary keldi. Búghan qosa, aqynmen qoshtasugha Qazaqstan Parlamenti Senatynyng tóraghasy Mәulen Áshimbaev, premier-ministrding orynbasary – mәdeniyet jәne aqparat ministri Aida Balaeva, Almaty әkimi Darhan Satybaldy jәne basqa da memleket qayratkerleri keldi.

Suret: Maqsat Qúsayyn.

Memleket basshysynyng kónil aitu jedelhatyn oqyghan Qazaqstan Parlamenti Senatynyng tóraghasy Mәulen Áshimbaev búl qaza qalyng oqyrmannyng qabyrghasyn qayystyrghan auyr qaza bolghanyn atap ótti.

Sonday-aq aqynmen qyrghyzstandyq jazushy Sholponbek Abykeev qoshtasyp, Qyrghyzstan Preziydenti Sadyr Japarovtyng kónil aitu sózin jetkizdi.

Suret: Maqsat Qúsayyn.

Qaraly jiyndy jýrgizgen Qazaqstan Jazushylar odaghy Basqarmasynyng Tóraghasy Mereke Qúlkenov Múhtar Shahanovtyng qazaqqa qaltqysyz qyzmet etken, ruhaniyatqa ólsheusiz enbek sinirgen siyrek túlghalardyng biri ekenin atap ótti.

Suret: Maqsat Qúsayyn.

– Ol ótken ghasyrdyng sekseninshi jyldary oqyrman qauymgha «Tanakóz» poemasymen tanylyp, әdebiyetke ә degennen-aq erekshe qúbylys bolyp endi. Búl shygharma sol kezdegi «Leninshil jas» gazetinde eki nómirge tolyq jariyalanyp, oqyrmangha ýlken serpilis әkeldi. Sodan beri Shahanov qazaq poeziyasynyng biyik bir belesine ainaldy. 1986 jylghy Jeltoqsan oqighasy túsynda, qazaq jastarynyng taghdyry qyl ýstinde túrghan shaqta, Shahanov Mәskeude ýlken poeziyalyq kesh berdi. Búl – sol kezdegi totalitarlyq jýiege qarsy jasalghan batyl ruhany qadam edi. Aqynnyng búl keshi birneshe saghatqa sozylyp, ol jerde últ, el, jer turaly órshil jyrlaryn oqydy. Búl – Jambyl Jabaevtyng Kremlide qazaqsha jyr oqyghan tarihy sәtinen keyingi iri poeziyalyq oqigha retinde baghalandy.

Suret: Maqsat Qúsayyn.

Múhtar Shahanov – Mahambet Ótemisúlynan keyin shyndyqty taysalmay aitqan, eshkimnen qaymyqpaghan siyrek aqyndardyng biri. Onyng azamattyq ýni әrdayym halyq jaghynda boldy. Taysalmady, tartynyp qalmady. Egemendikke deyin de, egemendik jyldary da Ana tilining aibynyn kóterip, abyroyy ýshin az kýres jýrgizbedi. Múnysyna múqym qazaq kuә. Sóite-sóite últynyng asyl perzentine ainalyp ketti. Marqúmnyng jany jәnnattyng tórinde shalqysyn!, - dedi Mereke Ábdeshúly.

Abai.kz