Qarapayym halyqtyng qúrmeti - júmysyma berilgen eng joghary bagha!

Bizge, parlamentke, mening atyma kýnige qaptaghan hattar tolastamay, keyde tipti 50 hatqa deyin keletin bolghan son, kómekshim Jasúlan Isa ekeumizding suretke týsuge uaqytymyz bolmaytyn! Endi 2026 jyldyng 30 mausymy kýni, keshki saghat 18:00-de parlamenttegi eng songhy hatqa jauapty jiberip, ýlgerip bolghasyn ghana, uaqyt tauyppyz.

Búl Tәuelsizdigine 35 jyl bolghan Qazaq memleketinde 30 jyl bes ay júmys istegen Parlamentting eng alghashqy hatyn kim joldaghanyn bilmeymin, al Parlamentting eng songhy hatyn men joldadym.

Ol hattyng kimnen kelgenin, kimning ýstinen aryz aityp kelgenin, ol aryzgha baylanysty deputattyq saualhat qanday tiyisti organgha, kimning atyna ketkenin endi eki aidan keyin aitatyn shygharmyn… Eger sol kezde súraghandar bolsa…

Ótken aptada Kursiv.Media sayty zertteu jasap, 2026 jylghy 20 mamyrgha deyingi deputattar saualyn sanap shyghypty, biz ózimiz bilmeymiz, sanap jýrgen joqpyz…

IYә, parlamenttegi eng kóp deputattyq saual jasap, ýkimet pen qúzyretti organdargha tynym bermegen deputattardyng eng aldynda ýsh jylda 321 deputattyq saual jasaghan bizding atymyzdy atapty.

Eng belsendi deputattar qatarynda ýshinshi orynda túrghan deputat Tansәule Serikov 249 saual joldaghan.

“Aq jol” partiyasy fraksiyasynyng 70 payyzy, yaghni, 6 deputattyng 4-eui alghashqy oryndargha, serke segizdikke kiripti.

6-oryndaghy Azat Peruashev 226, 7-oryndaghy Daniya Espaeva 217, 8-oryndaghy Erlan Barlybaev 215 deputattyq saual jasaghan.

Basqa qyzmetke auysyp nemese ókilettigi toqtap deputattyq merzimdi sonyna deyin jetkize almasa da ýzdikter qataryna engen eks-deputattar da bar. Aytalyq, 2026 jylghy 11 aqpanda Preziydent әkimshiligi ishki sayasat bólimi mengerushisi bolyp auysqan Elnúr Beysenbaev 243 saual joldap ýlgergen eken.

Jalpy, 200-den kóp saual joldaghan deputattar sany – 12. Olardy shartty týrde eng belsendi top deuge bolady. Al 100-den joghary saual jibergender sany – 40.

Redaksiya sonymen qatar saual jasauda eng tómen kórsetkish kórsetken deputattar qatarynda kimder bar ekenin kórsetip, olardy «Ýndemester» dep atapty.

Sol jasaghan saualdarymyzdyng basym bóligi halyqtyng mún-múqtajyn ótep, mәselesin sheship jatqanyn kórgende, kóniling ósip, qanattanyp qalasyn. Sheshilmey qalghan mәseleler shiryqtyra týsedi.

Qosh bol, parlament!

Qúryltaygha Aq jol!

TAKSISTING QÚRMETI TÁNTI ETTI

“Júmysyna baghany taksister beripti!

4 shilde kýni Almatyda úshaq әdettegidey óz uaqytynda úshpay, Astanagha keshigip kelip, týngi 12-lerde әuejaydan shyqqasyn syrtta kólik kýtip biraz túryp qaldym.

Jasy alpysty alqymdaghan, úqypty kiyinnen mosqal kisi kelip amandasyp, jaghdayymdy súrady.

"Sizge rizamyn Qazeke! Ýnemi sizding saualdarynyzdy tyndaymyn, riza bolyp otyramyn", -  dedi.

