Alataudyng asqar shyndaryna inkәrlene qaraghan jan, onyng baurayynda túnyp túrghan talay taghdyr baryn anghara bermes. Sol taghdyrlardyng toghysqan bir mekeni – «Alatau» dәstýrli óner teatry. Búl shanyraqta óner ghana emes, jýrekting de óz ýni, óz shyndyghy bar. Sahnada aitylghan әr sóz, әr әuen, әr qimyl – adam janynyng ainasy ispetti. Al sol ainagha ýnilgen jandar keyde óz synaryn da osy jerden tabady. On jyl ishinde búl orda bes birdey shanyraqtyng keregesin keneytip, bes taghdyrdy bir arnagha toghystyrdy. Qozy Kórpesh – Bayan súlu kýnining qarsanynda búl hikayalar tipti de jýrekke jaqyn estiledi.

Suret: Avtordyng múraghatynan alyndy.

Aybek pen Aygerimning kezdesui – jazdyng jayma-shuaq bir kýnindey andausyz bastalghan әser. 2020 jyldyng mausymynda sahna ýstinde bir sәt kózge týsken beyne, kónilding bir týkpirine jaryq sәule týsirgendey boldy. «Abay-Toghjan» qoyylymynyng qarbalas dayyndyghy olardy bir-birine jaqyndatyp, beyne bir eki ózenning bir arnagha qúiylghanynday sezimge jeteledi. Áuelde jay ghana әriptestik әngime edi, keyin ol syrgha, syrdan – saghynyshqa úlasty. Aybek jýregindegi otty jasyra almay, dostary arqyly jol tauyp, yqylasyn bildirdi. 2021 jyldyng kókteminde býr jarghan búl sezim jyldar óte tamyryn terenge jiberip, 2024 jyldyng kýzine qaray mәueli bәiterekke ainaldy. Býginde sol bәiterekting sayasynda sәby kýlkisi synghyrlap túr.

Suret: Avtordyng múraghatynan alyndy.

Osy bir nәzik sezimning órbuine kuә bolghan taghdyrlas jandar – Núrbolat pen Saule. Olardyng mahabbaty da asyqpay tógilgen kýidey bayau bastaldy. Sol bir «Abay-Toghjan» qoyylymynyng ayasynda tanysyp, bir-birine jaqynday týsken qos jýrek Núrbolattyng tughan kýn keshinde tipti jaqyn tanysty. Ángime órbigen sayyn, kónilding de qaqpasy aiqara ashylghanday boldy. Ýsh jylgha sozylghan búl sezim uaqyt synynan sýrinbey ótip, 2025 jyly shanyraq kóterumen týiindeldi.

Búl eki júptyng arasynda kózge kórinbes, biraq jýrekpen seziler baylanys bar. Aybek pen Núrbolat – bala kýnnen tanys dostar bolsa, Aygerim men Saule óner jolynda qatar shyndalghan, bir oqu ornynda bilim alghan jandar. Teatr qabyrghasynda búl tórteu tek әriptes emes, bir-birine tileules, syrlas jangha ainaldy. Qos-qostan seruendep, ortaq quanysh pen әserdi bólisu – olardyng baylanysyn bekite týsti. Birining sezimi býr jarsa, ekinshisi soghan kuә bolyp, birge quandy. Osylaysha eki mahabbat hikayasy bir órnekting qos jibindey qatar órildi.

Suret: Avtordyng múraghatynan alyndy.

