Keshe 2026 jyly 13 mamyrda Qazaqstan Respublikasy Preziydenti Qasym-Jomart Toqaev elimizge memlekettik saparmen kelgen Týrkiya Preziydenti Rejep Tayip Erdoghandy airyqsha saltanatpen qarsy aldy.

Elimizding shekarasyna engen sәtten Astana әuejayyna deyin Týrkiya Preziydentining bortyna Qazaqstan Respublikasy Áue qorghanysy kýshterining úshaqtary qaptaldasa úshyp otyrdy.

Týrkiya Preziydentining keluine oray trap aldynda Qúrmet qarauyly rotasy sap týzedi.

Eki elding jalaushalaryn ústaghan balalar Rejep Tayip Erdoghan bastaghan Týrkiya elining resmy delegasiyasyna «Ata yurda hoş geldiniz!» – «Atajúrtqa qosh keldiniz!» dep eki tilde qoshemet kórsetti.

Sol sәtte Týrkiya men Qazaqstan tularyn jelbiretken tikúshaqtar alang ýstimen úshyp ótti.

Áuejay terminalynda jas ónerpazdar Týrik elining kóshbasshysyna arnap «Dombyra» kompozisiyasyn oryndady.

Memleket basshylary ekijaqty baylanystardyng qazirgi jay-kýii men bolashaghyn talqylaydy.

Búghan qosa preziydentter Qazaqstan men Týrkiya arasyndaghy Joghary dengeydegi strategiyalyq yntymaqtastyq kenesining altynshy otyrysyn ótkizedi.

Al 15 mamyrda týgel týrkining ruhany ordasy Týrkistan qalasynda Týrki memleketteri úiymyna mýshe elder basshylarynyng beyresmy sammiyti ótedi.

Jiynda «Jasandy intellekt jәne sifrlyq damu» taqyryby talqylanady.

TÝRKIYa – TUYSYMYZ!

Bizge eng jaqyn, tuys el Týrik Respublikasy 1991 jyly 16 jeltoqsanda  Qazaqstan Tәuelsizdigin jariyalaghanda 45 minuttan keyin  tәuelsizdigimizdi eng alghash  tanyghan el.

Týrkiyamen diplomatiyalyq baylanystar 1992 jyly 2 nauryzda ornady.

Qazaqstannyng alghashqy Elshiligi 1992 jyly qazanda Ankarada ashyldy.

Qazaqstanda ashylghan alghashqy elshilik te – 1992 jyly 12 sәuirde júmys bastaghan Týrkiya Elshiligi boldy.

Týrkiyanyng baghyna bitken әlemge әigili biregey túlgha Mústafa Kemal Atatýrikting eren erligimen 1923 jyly 29 qazanda Týrkiya Respublikasy qúryldy.

Týrkiya halqynyng sany osydan 3 jyl búryn 82 millionnan asty.

Preziydenti әlemge әigili sanlaq sayasatker Rejep Erdoghan.

Aynalasyn tórt teniz qorshaghan Týrkiya memleketi tórt qúbylasy týgel, tórtkýl dýnie sanasatyn quatty el.

«Bayraqtar» dronymen әlemge әigili, әskerining jalpy sany 1 054 750 adamgha jetetin Týrkiya Qaruly kýshteri sany jaghynan NATO-da ekinshi, Amerika Qúrama Shtattarynan keyingi orynda túr.

Týrkiya bizding Tәuelsizdigimizdi 45 minutta-aq birinshi bolyp tanyghan, tuys el bolghandyqtan da halqymyzdyng qúrmeti alabóten erekshe.

Týrik elderi bolashaghyna alandaghan Atatýrik sonau 1933 jyly ne dep edi?! «Býgin Kenes Odaghy – bizding dosymyz, kórshimiz, odaqtasymyz. Osy dostyqqa múqtajymyz bar. Alayda, ony erteng ne kýtip túrghanyn býgin eshkim kesip aita almaydy. Qúddy Osman nemese Avstriya-Vengriya imperiyalary siyaqty bólshektenip, úsaqtaluy ghajap emes. Búryn júdyryghynan jibermey ústaghan halyqtar alaqanynan shyghyp ketui әbden mýmkin. Dýnie jana tepe-tendikke úlasuy kәdik. Mine, sol kezde Týrkiya ne isteu kerektigin bilui tiyis. Osy dosymyzdyng qol astynda tili, senimi, taghdyr-tauqymeti bir bauyrlarymyz bar. Olargha sol sәtte qol sozugha әzir otyruymyz qajet. Ázir bolu – sol kýndi ýnsiz kýtu emes. Dayyndalghan jón. Halyqtar búghan qalay әzirlenedi? Ruhany kópirlerdi saqtay otyryp. Til – bir kópir... Senim – bir kópir... Tarih – bir kópir... Tamyr-tegimizge oralyp, san qily oqighalarmen sógilgen tarihymyzdy týgendeuge tiyispiz. Olardyng (syrttaghy týrikter) bizge jaqyndauyn kýte almaymyz. Biz olargha jaqyndauymyz .qajet», – degen edi asyl tughan Atatýrik osydan 93 jyl búryn.

Týrkiyanyng tuysqan Qazaq Eli Azattyghyn alghashqy bolyp moyyndauy - Atatýrikting sol 1933 jyly týrik halqyna aitqan asyl amanatyn adal oryndauy.

Týrkiyanyng Qazaqstannyng ekonomikasyna, bilimi men mәdeniyetine, ruhaniyatyna qosyp jatqan ýlesi zor.

Ótken ghasyrdyng 50-shi jyldary Qytaydaghy Shyghys Týrkistannan qazaqtar Gimalay asyp, tar jol, tayghaq keshu arqyly aua kóship, Pәkistan pen Ýndi eline baryp kidirgenin bilemiz.

Artynan olargha qol úshyn sozyp, bauyryna alghan Týrkiya edi.

Abai.kz