«Baspana» Ipotekalyq úiymy (búdan әri - Baspana) jas otbasylar men budjettik sala qyzmetkerlerine qarjylyq jýktemeni azaytu maqsatynda "Jas arman" jәne "Qamqor baspana" ónimderining әzirlengenin habarlaydy. Ónimder Baspana jәne jergilikti atqarushy organdar arasyndaghy yntymaqtastyqqa negizdelip, atalmysh sanattaghy azamattargha "7-20-25" ipotekasynyng alghashqy jarnasyn eki esege azaytudy qarastyrady. Jergilikti atqarushy organdar (búdan әri - әkimdikter) obligasiyalar shygharady jәne halyqtyng atalghan sanaty ýshin bastapqy jarnanyng jartysyn subsidiyalaugha mindettenedi. Óz kezeginde Baspana әkimdikter obligasiyalaryn satyp alyp, «7-20-25» baghdarlamasyna qatysatyn banktermen halyqtyng osy kategoriyasyn nesiyelendirudi qamtamasyz etedi.

«Biz «7-20-25» baghdarlamasyna jas otbasylar men budjettik sala qyzmetkerlerining qatysuyna orasan zor mәn beremiz. Olar tarapynan alghashqy jarnany jinaudyng qiyndyghy jóninde kóptegen pikirler kelip týsti. Sol sebepti, qoldau mýmkindikterin barynsha qarastyrdyq. Múnday әleumettik sheshimderdi iske asyru ýshin әkimdikter tarapynan qoldau kýtemiz», - dedi «Baspana» Ipotekalyq úiymynyng basqarma tóraghasy Qayrat Altynbekov.

"Jas arman" jәne "Qamqor baspana" ónimderi birinshi bolyp Shymkent qalasynda pilottyq rejimde júmys istey bastady. Taraptar tiyisti Memorandumgha 2018 jyldyng 3 qyrkýieginde qol qoyghan bolatyn. Memorandumgha sәikes Shymkent әkimdigi qaytarymdy negizde bastapqy jarnany subsidiyalau ýshin aghymdaghy jyly 500 mln. tenge jәne 2019 jyly 1,5 mlrd. tenge bóledi. Ákimdikting qoldauy 2 myngha juyq jas otbasy men budjettik sala qyzmetkerlerin qamtidy dep kýtilude.

Esterinizde bolsa, tamyz aiynyng basynda birqatar búqaralyq aqparat qúraldary memlekettik qyzmetkerlerding "7-20-25" baghdarlamasyna qatysu ýshin alghashqy jarnany jinau qiyndyqtaryna tap bolyp, shaghymdanghany jóninde jazghan bolatyn.

Abai.kz