Almatydaghy Jambyl atyndaghy Qazaq memlekettik akademiyalyq filarmoniyasynda elimizding belgili violoncheliysi Musa Kerimbaev qazaqstandyq kompozitorlardyng shygharmashylyghyna arnalghan erekshe konsert ótkizdi. Búl kesh últtyq muzyka ónerining terendigin sezindirgen, ruhany әseri mol mәdeny oqighagha ainaldy.

Musa Kerimbaev – «Qazaqstan Respublikasynyng mәdeniyet qayratkeri» tósbelgisining iyegeri, Jambyl atyndaghy filarmoniyanyng soliysi, Ahmet Júbanov atyndaghy respublikalyq qazaq mamandandyrylghan muzyka mektep-internaty men Qúrmanghazy atyndaghy Qazaq últtyq konservatoriyasy týlegi. Ol halyqaralyq jәne respublikalyq dengeydegi kóptegen bedeldi bayqaulardyng laureaty atanyp, qazaq muzyka ónerin әlem sahnalarynda tanytyp jýrgen ónerpazdardyng biri.

Óner iyesi әr jyldary Valeriy Gergiyev, Plasido Domingo sekildi әlemge әigili muzykanttarmen bir sahnada óner kórsetken. Búl onyng kәsiby dengeyining joghary ekenin aiqyn anghartady.

Konsert baghdarlamasyna qazaq muzykasynyng altyn qoryna engen shygharmalar engizildi. Kesh barysynda Ahmet Júbanov, Ghaziza Júbanova, Latif Hamidi, Múqan Tólebaev, Evgeniy Brusilovskiy shygharmalary oryndaldy. Sonymen qatar Abay Qúnanbaev, Qúrmanghazy Saghyrbayúly, Tәttimbet Qazanghapúly, Yqylas Dýkenúly, Aqan Seri múralary da kórermenge úsynyldy.

Keshting erekshe tústarynyng biri – violonchelige arnalghan avtorlyq óndeuler boldy. Ásirese Ábdimomyn Jeldibaevtyng «Erke sylqym», Estaydyng «Qúsniy-Qorlan», Quat Shildebaevtyng «Qarakemer» jәne «Otan Ana» shygharmalary tyndarman kónilinen shyqty. Qazaqy әuenning violoncheli ýnimen ýndesui shygharmalardyng jana qyryn ashyp, últtyq muzykagha ózgeshe tynys bergendey әser qaldyrdy.

Búl konsertke qatysqan kórermenderding biri Diana Bakbergenova keshten ýlken ruhany әser alghanyn aitady. Onyng pikirinshe, býgingi qogham qazaqstandyq kompozitorlardyng múrasyn tolyq tanyp-bilip otyrghan joq.

«Biz óz kompozitorlarymyzdy tereng tany bermeymiz. Biraq olar bizge óte bay ruhany әri mәdeny múra qaldyrdy. Sondyqtan klassikalyq muzykany, halyq әnderin jәne kompozitorlardyng shygharmalaryn keninen nasihattau qajet», – deydi ol.

Shynynda da, býginde qazaq klassikalyq muzykasynyng alyptary – Ahmet Júbanov, Ghaziza Júbanova, Erkeghaly Rahmadiyev sekildi túlghalardyng shygharmalary keng auditoriyagha tolyq jetip otyrghan joq. Al búl múra tek Qazaqstanda ghana emes, halyqaralyq dengeyde de dәripteluge layyq.

Qazirgi uaqytta әleumettik jeliler, striming platformalar jәne týrli media alandar últtyq muzykany nasihattaugha zor mýmkindik beredi. Osynday konsertter arqyly jastardyng klassikalyq muzykagha qyzyghushylyghy artyp, últtyq ónerge degen qúrmeti kýsheye týsedi.

Tehnologiya, avtomattandyru jәne jasandy intellekt qarqyndy damyghan zamanda adam janyna ruhany tynyshtyq pen estetikalyq talgham auaday qajet. Mamandardyng aituynsha, klassikalyq muzyka adam miynyng júmysyn jaqsartyp, oilau qabileti men emosionaldyq tepe-tendikke ong әser etedi.

Musa Kerimbaevtyng búl konserti tek muzykalyq kesh qana emes, qazaq mәdeniyetining terendigin sezindirgen ruhany kezdesu boldy. Osynday keshter últtyq ónerding ómirshendigin dәleldep, mәdeny múrany bolashaq úrpaqqa jetkizuding manyzdy jolyna ainalary sózsiz.

Abai.kz