Býgin Almaty qalasyndaghy «Alatau» dәstýrli óner teatrynyng alanynda jana Konstitusiyanyng kýshine engen kýnge arnalghan «Biz, birtútas Qazaqstan halqy» atty auqymdy konsert ótti.

Almaty qalasy әkimdigining qoldauymen ótken mәdeny is-sharanyng negizgi maqsaty qazaqstandyq qoghamdaghy birlik pen qoghamdyq kelisim qúndylyqtaryn dәripteu, Konstitusiyanyng el ómirindegi manyzyn keninen nasihattau jәne túrghyndargha kóterinki kónil kýy syilau boldy.

Open-air formatynda úiymdastyrylghan konsertte elimizding tanymal estrada ónerpazdary men shygharmashylyq újymdary óner kórsetti. Sahna tórinde «Abyroy» toby, Aydana Medenova, «KeshYOU» toby, Ziruza, «Alash úly» toby, Erke, Raiym, Sadraddin jәne basqa da tanymal әrtister patriottyq ruhtaghy shygharmalarmen qatar ózderining ýzdik әnderin oryndap, kórermenderding ystyq yqylasyna bólendi. Olar jinalghan qauymdy jana Konstitusiyanyng kýshine engen kýnimen qúttyqtap, elimizding beybitshiligi, túraqtylyghy men ósip-órkendeuine arnalghan jýrekjardy tilekterin jetkizdi.

Kesh barysynda jinalghan halyq aldynda Almaty qalasy Qoghamdyq kenesining mýshesi Didar Dildәbek, Almaty qalasy Jastar qozghalystarynyng jetekshisi Ermúhammed Palmaghanbetov, «G35» studenttik ózin-ózi basqaru úiymynyng mýshesi Mariyam Duanbek, «Alashúly» tobynyng soliysi Maqsat Rahmet sóz sóilep, Qazaqstan halqynyng yntymaghy, qoghamdyq kelisimi men ózara qúrmeti – memleketting ornyqty damuynyng negizgi kepili ekenin erekshe atap ótti. Sonymen qatar, Konstitusiya – elimizding qúqyqtyq negizin aiqyndaytyn, әrbir azamattyng qúqyqtary men bostandyqtaryn qamtamasyz etetin basty qújat retinde memleketimizding túraqty damuy men demokratiyalyq qaghidattarynyng berik tiregi ekeni aityldy.

Konsert sonynda myndaghan almatylyq pen qala qonaqtary sýiikti ónerpazdarynyng oryndauyndaghy әnderdi birge shyrqap, keremet atmosferanyng ajyramas bóligine ainaldy. «Biz, birtútas Qazaqstan halqy» atty konsert Konstitusiyanyng el ómirindegi manyzyn aishyqtap qana qoymay, túrghyndardy ortaq maqsat pen últtyq qúndylyqtar tóniregine toptastyrghan jarqyn mәdeny kesh boldy.

Abai.kz