Abai.kz portaly 21 shilde kýni Samalgýl Esenghaziyeva atty azamatshanyng "Kýieuim memleket qarjysyna qol salghan joq" degen ashyq hatyn jariyalaghan edi. "Qúqyq qorghau organdarynyng teperishine shydamay sheyit bolghan Ómirbek Jampozovtyng basyndaghy jaghday mening kýieuim Shәripov Ermek Isaúlynyng basyna da tuyp otyr" dep shyryldaghan kelinshekting janayqayyna QR Bas Prokurory Jaqyp Asanov qúlaq aspaghan son, endi tikeley Elbasygha shaghym týsirmek. Ádildik izdep sharq úrghan shynashaqtay qazaqtyng qyzy Abai.kz aqparattyq portalyna taghy hat jazyp jiberipti. Hattyng bir әrpin de ózgertpey oqyrman nazaryna úsynyp otyrmyz. 

Mәsele týpkilikti týsinikti boluy ýshin siltemedegi maqalany da oqyp shyghularynyzdy ótinemiz. 

Abai.kz aqparattyq portaly

Mening aitayyn degenim tek qana shyndyq, jay shyndyq emes barlyq sózderime dәlelder bar.

Mening júbayym Sharipov Ermek eshqanday qylmys jasaghan joq jәne basqa adamdar jasaghan qylmysqa eshqanday qatysy joq.

Bizding Qazaqstannyng qúqyq qorghau jәne sot organdarynda әdilettilik joq ekenine tolyqtay kózim jetti.

Basynyn bastap aitatyn bolsam, kelesilerge kóz jetkizuge bolady:

1. QR Últtyq qauipsizdik komiytetining qyzmetkerlerining júmysy: resmiy tirkelgen 28 adamnan túratyn jedel top qanshama ay boyy artynan andyp, barlyq jýris-túrysyn, sóilesken sózderin jazyp jýrip qanday da bir qylmysqa qatysy bar dәlel taba almauynyng ózi mening kuyeuimning qylmys jasamaghanyn dәleldeydi.

2. Sotqa deyingi tergep-tekseru kezeninen bastap qylmystyq qudalau jedel tobynyng jetekshisi ú/q polkovniygi Ó.Jasúzaqovtyng maqsaty kuyeuim Sharipovty qalayda osy qylmystyq iske qatysy joghyna qaramastan, tikeley esh dәlel bolmasa da qylmystyq jauapqa tartu boldy.

Kimning tapsyrysy boyynsha istep jýrgeni bizge beymәlim.

3. Qylmystyq is әuel bastan Sharipov, Júmkaziyev, Gapirovpen aldyn ala sóz baylasyp kәsipkerlerden tikeley jәne para alu barysynda ústaldy delingen.

Qylmys jasaugha kýdikti retinde ústalghan kezden bastap Júmqaziyev, Gapirov jәne kәsipkerler Moldabekova, Sartaeva óz jauaptarynda jәne qylmys barysyn anyqtau barysynda Sharipovtyng qandayda bir zansyz әrketteri jayly aitpaydy nemese eshbir kuә ol turaly kórsetpeydi. Eshbir adamnan Sharipov arasynda onyng kinәsin әshkerleu boyynsha bettestiru ótkizilgen joq.

Sot otyrysy negizinde de Sharipov qylmysqa qatysy bar degen birde-bir adam bolghan joq jәne aiyptau jaghy Sharipovtyng qylmysyn dәleledeytin birde-bir dәlel úsyna almady (Sot otyrysynyng beyne jәne audio jazbalaryn tolyqtay Abai.kz portalyna jiberip otyrmyn).

Osynday naqty mәn-jaylargha qaramastan sot A.Kairov taghylghan aiyp esh dәlelin tappasa da aiyptau ýkimin shygharyp Sharipovty 10 jylgha sottady.

Sot Kairovtyng shygharghan ýkimi tek Sartaevanyng kórsetpesining negizinde qúralghan.