Rahmet aityp, iltipat bildirdim.

- Kóliginiz keshigip jatyr ma? Jýriniz men-aq jetkizip salayyn sizdi?

- Oi, rahmet sizge. Qazir 15 minutta kelu kerek.

Shyn rizashylyghymdy bildirip jatyrmyn.

Ol kóligine qaray jýrip ketti de, 5-10 minutta qayta ainalyp keldi.

- Áli kelmedi me kóliginiz? Jýriniz men-aq aparyp tastayyn. Ózinizdey qazaqtyng sózin sóilep jýrgen deputatqa bir rizalyghymdy bildirgenim bolsyn, tegin jetkizip salamyn! - deydi.

Taksist taghy da jik-japar bolyp jatyr.

Men ynghayzyzdanyp, qysylyp bara jatyrmyn. Kóligi qúrghyr da kele qoymaydy...

"Kóp rahmet sizge! Yqylasynyzgha yrzamyn. Meni tasyghanda bәribir uaqytynyz ketedi ghoy, odan da onyng ornyna búl uaqytqa basqalardy tasyp, aqsha tapqanynyz paydaly ghoy", - dedim.

"Azar bolsa, 5-6 myng tenge kem tapqanda túrghan eshtene joq, sizge riza bolghandyqtan qyzmet eteyin dep túrmyn", - deydi.

Taksisting qúrmetine riza bolyp, biraz sóilesip qaldyq. Aty Shardarbek, ontýstik ónirden, 60 jasta kórinedi. 2000 jyldan beri Astanada túrady eken. Ózining mamandyghy tarih pәni múghalimi. 5-6 jyl mektepte múghalim bolghan. Astanadaghy "Region" kompaniyasynan 2021 jyly arendagha "Kia rio" markaly kólik alyp, jolaushylar tasymaldap jýr. Qúday qalasa, qyrkýiekte merzimi bitip, kólik óziniki bolady

Kýndelikti jospary 13 myng tenge. Týnde shyghady taksiyge. Áuejayda jolaushylardyng aitqanyna kelisip kete beredi.

Týnde júmys istegenning bir jaqsysy keptelis joq! Ári, taskisterding kliyentterining kóbisin tartyp alghan "Tarlan" jenil relisti transporty da toqtaydy.

- Onda sizben suretke týsip alayyq.

Ekeumiz suretke týstik. Aynalamyzda suretke týsiruge ynghayly adam bola qoymady da, selfy jasadyq.

Sol arada kóligim de kelip, jyly qoshtasyp kettik.

Qarapayym halyqtyng osynday riyasyz yqylasyn kórgende riza bolyp, qanattanyp qalasyn. Onyng ýstine parlament tarap ketkesin, uaqytsha júmyssyz atanyp, mәrtebemiz ózimen birdey bolyp túrghanda kórsetken qúrmet tipti kýshti әser etedi eken.

Parlamentte bes jyl bosqa jýrmegen ekenbiz ghoy dep, kónilim kóterilip shygha keldi.

2021 jyly ýsh partiya bolghan parlamentting 7 shaqyrylymynda da jәne 2023 jyly 100-dey deputat ( 6 partiyanyng 69 deputaty men bir mandatty 29 deputat) bas qosqan 8 shaqyrylymda da qatarynan eki eki ret “Jyldyng ýzdik deputaty” atanghanymyz bos emes eken ghoy dep, marqayyp qaldym.

Sol arada “Jaqsy jetting be?” - dep, auyldan habarlasyp qalghan bir qadirli aghamyzgha әuejaydaghy әngimeni aityp berip edim, “Parlamenttegi júmysyna baghany taksister beripti!

"Qarapayym halyqtyng qúrmeti - eng joghary bagha", - dep kónilimdi odan әri kóterip tastady.

Alda taghy alaman saylau! Qúryltaydyng dýbiri bastalyp ketti!?. Alla jar bolsyn! Aq jol!

Qazybek Isa

Abai.kz