Al Aydos pen Aydananyn joly – ýnsiz bastalyp, kýrt ózgeriske toly әngime. Alghashqyda alystan ghana sýisingen kónil úzaq uaqyt boyy ishte búghyp jatty. Teatr sahnasyndaghy әr kezdesu, әrbir ortaq shara – onyng jýregindegi sezimdi terbete týsti. Biraq taghdyrdyng óz uaqyty bar. 2023 jyly bir keshting sәtinde bastalghan tanystyq jana bir ómirding esigin ashqanday boldy. Bir aigha jeter-jetpes uaqytta olardyng әngimesi ýzilmeytin arnagha ainaldy. Alghashqy kezdesuding ózi – tabighat ayasynda, taza auamen tynystap, erkin syrlasu – jan dýniyelerin jaqyndatty. Batyl sheshim qabyldandy, sezimge senim qosyldy. Toghyz ay ishinde qos әulet tabysyp, jana shanyraq kóterildi. Qazir egiz úldyng kýlkisi sol bir ýnsiz bastalghan sezimning aighaghy ispetti.

Suret: Avtordyng múraghatynan alyndy.

Dias pen Tomiristin mahabbaty – lap etken jalyn sekildi. 2022 jyldyng kýzi olar ýshin tek mezgil auysuy emes, jýrek kýiining ózgerui boldy. Dostyqtyng nәzik jibi bir sәtte mahabbattyng berik arqanynday beky týsti. Tomiristing tughan kýni – taghdyrdyng sheshushi sәtine ainaldy: sol kýni aitylghan sóz, taghylghan saqina – bәri jana ómirding bastauynday edi. Sol kýnnen keyin olar ýshin uaqyttyng ózi basqa yrghaqpen soqqanday boldy. Bir kýn kórmese, bir әlem kemigendey sezim, birge ótken әr sәtting qadiri – olardyng baylanysyn búrynghydan da tereng etti. 2023 jyly jasalghan úsynys – sol sezimning zandy jalghasy. Qazir olar ata-ana atanyp, mahabbattyng shyn mәninde ómirge ainalghanyn dәleldep otyr.

Suret: Avtordyng múraghatynan alyndy.

Erqanat pen Qúralaydyn hikayasy – bayqalmay bastalghanymen, jýrekte tereng iz qaldyrghan taghdyr. 2022 jylghy «Ayman – Sholpan» qoyylymynyng qarbalasy kezinde alghash kózge týsken tanystyq bastapqyda mәnsiz kóringendey edi. Biraq kýn sayynghy jýzdesu, ortaq dastarqan basyndaghy әngime, úzaq gastrolidik saparlar – bәri-bәri jýrekterdi bir-birine jaqyndata týsti. Erqanattyng ýnsiz iltipaty, bayqatpay jasaghan qamqorlyghy Qúralaydyng kónilinde jylylyq úyalatty. Semey saparyndaghy bir auyz sóz – әzilge úqsas tilek – keyin taghdyrdyng shyndyqqa ainalghan isharasy boldy. Dostyqtyng nәzik jibi uaqyt óte mahabbattyng berik arqauyna ainalyp, olar da shanyraq kóterdi. Býginde olardyng ómiri bala kýlkisimen ajarlanyp túr.

Búl bes taghdyr – bes bólek әuen. Biri bayau tógilgen kýidey, biri lapyldaghan jalynday, biri tereng tolqynday. Biraq barlyghynyng bastauy bir – shynayy sezim. Ónerding ishinde tughan yqylas jasandylyqtan ada, sondyqtan da mәngilikke úlasugha beyim.

Jýrekke jýgingen jan ghana tirshilikting shyn mәnin terennen tany alady. Al osy teatr qabyrghasynda býr jarghan mahabbattar – sol shyndyqtyng ýnsiz dәleli. Múnda sahnadaghy ról ayaqtalghanymen, ómirdegi ról endi ghana bastalady.

On jyl – uaqyttyng ólshemi ghana emes, sezimning shejiresi. Toghysqan taghdyrlar, tabylghan baqyt, jalghasqan ómirler – bәri osy shanyraqtyng tarihyna ainalghan. Al «Alatau» dәstýrli óner teatry әli talay jýrekting ýnin estip, talay mahabbattyng kuәsi bolary sózsiz.

Inara Aubakirova

Abai.kz