Sol Sartaevanyng ózi sot otyrysy barysynda Sharipovpen eshqandayda bir aqsha nemese konkurs turaly turaly kelissóz jýrgizbegenin jәne onyng aldynghy kórsetpelerindegi Sharipovtyng familiyasyn tergeushining ózining qosqanyn, al Sartaeva Sharipov turaly eshtene aitpaghanyn aitty (Sot otyrysynyng beyne jәne audio jazbalary bar).

Memlekettik aiyptaushy Bakirov ÚQK tergeushisi Ó.Jasúzaqovtyng qiyalynan tuyndaghan aiyptau aktisin qaytalap oqyp shyqty jәne sot Kairov sol aiyptau aktini tolyqtay ýkimge kóshirip jazghan.

Osyghan qaraghanda, bizding Respublikamyzda Sot organdary jәne prokuratura organdarynda QR ÚQK-ne baghynyshty, ne bolmasa qorqady degen sheshim jasaugha bolady.

Osy qylmystyq is boyynsha kuә retinde 72 adamnan jauap alyndy, alayda osy jauap alynghan adamdardyng barlyghy Sharipovtyng qylmysqa qatysy bar ekenin kórsetken joq.

Qylmystyq is boyynsha Sharipovty Júmqaziyevpen jәne Gappirovpen aldyn-ala sóz baylasyp para aldy delingen.

Biraq sotqa deyingi tergeu jәne sot otyrysy barysynda búl aiyptary eshqanday dәlel tappady. Ayyptau jaghynyng úsynghan dәlelderi men kuәlary tek qana Sharipovtyng kinәsiz ekendigin dәleldeydi.

Bizding Respublikamyzdyng qúqyq qorghau organdary kinәsiz adamdargha jala jabumen ainalyssa búl bolashaqta eshqanday jaqsylyqqa әkelmeydi. Adamdardy, halyqty ashyndyrugha әkeledi.

Halyqtan biylik basshylaryna degen senim ketedi.

Mening ózim qazir ashynyp, әdilettilikke qalay qol jetkizerimdi bilmey qinalyp jýrgen jayym bar. Áli de bolsa estiytin qúlaq tabylar degen oidamyn.

Ádilettilik ýshin kýresu jolynda barymdy salamyn jәne eshteneden tayynbaymyn.

Mening búl kýresuim tek ózim ýshin emes, bolashaqta mening basymdaghy jaghday basqa adamdardyng basyna tumasa eken dep oilaymyn.

Taghy da aita ketetin jay, ÚQK-ning qyzmetkerleri әli kýnge deyin mening basqan izimdi andyp jýr. Arttary quys bolghannan keyin jandary shyghyp, meni ne aitady dep baghyp jýr.

Býkil aqparat qúraldaryn maghan jaqyndatpay qoydy.

Bar oiym osy aitqandarym bizding Preziydentimiz N.Á.Nazarbaevtyng qúlaghyna jetse deymin, mýmkin qúqyq qorghau organdarynyng zansyz isterine toqtau bolar edi-au.

Preziydentimizding adal da әdilettiligine senemin, biraq jalghyz ózi barlyghyna birdey jetpeydi ghoy...

Sonynda aitayyn degenim, ózderiniz oilap qaranyzdarshy: osy qylmystyq is boyynsha 100-den artyq adam qatysty, onyng ishinde 72 adam kuә retinde, 30-dan artyq adamdar qorghaushylar, 11 adam sottalushylardyng barlyghy bir auyzdan Sharipov Ermekting qylmysqa eshqanday qatysy joq ekenin aitty, al birde-bir dәleldemesi joq, qylmysqa qatysty birde-bir isti Sharipov istedi degen sózi joq aiyptau aktisin jasaghan tergeushi Jasúzaqov, sol aiyptau aktini sot otyrysynda esh ózgerissiz oqyp shyqqan prokuror Bakirov jәne sol aiyptau aktini tolyqtay kóshirip ýkim shygharghan sot Kairovter aqyldy bolyp, basqa 100-den artyq adamdar aqymaq bolghany ma? Osy arasyn týsine almay otyrmyn.

Samalgýl Esenghaziyeva

Abai.kz